It is my fault ကိုယ့်ထိုက်နဲ့ ကိုယ့်ကံ
ကွန်မင့်တခု = Mary Decem အစကတော့ အဲ့ဒီအယူမရှိခဲ့ပါဘူး။ အတွေ့အကြုံတွေကများလာတော့ တိုက်ဆိုင်တာတွေ များလာတော့ အဲ့လိုဖြစ်ကုန်ပြောရတော့တာပဲ။ case အေးတယ်နော်ပြောမိတာနဲ့ emegency case (အရေးပေါ်လူနာ) ရောက်လာတာမျိုး၊ ခုံခေါက်မိတာနဲ့ brought in death (လူသေရောက်ခြင်း) ရောက်လာတာမျိုး PC case (ရဲမှု) ရောက်လာမျိုး၊ ခဏခဏကြုံရတော့ တိုက်ဆိုင်တယ်လို့တောင် မပြောရဲတော့ဘူး။ OG ward (သားဖွား-မီးယပ်အဆောင်) ဆို fetoscope (ကလေးနှလုံးခုန်သံ နားထောင်စရာ) ကိုရေခဲသေတ္တာထဲထည့်တာမျိုး၊ တချို့ဆို အနီတွေ အနက်တွေ ဝတ်တာ မကြိုက်ဘူး၊ ပန်းအနီမတင်ရဘူး။ ကျွန်မတို့ဆို ပစ္စည်းလွတ်ကျရင် သေအောင်အဆူခံရတာ။ တိုက်ဆိုင်တာထက် တကယ်ရောက်လာတာတွေများတော့ မလုပ်ရဲတော့ဘူး။ ကိုယ်တွေ့တွေပါ နောက်ပြီး Case အေးတဲ့လူ case (လူနာ) ရှုပ်တဲ့လူဆိုပြီး ရှိသေးတယ်။ case ရှုပ်တတ်တဲ့လူနဲ့ဆို ဘယ်သူမှ duty (ဂျူတီ) မဆင်းချင်ကြဘူး။ တကယ်လည်း ရှုပ်တာပါ။ သူ duty ဝင်တာနဲ့ အေးနေရာကနေ အုန်းဒိုင်းကြဲတွေ ဆက်တိုက်ရောက်လာတာပါပဲ။ တခါနှစ်ခါလည်း မဟုတ်ဘူးရယ်။ သူများနဲ့ကို မတူတာပါ။ အဲလိုပြောရတာတော့ မကောင်းဘူးပေါ့နော်။ လက်တွေ့ကြုံရတော့လည့်း့
တိုက်ဆိုင်မှုဆိုတာ နေရာတကာ နယ်ပယ်တကာမှာရှိပါမယ်။ အပြန်အလှန်နားလည်မှု ပေးတတ်အောင် ကြိုးစားကြရင် အဆင်ပြေမှာပါ။ အယူအစွဲဆိုတာ ပြင်ရတာအခက်ဆုံးပဲ။
ကျွန်တော် ၁၉၇ဝ ကျော်နှစ်တွေမှာ မြို့သာ (အရင်က စစ်ကိုင်းတိုင်း၊ အခုတော့မန္တလေးတိုင်း) တိုက်နယ်ဆရာဝန် ငါးနှစ် တာဝန်ကျတယ်။ တနှစ်က နှစ်ဆန်းတရက်နေ့မှာ ဓါးပြကပစ်လို့သေဆုံးသွားတဲ့ ရဲတပ်သားအလောင်း သုံးလောင်း ရောက်လာတယ်။ အဲဒီတနှစ်လုံး (ပူးလစ်စ် ကေ့စ်) ခေါ်တဲ့ ဆရာဝန်တွေ တရားရုံးမှာ သက်သေခံရတဲ့ အမှုတွေက များလိုက်တာ မပြောပါနဲ့တော့။ ၁၆ မိုင်ဝေးပြီး အလွန်ဆိုးလှတဲ့လမ်းကနေ ငါန်းဇွန်ကိုသွားပြီး သက်သေထွက်ရတာ ထွန်စက်ဘီးဖုံးပေါ်မှာ ပုဆိုးခေါင်းမြီးခြုံနဲ့ပေါ့။ (ထွေလာ) ပေါ်စီးရတဲ့အခါဆို ဆန်ကောထဲက ဆီးဖြူသီးလို။
အခုဆို လူနာကို ကိုယ်တိုင် မေးမြန်း၊ စမ်းသပ်၊ ကုသ၊ ခွဲစိတ်ပေးရတာမဟုတ်တော့ပေမဲ့ မေးခွန်းတွေထဲမှာ ရောဂါတူတွေ စုလာတတ်တယ်။ အဲတာက ကိစ္စမရှိပါ။ အသက်-ကျား-မ မပြောကြတဲ့ မေးနည်းစည်းကမ်း အဆင်မချောတာတွေ လာပြီဆိုရင် အချိန်ပိုကုန်ရပြီ၊ ခေါင်းရှုတ်စရာတွေကလာပြီ။ ကိုယ့်ထိုက်နဲ့ကိုယ်လို့သာ သဘောထားရတော့တယ်။ ကွန်မင့်မှာလည်း မဖွယ်မရာတွေ၊ စွပ်စွဲတာတွေကလည်း စုပြုံလာတတ်တယ်။ အခုပဲ ကွန်မင့်တခုက ဆရာရှင့်တွေချည်း များနေတယ်။ ဆရာခင်ဗျ မတွေ့လို့တဲ့။ ကိုယ့်ဝဋ်နဲ့ကိုယ်ပေါ့။
ဒေါက်တာတင့်ဆွေ
၁၃-၉-၂ဝ၁၆
Comments
Post a Comment