Birth Control Pill Types ကိုယ်ဝန်တားစားဆေး ဘယ်ဟာရွေးမလဲ

ကိုယ်ဝန်တားဆေး အမျိုးမျိုးရှိတယ်။ မြန်မာပြည်မှာ ကျွန်တော်တို့ ဆရာဝန်လုပ်နေတုံးကဆိုရင် UNICEF ကနေ အခမဲ့ဝေတာက အင်္ဂလိပ်စာနဲ့ အဖြူရောင် + အညိုရောင်ဆေးပြားကပ် ဖြစ်တယ်။ အခုကျန်းမာရေးမေးခွန်းတွေအရ သိလာရတာကို တချို့က လက်ညှိုးကပ်ခေါ်တယ်။ တချို့က မြားကပ်လို့ ခေါ်ကြတယ်။ တကမ္ဘာလုံးမှာ အမျိုးသမီးကြီးငယ် သန်းပေါင်း ၁ဝဝ သုံးနေကြတယ်။ နောက်ပေါ် စားဆေးထဲမှာ အဟောင်းတွေထက် ဟော်မုန်းလျှော့ထည့်ထားလို့ ဘေးထွက်ဆိုးကျိုးတွေ နည်းစေတယ်။ ထိရောက်မှုလဲ ရှိပါတယ်။

• Mala-D = (Levonorgestrel-0.15 mg + Ethinyl oestradiol 0.03mg)
• Marvelon = Desogestrel 0.15 mg + Ethinyl estradiol 0.03 mg)
• Enovid = (Mestranol 0.15 mg + Norethynodrel 9.58 mg)
• Alesse = (Ethinyl estradiol 0.02 mg + Levonorgestrel 0.1 mg)
• Ortho-Novum = (Ethinyl estradiol 0.035 mg + Norethindrone 0.5 mg)
• Modicon = (Ethinyl estradiol 0.035 mg + Norethindrone 0.5 mg)
• Microgestin 1/20 = (Ethinyl estradiol 0.02 mg + Norethindrone 1 mg)
• Microgestin 1.5/30 = (Ethinyl estradiol 0.03 mg + Norethindrone 1.4 mg)

ဟော်မုန်း နှစ်မျိုးတွဲဆေးကို ၂၁ လုံးပါကပ် နဲ့ ၂၈ လုံးပါဆေးကပ်တွေနဲ့ရှိတယ်။ ၂၁ လုံးဆိုတာ ဟော်မုန်းပါတာတွေချည်း ဖြစ်တယ်။ ကျန် ၇ လုံးမှာ ဟော်မုန်းမပါဘူး။ ၇ လုံးပိုထည့်ထားလို့ ၂၈ လုံးအကုန်မှာ နောက်ဆေးကပ်သစ် သောက်ဘို့ သိသာတယ်။ ၂၁ လုံးပါဆေးကပ်သောက်သူက ကြားထဲမှာ ၇ ရက်တိတိ နားထားရမယ်။

ကိုယ်ဝန်တား စားဆေးထဲမှာ (၃) မျိုးရှိတယ်။
၁။ Combination pills (Estrogen + Progestin) ဟော်မုန်း နှစ်မျိုးတွဲဆေး၊
၂။ Minipill (Progesterone) ဟော်မုန်းတမျိုးထဲဆေး နဲ့
၃။ Emergency contraceptive pill အရေးပေါ်တားဆေးတွေ ဖြစ်တယ်။

(၁) Combination pills ပေါ်ပြုလာအဖြစ်ဆုံး ဟော်မုန်းနှစ်မျိုးတွဲဆေးကနေ (၁) မျိုးဥထွက်မှာကို တားပေးတယ်။ (၂) သားအိမ်ဝက ချွဲကိုလဲ စေးပျစ်စေလို့ သုက်ပိုးဝင်လာဘို့ ခက်ခဲစေမယ်။ (၃) သားအိမ်-အတွင်းဆုံးလွှာကိုလဲ သန္ဓေတွယ်ကပ်မှု မဖြစ်နိုင်အာင် ပြုပြင်ပေးတယ်။ Estrogen (အီစထိုဂျင်) ဟော်မုန်းကိုတော့ Ethinyl estradiol အဖြစ်ဘဲသုံးကြပြီး၊ Progesterone (Progestin) ကတော့ သုံးတာမတူကြဘူး။ ဥပမာ Mircette ဆေးထဲမှာ Desogestrel ပါပြီး၊ Yasmin ထဲမှာ Drospirenone ပါတယ်။

ဟော်မုန်း နှစ်မျိုးတွဲဆေးထဲမှာလဲ (၃) မျိုးရှိတယ်။ Monophasic (မိုနိုဖေးဆစ်)၊ Biphasic (ဘိုဖေးဆစ်) နဲ့ Triphasic (ထရွိုင်ဖေးဆစ်) တွေလို့ ခေါ်တယ်။
1. Monophasic တွေထဲက ၂၁ လုံးမှာ ဟော်မုန်းအဆ တူကြတယ်။ ဆရာဝန်အများစုက ဒီအမျိုးအစားကို ပိုသဘောကျတယ်။ Alesse, Beyaz, Brevicon, Demulen, Desogen, Levlen, Loestrin, Norinyl, Ortho-Cept, Ortho-Cyclen, Ortho-Novum, Yasmin နဲ့ Yaz (၂၄ + ၄ ပါတယ်) တွေဖြစ်တယ်။
2. Biphasic တွေထဲက ၂၁ လုံးမှာ ဟော်မုန်းအဆ မတူတဲ့ ၂ မျိုးပါကြတယ်။ Jenest-28, Mircette, Necon 10/11 နဲ့ Ortho-Novum 10/11 တွေဖြစ်တယ်။
3. Triphasic တွေထဲက ၂၁ လုံးမှာ ဟော်မုန်းအဆ မတူတဲ့ ၃ မျိုးပါကြတယ်။ Ortho-Novum 7/7/7, Ortho Tri-Cyclen, Tri-Levlen, Tri-Norinyl နဲ့ Triphasil တွေဖြစ်တယ်။

ကောင်းချက်တွေ -
နေ့တိုင်း သောက်တာမှန်ရင် ၉၉% စိတ်ချရတယ်။ ရာသီသွေးဆင်းတာ မများဘူး။ ရက်မှန်တယ်။ ရာသီလာလို့ နာတာ သက်သာတယ်။ မလာခင်ဖြစ်ချင်တာတွေလဲ သက်သာတယ်။ မျိုးဥအိမ်-ကင်ဆာ၊ သားအိမ်-ကင်ဆာ အဖြစ်နည်းတယ်။ မျိုးဥအိမ်-အကျိတ် နဲ့ ရင်သား-အကျိတ်ဖြစ်တာ နည်းတယ်။ တင်ပါးဆုံတွင်းရောဂါ အဖြစ်နည်းတယ်။ ဝက်ခြံထွက်တာ သက်သာတယ်။ သားအိမ်ပြင်ပ-သန္ဓေတည်တာ နည်းတယ်။ Endometriosis ဖြစ်နေလို့ ခံစားရတာတွေလဲ နည်းစေတယ်။ အပျိုတွေကိုလဲ ရာသီမှန်အောင်ပေးတယ်။

ဘေးထွက်-ဆိုးကျိုးတွေ -
ပျို့-အန်၊ ခေါင်းကိုက်၊ ရင်သားတင်း-နာ၊ လိင်စိတ်နည်း၊ ခေါင်းမူး၊ ဆေးစသောက်ဘူးသူတွေ တလ၊ နှစ်လမှာ ရာသီရက် မမှန်ဖြစ်နိုင်တယ်။ ရှားရှားပါးပါး ဖြစ်နိုင်တာတွေကတော့ သွေးဖိအားတက်၊ နှလုံး၊ သွေးကြောပိတ်၊ အသဲကင်ဆာ၊ သည်းခြေအိတ်ကျောက်တွေ ဖြစ်တတ်တယ်။ ဒီဆေးမျိုး မသုံးသင့်သူတွေကတော့ သွေးကြောပိတ်ရောဂါဖြစ်ဘူးသူတွေ၊ အသက်ကြီးသူတွေ၊ သွေးတိုးများသူတွေ၊ (မိုင်ဂရင်း ရောဂါရှိသူတွေ၊ အသဲ မကောင်းသူတွေနဲ့ မသင့်ဘူး။

(၂) Minipill (Progestin-Only) (မီနီ-ပီးလ်)
• Progestin-only pill (POP) လဲခေါ်တယ်။
• အားလုံး ၂၈ လုံးမှာ ဟော်မုန်းပါတယ်။
• ကလေးနို့တိုက်နေသူတွေ၊ သွေးကြောပိတ်ဖြစ်သူတွေ၊ (အီစထိုဂျင်) မတည့်သူတွေ၊ အသက် ၃၅ နှစ် ကျော်သူတွေ၊ ဆေးလိပ်သောက်သူတွေ သုံးနိုင်တယ်။ သွေးတိုးရှိလဲ ဖြစ်တယ်။ (မိုင်ဂရင်း) ရောဂါရှိလဲ သောက်နိုင်တယ်။
• ရာသီဆင်းတာ နည်းတယ်။ ရာသီလာလို့ နာတာသက်သာတယ်။ မျိုးဥအိမ်-ကင်ဆာ၊ သားအိမ်-ကင်ဆာ အဖြစ်နည်းတယ်။ တင်ပါးဆုံတွင်းရောဂါ အဖြစ်နည်းတယ်။
• ဟော်မုန်း ၂ မျိုးတွဲလောက် မထိရောက်လှဘူး။ ကြားရက် သွေးဆင်းတာ ဖြစ်တတ်တယ်။ ဆေးသောက်ဘို့ တရက်မှ မေ့သွားလို့မရဘူး။ နေ့တိုင်း အချိန်တူမှာသောက်သင့်တယ်။
• ဘေးထွက်-ဆိုးကျိုးတွေက ဗိုက်နာတတ်တယ်။ အားယုတ်မယ်။ မျက်နှာနီမြန်းတာ၊ လိင်စိတ်နည်းတာ၊ ခေါင်းကိုက်၊ ပျို့၊ ခေါင်းမူး၊ အိပ်ရေးပျက်။
• ဆေးနာမည်တွေက Exluton, Micronor, Nor-QD နဲ့ Ovrette တွေဖြစ်တယ်။

Extended-Cycle Pills/Continuous Use Pills ကိုယ်ဝန်နဲ့ရာသီကို တလမက တားပေးတဲ့ဆေး
• ဆေးသစ်ဖြစ်တယ်။ ရာသီလာရင် နာချင်သူတွေ သုံးနိုင်တယ်။ ရာသီကို မလာစေချင်သူတွေလဲ သုံးတယ်။
• Estrogen နဲ့ Progesterone ဟော်မုန်း ၂ မျိုးလုံးပါတယ်။ ဆေးလုံးတိုင်းမှာ ဟော်မုန်းတွေ ပါနေလို့ ဆေးသောက်နေသမျှ ရာသီသွေး မဆင်းစေပါ။
• Seasonale ဆေးက ၈၈ ရက်သောက်ရတယ်။ ၈၁ ရက်သောက်တာထဲမှာ ဟော်မုန်းတွေ ပါတယ်။ နောက် သောက်ရမဲ့ ၇ ရက်ဆေးမှာ ဟော်မုန်းမပါဘူး။ ရာသီက ၃ လတခါသာ လာလိမ့်မယ်။
• Seasonique ဆေးကတော့ ၈၄ ရက်ဆေးထဲမှာ ဟော်မုန်းတွေ အတူတူပါတယ်။ နောက် ၇ ရက်ဆေးထဲမှာ (အီစထိုဂျင်) နည်းနည်းလေးပါတယ်။ ၄ လမှတခါသာ ရာသီလာမယ်။
• Lybrel ဆေးကတော့ ၃၆၅ ရက်တွက် ဟော်မုန်းတွေ အတူတူပါတယ်။ တနှစ်လုံးလုံး ရာသီမလာစေပါ။
• အလားတူ တခြားဆေးနာမည်တွေက Lybrel, Seasonale နဲ့ Seasonique တွေဖြစ်တယ်။
• ရာသီလာမဲ့ရက်မှာ မင်္ဂလာဆောင်၊ မွေးနေ့ ခရီးထွက်စရာ၊ အရေးကြီးကိစ္စရှိတာ၊ အလုပ်များတာဆိုရင် သောက်သင့်တယ်။ ရာသီလာရင်ဖြစ်ချင်တာတွေ သိပ်ဆိုးသူတွေ သောက်သင့်တယ်။ ရာသီလာခါနီး စိတ်မူပြောင်းလဲတာ ဆိုးသူတွေအတွက် ကလေးလဲ မယူချင်သေးရင် ဒီဆေးမျိုးက ကောင်းတယ်။
• ဘေးထွက်-ဆိုးကျိုးတွေက ကြားရက်မှာ သွေးဆင်းတတ်တယ်။ ပုံမှန် ဟော်မုန်း ၂ မျိုးတွဲတားဆေးတွေအတိုင်း ဖြစ်နိုင်တယ်။

(၃) Emergency contraceptive pill အရေးပေါ်တားဆေး
• FDA က အသိအမှတ်ပြုဆေးတွေက Plan B, Next Choice, Plan B One-Step နဲ့ Ella တွေ ဖြစ်တယ်။ မြန်မာပြည်မှာ Ecee-2 လို့မေးခွန်းမေးသူတွေဆီကနေသိရတယ်။
• ပဌမဆေးလုံးကို အကာကွယ်မဲ့အတူနေပြီးတာနဲ့ မြန်မြန်သောက်ပါ။ နောက်ထပ် ၁၂ နာရီအကြာမှာ ဒုတိယ ဆေးလုံး သောက်ပါ။
• အကာကွယ်မဲ့အတူနေပြီး ၇၂ နာရီ (၃ ရက်) အတွင်းမှာသောက်ရင် ကာကွယ်နိုင်တယ်။ ၁၂ဝ နာရီ (၅ ရက်) အထိလဲ သုံးနိုင်ကြတယ်။ % ပြည့်တော့မဟုတ်ပါ။
• မျိုးဥထွက်မှာကို တားပေးတယ်။ သားအိမ်အတွင်းဆုံးလွှာကိုလဲ သန္ဓေတွယ်ကပ်မှု မဖြစ်နိုင်အာင် ပြင်ပေးတယ်။ ဒါပေမဲ့ သန္ဓေဖြစ်နေပြီ (ကိုယ်ဝန်ရှိနေပြီ) ဆိုရင်တော့ ဆက်ကြီးထွားမှာကို မတားနိုင်ဘူး။
• ၈၉% ထိရောက်တယ်။ ကိုယ်ဝန်ရှိနေရင်လဲ ဆက်ယူလို့ ကလေးကိုမထိခိုက်စေဘူး။ ဘေးထွက်-ဆိုးကျိုးတွေက တခြား ဟော်မုန်းပါတားဆေးတွေနဲ့ အတူတူဘဲ။
• အရေးပေါ်ဆေးသာဖြစ်လို့ ခဏခဏမသုံးသင့်ပါ။ ခဏခဏသုံးရင်ဘာဖြစ်မလည်းဆိုတဲ့ ဆေးသုတေသန မစုံသေးပါ။ သူများတိုင်းပြည်တွေမှာ အဲလိုအရေးပေါ်ကို ခဏခဏမသောက်လို့ သုတေသနလုပ်ထားတာမရှိပါ။ သေချာတာက ဟော်မုန်းတွေပြောင်းမယ်။ ရာသီတွေပြောင်းမယ်။ နောင်ဘာဖြစ်မလည်းတော့ မပြောနိုင်ပါ။
• Rifamycin တီဘီဆေး နဲ့ Amobarbital, Butabarbital, Mephobarbital, Secobarbital, Phenobarbital, Phenytoin, Carbamazepine (Tegretol)ဆေးတွေသောက်နေသူတွေကို ဆေးပိုများများပေးရတယ်။ ဒီလိုအမျိုးသမီးတွေက ဒီဆေး သောက်မဲ့အစား IUD သုံးသင့်တယ်။

Dr. တင့်ဆွေ