Sunday, September 24, 2017

Freedom from deceit မုသာဝါဒါ ဝေရမဏိ

ရှစ်တန်းမှာ ဦးကြင်ဥကဗျာတွေသင်ခဲ့ရတယ်။ သည်သို့လာ ဟိုသို့သွားနှင့် အငှား ခန္ဓာမြှောင်ရတယ် ဆန်းခေါင်ထိမျိုး။

တခြားနိုင်ငံတခုခုမှာ မြန်မာပြည်ကတယောက်တလေတွေ့ရရင် စိတ်ထဲမှာ ဝမ်းမြောက်မှုနဲ့ နွေးထွေးတဲ့ခံစားမှုရပါတယ်။ မထင်မှတ်တဲ့နေရာတွေမှာ ရုတ်တရက်တွေ့လိုက်ရင် အံ့သြတာပါပိုသေးတယ်။ တခါက အရှေ့အလယ်ပိုင်း လေကြောင်းလိုင်း လေယာဉ်ပေါ်မှာ မြန်မာပြည်က လေယာဉ်မယ်တယောက်ကိုတွေ့တော့ ဝမ်းသာအယ်လဲ နှုတ်ဆက်ကြတယ်။ အဲသည်အချိန်တုံးက ကျွန်တော်က နိုင်ငံရေးအလုပ်နဲ့ ခရီးသွားနေရလို့ မြန်မာလူမျိုးတွေကိုတွေ့ရင် ကိုယ့်အကြောင်းမှန်ကို ထိန်ချန်ပြောရတယ်။ ကိုယ်နဲ့တွေ့တဲ့သူအတွက်ပါ။ ကျွန်တော်လိုပြည်ပြေး နိုင်ငံရေးလုပ်နေသူနဲ့ ဘယ်လိုဘဲ အတူတွေ့တွေ့၊ တွေ့သူတွေအဖို့မှာ နောက်ကြောင်းမအေးကြပါ။ ထောက်လှမ်းရေးတစ္ဆေက နေရာတကာ လိုက်ခြောက်ပါတယ်။ ကျွန်တော်လဲ မြန်မာပြည်ကပါ၊ ဒေလီမှာနေပါတယ်လောက်သာပြောဖြစ်ပါတယ်။ NLD တို့ NCGUB တို့ တခွန်းမှမပါစေရပါ။ တချို့အကင်းပါးသူတွေကတော့ ရိပ်မိကြတယ်။

(၂၄) နှစ်ကြာ အိန္ဒိယမှာနေရစဉ်က ဘဏ်အကောင့်တွေ၊ ယာဉ်မောင်း လိုင်စင်တွေ၊ ပတ်စ်ပို့တ်တွေမှာ နာမည်အမျိုးမျိုးနဲ့ လုပ်ထားရတယ်။ အဲတာတွေအားလုံးကလဲ ကျွန်တော့်မှာ တခုစီမကရှိတယ်။ ၁၈-၉-၂ဝ၁၄ နေ့မှာ အမေရိကန် ပြည်ထောင်စု၊ အင်ဒီယာနာပြည်နယ်၊ အင်ဒီယာနာပလစ်မြို့ကိုရောက်ပါတယ်။ ၁၉၉ဝ ဒီဇင်္ဘာလ ပြည်ပထွက်ကတည်းက ကိုယ့်ဘယ်သူဆိုတာကို ချန်ပြောရတဲ့ဘဝ၊ အမှန်မပြောရတဲ့ဒုက္ခ၊ လိမ်ပြောရတဲ့ နိုင်ငံရေးမုသာဝါဒတွေ ကင်းလွတ်သွားပါပြီ။

ဒေလီလေဆိပ်အထွက် ချက်ကင်ကောင်တာကစပြီး အဲဒီဝဋ်က ကျွတ်ပါတော့တယ်။ နာမည်အမှန်နဲ့ နိုင်ငံတကာခရီးကို ပဌမဆုံးသွားနိုင်လာတာပါ။ ဒိအရင်က နိုင်ငံပေါင်း (၃ဝ) ကျော်ကို ပြည်ပခရီး အကြိမ် (၄ဝ) လောက်သွားခဲ့ပါတယ်။ အိုင်ဒီအတုတွေနဲ့ပါ။ ဒါပေမဲ့ ဒေလီလေဆိပ်က ကွန်ပြူတာဆစ်စတမ်မှာ ယူအင်အိတ်ခ်ျစီအာကသုံးတဲ့ မြန်မာဆိုတာ မတွေ့၊ ဘားမားသာတွေ့လို့ အချိန်ပိုကြာခဲ့ပါသေးတယ်။ ပတ်စ်ပို့တ်မရှိဘဲ နိုင်ငံတကာခရီးသွားနိုင်ဘို့ရာ အိုင်စီအာစီ ကနေထုတ်ပေးတဲ့ လက်မှတ်မှာတော့ နိုင်ငံသားကို ဘားမီးစ်လို့သာရေးထားတယ်။

အခုတော့ မိဘတွေပေးထားတဲ့ နာမည်အမှန်ကို ပြောနိုင်ဆိုနိုင်တဲ့ဘဝ ပြန်ရလာပါပြီ။ မြန်မာလူမျိုးလို့ကြေညာနိုင်ပါပြီ။ လွတ်မြောက်မှုတခုလို့သာ သတ်မှတ်ချင်ပါတယ်။

ဂျော့အိုဝဲလ်ကပြောပါတယ်။ လွတ်လပ်မှုဆိုတာ သူများတွေကမကြားလိုတာကို ပြောခွင့်ရှိခြင်းပါပဲတဲ့။

နိုင်ငံရေး မုသာဝါဒါ ဝေရမဏိ သိက္ခာပဒံ သမာဒိယာမိ။

ဒေါက်တာတင့်ဆွေ
၂၅-၉-၂ဝ၁၄
၂၅-၉-၂ဝ၁၇

No comments:

Post a Comment

Note: Only a member of this blog may post a comment.

Taxila တက္ကသိုလ်

Taxila တက္ကသိုလ် ခေါ် တက္ခသိုလ် ခေါ် တက္ကသိလာ ၁။ ဆရာခင်ဗျာ တက္ကသိုလ်လား တက္ကသိုလား ခင်ဗျာ ၁၉၆၂ ခု ဇူလိုင်လထုတ် သတင်းစာပါ တက္ကသို စာလုံးကို မေး...