Atopic dermatitis နှင်းခူနာ

Eczema လို့လည်းခေါ်တယ်။ အဖြစ်မနည်းပါ။ ပျောက်နိုင်ခဲတယ်။ ဖြစ်တဲ့နေရာ အရေပြားမှာ ခြောက်နေမယ်။ ယားမယ်။ အနီရောင်အဖတ်လေးတွေကွာကျမယ်။ ကြာတာ့ အရေပြားထူလာမယ်။ သားရေပြားလိုဖြစ်လာမယ်။

နေရာအမျိုးမျိုးမှာဖြစ်နိုင်တယ်။ တံတောင်ဆစ်၊ ဒူးဆစ်ဝန်းကျင်အဖြစ်များတယ်။ ဘာကြောင့်ဖြစ်ရသလဲ တိတိကျကျ ပြောမရပါ။ ခုခံအားစနစ်အဆင်မသင့်တာကိုစဉ်းစားရတယ်။ ကိုယ်နဲ့မတည့်တာကြောင့် စဖြစ်တယ်။ မတည့်တာမှာ မြန်မာပြည်မှာက အစားအသောက်က်ိုသာ စဉ်းစားလေ့ရှိတယ်။ ဆေးသုတေသနမှာတော့ အငွေ့နဲ့ ပန်းဝတ်မှုံကြောင့်က ဖြစ်တာများတယ်။ အသားစာရှောင်တိုင်း မကောင်းပါ။ ပင်လယ်စာဆိုရင် အလာဂျီရတတ်သူတွေ ရှိတယ်။

ဖြစ်ရင် နေရထိုင်ရခက်တယ်။ ခဏခဏယားနေမယ်။ အရေပြားကျန်းမာရေး သတိထားလုပ်ဆောင်နေသင့်တယ်။ ရေဓါတ်မနည်းစေရ။ မတည့်တာနဲ့ထပ်တွေ့မှာကို ရှောင်ရမယ်။

ဆရာဝန်ညွှန်တဲ့ဆေးသုံးပါ။ ဆေးမှာ အများအားဖြင့် Topical Steroids စတီရွိုက်ပါလိမ်းဆေးတွေသုံးရတယ်။ ယာယီသက်သာစေမယ်။ အဲလိုဆေးကို ဆက်တိုက်အကြာကြီး မလိမ်းရပါ။ ဖြစ်လာချိန်သုံးပြီး နားထားသင့်တယ်။ ကြာကြာသုံးရင် အရေပြားပါးမယ်။ အရေပြားသွေးကြောလေးတွေကို ထိခိုက်စေမယ်။ သွေးထွက်လွယ်စေမယ်။ Non-Steroid Creams စတီရွိုက်မပါတဲ့လိမ်းဆေးတွေလည်းရှိတယ်။ နောက်တနည်းကတော့ ထိုးဆေးဖြစ်တယ်။ ခုခံအားစနစ်ကိုတာဆီးပေးတဲ့ဆေးဖြစ်တယ်။

အရေပြားသန့်ရှင်းရေးအတွက် ဆပ်ပြာမွေးတာ သတိထားသင့်တယ်။ ရိုးရိုးဆပ်ပြာသင့်တယ်။ ကိုယ်နဲ့ တကယ် မတည့်တာကို သိအောင်လုပ်ပြီးရှောင်ပါ။ အရပ်ဆေးနည်းတွေမှာ ဆေးသုတေသနမရှိပါ။ သတိထားသင့်တယ်။ ဆရာဝန်ညွှန်တဲ့ဆေးမှာလည်း ဆေးအရည်အသွေးကောင်းမှသာ ထိရောက်တယ်။

ဆက်စပ်ဖတ်နိုင်တဲ့စာတွေ -
• Allergy medications (အလာဂျီ) ကို ဘယ်လိုကုသမလဲ http://doctortintswe.blogspot.com/2014/10/allergy-medications.html
• Allergy to Eczema မတည့်တာနဲ့ နှင်းကူနာ https://doctortintswe.blogspot.com/2015/03/allergy-to-eczema.html
• Allergy Triggers (အလာဂျီ) ရစေတတ်တဲ့ အကြောင်းတရား (၁ဝ) ပါး http://doctortintswe.blogspot.com/2014/10/allergy-triggers.html
• Allergy သို့မဟုတ် မတည့်အတူနေ http://doctortintswe.blogspot.com/2014/10/allergy.html
• Clobetasol cream ကလိုဘက်တာဆိုလ် လိမ်းဆေး https://doctortintswe.blogspot.com/2016/04/clobetasol-cream.html
• Dermatitis ပျောက်နိုင်ခဲတဲ့ အရေပြားအနာ http://doctortintswe.blogspot.com/2014/12/eczema.html

ဒေါက်တာတင့်ဆွေ
၂၃-၉-၂ဝ၁၇