Friday, September 22, 2017

Tears မျက်ရည်

မျက်ရည်ထဲမှာ ရေက ၁%သာပါပြီး ခံစားချက်က ၉၉% ပါတယ်လို့ ကဗျာဆန်ဆန်စာဆိုကြတယ်။ ကျွန်တော်ကတော့ ဆေးပညာအရသာရေးပါမယ်။ မျက်ရည်ကို ခံစားမှုနဲ့ဆက်စပ်တဲ့ မျက်ရည်စိတ်ပညာနဲ့ ဆေးပညာနဲ့ဆက်စပ်တဲ့ မျက်ရည် ဇီဝကမ္မဗေဒလို့ နှစ်မျိုးခွဲပြောလို့ရတယ်။ ရောဂါဗေဒလည်းပါမယ်။

လူတွေဘာလို့ငိုကြသလဲ။ အကြောင်းသုံးပါးရှိတယ်။ အီမိုရှင်းမျက်ရည်က ဝမ်းနည်းပူဆွေးရာကကျတယ်။ သနားစိတ်၊ ဝမ်းသာလွန်းလို့ကျတယ်။ ဒါ့အပြင် မျက်စိကိုကာကွယ်ဘို့ရာ မျက်လုံးမှာ မျက်ရည်အမြဲတမ်းစိုနေရတယ်။ ကြက်သွန်နံ့ ကနေလည်း မျက်ရည်ထွက်တယ်။ Syn-propanethial-S-oxide ဓါတ်ကြောင့်ပါ။ ပန်းဝတ်မှုံ စတာတွေကြောင့်လည်း မျက်ရည်ကျတယ်။ မိကျောင်းမင်းမျက်ရည်ဆိုတာရှိတယ်။ အတုမျက်ရည်၊ သရုပ်ဆောင်မျက်ရည်။ အဲတာကမျိုးက ကျွမ်းကျင်မှုလိုတယ်။ တခါတလေ မျက်ရည်ကျနေမှန်းမသိထွက်နေတာရှိတယ်။ မျိုချလို့ အပြင်မှာ မမြင်ရပါ။

မျက်လုံးထဲမှာ မျက်ရည်ပမာဏ 7 microliters သာထိန်းထားနိုင်တယ် အဲတာထက်ပိုရင် စီးကျတယ်။ ယေဘုယျပြောရရင် အမျိုးသမီးတွေက ငိုတာပိုကြတယ်။ တနှစ်မှာ အကြိမ် ၅ဝ နဲ့ ယောက်ျားတွေက ၁ဝ ကြိမ်လို့ လေ့လာမှုတခုက ဆိုပါတယ်။ အမျိုးသမီးတွေပိုပြီးငိုကြတာ သူတို့မှာ Prolactin ပါတာ ၆ဝ% ပိုများတယ်။ မိန်းမတွေမှာ မျက်ရည်ထွက်လမ်း ပိုသေးငယ်တယ်။ အဲတော့ ဖိတ်စင်ကျတာပိုများစေတယ်။ ချမ်းသာတဲ့တိုင်းပြည်တွေက အမျိုးသမီးတွေက ပိုပြီး ငိုကြပါသတဲ့။ ကလေးငယ်လေးတွေ တနေ့မှာ ငိုချိန် ၁ နာရီကနေ ၃ နာရီထိကြာတယ်။ သူတို့ငိုကြတာ အကြောင်း အမျိုးမျိုးတွေကနေ ဖြစ်စေတယ်။ ဆာလို့၊ အလိုမကျလို့၊ နာလို့၊ အထီးတည်းဖြစ်နေလို့၊ အငိုသန်ကလေးဖြစ်လို့။

မျက်ရည် Lipid layer အလွှာမှာ အဆီပါတယ်။ Meibomian glands ဂလင်းတွေကနေထုတ်ပေးတယ်။ ဟိုက်ဒရောလစ် ဘယ်ရီယာ ဖြစ်စေတယ်။ မျက်ရည်ကိုထုပ်ပေးထားတယ်။ Aqueous layer အလွှာမှာ Water, ရေ၊ electrolytes ဓါတ်ဆားတွေနဲ့ (antibodies, lipocalin, lactoferrin, lysozyme, lacritin) ပရိုတင်းဓါတ်တွေပါတယ်။ ပိုးဝင်လာမှာကို တားဆီးပေးတယ်။ အော့စ်မောတင်ဖိအားညီမျှစေတယ်။ Mucous layer အလွှာမှာ Mucins ပါတယ်။ သူကနေမျက်ရည်ကို ညီညီမျှမျှ ဖြစ်စေတယ်။ Cornea မျက်ကြည်လွှာကိုဖုံးပေးတယ်။

Lacrimal glands မျက်ရည်ဂလင်းတွေကနေ Lacrimal fluid မျက်ရည်ထုတ်ပေးနေတယ်။ Excretory ducts မျက်ရည်ပြွန်လေးတွေဆီ ဆက်စီးထွက်လာတယ်။ မျက်တောင်ခတ်တာနဲ့ မျက်ရည်က မျက်လုံးမျက်နှာပြင်တခုလုံးကို စိုစွပ်စေတယ်။ Lacrimal canaliculi ခေါ်မျက်စိအတွင်းဖက်ဒေါင့်မှာရှိတဲ့ပြွန်ငယ်လေးကနေ Lacrimal sac ထဲ ရောက်လာတာဖြစ်တယ်။ Nasolacrimal duct ပြွန်ကနေတဆင့် နှာခေါင်းထဲစီးကျလာတယ်။

မျက်ရည်အမျိုးအစားတွေ ခွဲထားတယ်။
၁။ Basal tears ဘေဆယ်မျက်ရည်
မျက်လုံးကိုစိုစွပ်အောင်လုပ်ပေးတယ်။ water, mucin, lipids, lysozyme, lactoferrin, lipocalin, lacritin, immunoglobulins, glucose, urea, sodium နဲ့ potassium တွေပါဝင်တယ်။ Lysozyme ကနေ ရောဂါပိုးဝင်လာတာကို ခုခံမှုလုပ်ပေးနေတယ်။ သွေးအရည် Plasma ပလာစမာလိုအတူတူ ဆားဓါတ် ပါတယ်။ လူတယောက်ဟာ ၂၄ နာရီမှာ မျက်ရည်ထုထည် 0.75 ကနေ 1.1 grams အထိထုတ်ပေးနေတယ်။ အသက်ကြီးလာရင် နည်းလာတယ်။

၂။ Reflex tears ရီဖလက်စ်မျက်ရည်
မျက်စိထဲကို ပြင်ပအရာတခုခုဝင်လာရင်တုန့်ပြန်ပြီးထွက်တဲ့မျက်ရည်ဖြစ်တယ်။ မသင့်တာတခုခု ဥပမာ ကြက်သွန်ခွံ၊ ဓါတ်ငွေ့၊ မီးခိုးနဲ့တွေ့ရင် အဲလိုမျက်ရည်ကျလာတယ်။ စူတဲ့အလင်းရောင်။ ပူစပ်တာနဲ့တွေ့ရင်အဲလိုမျက်ရည် ကျတယ်။ အန်တာ၊ ပျို့တာ၊ သန်းဝေတာတွေနဲ့ဆက်စပ်မှုရှိတယ်။

၃။ Crying သို့ Weeping ငိုလို့ကျတဲ့မျက်ရည်
အဲတာမျိုးကို Psychic tears စိတ်မျက်ရည်လို့ခေါ်တယ်။ စိတ်ခံစာမှုများရာကနေထွက်လာတယ်။ စိတ်ဖိအား၊ ဝမ်းသာခြင်း၊ ဝမ်းနည်းခြင်း၊ ပူဆွေးခြင်း၊ ဒေသထွက်ခြင်း၊ နာကျင်မှုစတာတွေကနေထွက်စေတယ်။ ငိုတာနဲ့အတူ လူအမူအယာ ပြောင်းတယ်။ အသက်ရှူတာကတက်သလိုဖြစ်တယ်။ ချောင်းဆိုးတာနဲ့တွဲတယ်။ ကိုယ်အစိတ်အပိုင်းတွေ စိတ်က ထိန်းလုပ်တာမဟုတ်ာမျိုးဖြစ်တယ်။ စိတ်ခံစားမှုကနေကျတဲ့မျက်ရည်ထဲမှာ ပါတဲ့ ဓါတ်တွေမတူပါ။ Prolactin ပရိုလက်တင် ဟော်မုန်းပိုပြီးပါတယ်။ adrenocorticotropic ဟော်မုန်းနဲ့ Leu-enkephalin ဓါတ်တွေလည်းပါတယ်။

ဆင်ဇိုရီအာရုံကြောစနစ်မှာ Trigeminal V1 အာရုံကြောနံပတ်ငါးက မျက်ရည်နဲ့ဆိုင်တယ်။ အဲတာကိုဖြတ်လိုက်ရင် ရီဖလက်စ် မျက်ရည်မကျတော့ပါ။ စိတ်ခံစားမှုမျက်ရည်တော့ကျသေးတယ်။ မျက်စိထဲကို ကိုကိတ်မျက်စဉ်ခပ်လိုက်ရင် ပါရာလိုက်စ် ဖြစ်သွားလို့ အဲလိုဖြစ်မယ်။ မိုတာ (အော်တိုနောမစ်) စနစ်မှာ Facial (Seventh) nerve အာရုံကြောနဲ့ ဆိုင်တယ်။ ပါရာဆင်ပသက်တစ် acetylcholine ဓါတ်ကနေမျက်ရည်များများကျစေတယ်။ atropine inhibits ဆေးကနေ မျက်ရည်များစေတယ်။ မေ့ဆေးမပေးခင်ပေးတဲ့ဆေးမျိုးဖြစ်တယ်။ မွေးစကလေးတွေမှာ အဲဒီစနစ်က မပြည့်စုံသေးလို့ ငိုပေမဲ့ မျက်ရည် မကျလာသေးဘူး။

မျက်ရည်ရောဂါများ
မျက်ရည်လမ်းကြောင်းပိတ်နေရင် ရောဂါဖြစ်တယ်။ ထိခိုက်မိလို့၊ ပိုးဝင်လို့။ ဆစ်စ်ဖြစ်လို့၊ ကျူးမားဖြစ်လို့ ပိတ်နိုင်တယ်။ ALS, Alzheimer’s disease, multiple sclerosis နဲ့ stroke ရောဂါရှိနေသူတွေမှာ စိတ်ခံစားမှုမပါဘဲ မျက်ရည်ကျတယ်။ Crocodile tears syndrome မိကျောင်းမင်းမျက်ရည် ဆင်ဒရုမ်းရောဂါရှိတယ်။ Bogorad's syndrome လို့ခေါ်တယ်။ အာရုံကြောထိခိုက်မှုကနေဖြစ်စေတယ်။ ဥပမာ Bell's palsy မျက်နှာတခြမ်းလေဖြတ်ခြင်း။ Facial nerve ကိုထိခိုက်ခံရလို့ဖြစ်တယ်။ Keratoconjunctivitis sicca ရောဂါဆိုတာ ခြောက်နေတဲ့မျက်စိကိုခေါ်တယ်။ Familial dysautonomia ဆိုတာ မိသားစုလိုက်တယ်။ ငိုတာမှာ မျက်ရည်နည်းလွန်းတယ်။

မတူတဲ့ယဉ်ကျေးမှုတွေက ငိုခြင်းကို လက်ခံတာ၊ နားလည်တာ၊ အဓိပ္ပါယ်ဖွင့်တာ မတူကြပါ။ ငိုလို့ အလိုပြည့်တာရှိတယ်။ ချစ်ခင်မှုရတာရှိတယ်။ ဖဲကြဉ်တာခံရနိုင်တယ်။ ငိုသင့်လို့ငိုတာ ကောင်းတယ်။ တင်းထားတဲ့ မြိုသိပ်ထားတဲ့ဖိအားကို လျှော့ချလိုက်တာဖြစ်တယ်။ ငိုလွန်းရင် ခေါင်းကိုက်လာတယ်။ မျက်စိနဲ့ နှာခေါင်းခြောက်သွေ့လာမယ်။ အဲတာ မကောင်းပါ။ ဓါတ်ပုံပညာရှင်တွေက မျက်ရည်အမျိုးမျိုးကို အရအမိပုံဖေါ်ထားကြတယ်။

ဒေါက်တာတင့်ဆွေ
၁၅-၁ဝ-၂ဝ၁၆

No comments:

Post a Comment

Note: Only a member of this blog may post a comment.

Celebrity in Green ဆယ်လီ သို့မဟုတ် လီဆယ်

လူမှုရေးစည်းကမ်းအရ လူတဦး ကွယ်လွန်သွားရင် မကောင်းတာ ထုတ်မပြောအပ်ပါ။ နိုင်ငံရေးစည်းကမ်းအရတော့ ပြောချင်တယ်။ ပို့စ်တခု တွေ့တယ်။ ၈၈ ပြီးတော့ ...