Esophagitis အစာမျိုပြွန်ရောင်ခြင်း

၁။ မင်္ဂလာပါဆရာ။ ဆရာ့ကို ခဏခဏ မေးနေတာတောင်းပန်ပါတယ်ဆရာ။ ကျွန်မက အသက်၃၅ပါ။ ကလေးသုံးယောက်မွေးထားပါတယ်။ သုံးယောက်လုံးဗိုက်ခွဲမွေးပြီးသားကြောဖျက်လိုက်ပါပြီ။ အခုကျွန်မမေးချင်တာကလည်ချောင်းထဲက ဖြစ်နေတဲ့အကြောင်းပါ။ ဟိုရက်ကနားနှာခေါင်းဆရာဝန်နဲ့ပြတော့ အစာမြိုတဲ့ပွန်ရောင်တာလို့ပြောပါတယ်။ အဲ့ဆရာပေးတဲ့ဆေးကသက်သာပါတယ်။ အရှင်းမပြောက်သေးပါဘူး။ အခုဖြစ်နေတာက အာခေါင်မှာခြောက်နေတယ်။ ကျွန်ဝမ်းလဲ မချုပ်ပါဘူးဆရာ။ အဲ့လိုစဖြစ်ကတည်းက အပူအစပ်ရေခဲရေအကုန်ရှောင်ပါတယ်။ ဖြစ်နေတာလဲ။ တလပြည့်တော့မယ်။ အခုကျွန်မဆေးဆိုင်ကနေ အပူကျဆေးနဲ့အ ရောင်ကြဆေးဝယ်သောက်တာ သက်သာပါတယ်ဆရာ။ အဲ့လိုဖြစ်နေတာ ဆိုးရိမ်ရပါလား။ အလကားနေရင်းစိတ်ကအဲ့ထိ့ပဲရောက်ရောက်နေလို့ပါဆရာ။ အကယ်၍ဆရာဆေးလေးများလမ်းညွန်ပေးလို့ရရင် ကျွန်မဝယ်သောက်ချင်လို့ပါဆရာ။ ကျွန်မ စာအရေးမှားအပြောမှားရင် တောင်းပန်ပါတယ်ဆရာ။ ကျေးဇူးတင်ပါတယ်ရှင့်။

သားကြောဖြတ်၊ မပျောက်သေး၊ အရောင်ကျဆေး၊ စိုးရိမ်လို့ ရေးရမယ်။

၂။ မင်္ဂလာပါဆရာ ကျွန်မမေးခွန်းလေးတခုမေးချင်လို့ပါဆရာ။ ကျွန်မအသက်က ၃၅ ပါ။ ကျွန်မလျှာအရင်းပိုင်းနဲ့ အာခေါင်လည်ချောင်းထဲမှာ နေရတာတမျိုးဖြစ်နေလို့ပါ။ မနေနိုင်မထိုင်ဖြစ်နေတာမျိုးတော့ မဟုတ်ပါဘူးဆရာ။ ဒါပေမဲ့ အာခေါင်ကခြောက်သလိုမျိုးပြီးတော့ ရင်ကျပ်ချင်သလိုးမျိုး တချက်တချက်လဲ ဘယ်ဘက်ရင်ဘက်ကအောင့်သလို ခံစားရပါတယ်။ ကျွန်မလည်ချောင်းကင်ဆာတို့ လျှာကင်ဆာတို့ကိုကြောက်လို့ပါဆရာ။ နားနှာခေါင်းလည်ချောင်း ဆေးခန်းမှာ သွားပြတာအစာပြွန်ရောင်နေတာလို့ပြောပါတယ်။ ဆေးသောက်တာသက်သာပါတယ်ဆရာအပူအစပ်တွေနဲ့ လက်လုပ်ချဉ်ရယ် ရေခဲရေ အဲ့တာတွေ ရှောင်ခိုင်းပါတယ်ဆရာ။ ဆရာ့ရေးတဲ့အထဲမှာအစာပြွန်ရောင်တာရေးထားတာ မတွေ့လို့ သိချင်လို့ပါဆရာ။

အစာမျိုပြွန်ဆိုတာ ခံတွင်းကနေဆက်နေပြီး အောက်မှာ အစာအိမ်အထိတန်းနေတဲ့ပြွန်လိုနေရာဖြစ်တယ်။ ရင်ခေါင်းပိုင်းမှာ ရှိတယ်။ အဲတာရောင်နေရင် အစာမျိုတဲ့အခါနာမယ်။ GERD ခေါ် အစာခြေအရည်အထက်ဆန်ခြင်းကနေ အများဆုံး ဖြစ်စေတယ်။

Hiatal hernia ခေါ် အစာအိမ်ထပ်ပိုင်းနေရာက အူကျွံသလိုတက်တာကနေလည်းဖြစ်စေနိုင်တယ်။ aspirin, ibuprofen, naproxen ခေါ်အနာသက်သာဆေးတွေ၊ alendronate, ibandronate, risedronate ဆေးတွေ၊ clindamycin or tetracycline ပိုးသေဆေးတွေ၊ vitamin C, iron, potassium pills ဆေးတွေ၊ Steroid ဆေးတွေကနေလည်း ဖြစ်နိုင်တယ်။ HIV ရှိသူ၊ ဆီးချိုရှိသူ၊ ကျောက်ကပ်မကောင်းသူတွေမှာလည်း တချို့ ဖြစ်တတ်တယ်။ ဓါတ်ကင်ရသူတွေ၊ Scleroderma ရောဂါရှိသူ၊ အလာဂျီရှိသူတွေမှာလည်း ဖြစ်တတ်တယ်။

ရင်ပူမယ်။ အစာမျိုရင်နာမယ်။ ဆိုးရင် အရည်မျိုတာနဲ့နာမယ်။ ရင်ပတ်နာမယ်။ ချောင်းဆိုးမယ်။ တချို့ ပျို၊ အန်မယ်။ ဖျားမယ်။ ဗိုက်အောင့်မယ်။

Endoscopy ကိရိယာနဲ့စစ်ဆေးမယ်။ Barium X-ray ဓါတ်မှန်ရိုက်မယ်။

ကုသရာမှာ ဖြစ်စေတာကိုကုရမယ်။ ဆေးသောက်တာတွေသတိထားရမယ်။ GERD ကိုကုသရမယ်။ အစားအသောက်ကို နည်းနည်းနဲ့အကြိမ်ခွဲစားသင့်တယ်။ စားပြီးနောက် ၂-၃ နာရီအတွင်း လှဲမနေသင့်ပါ။ မအိပ်မီအစာစားတာမကောင်းပါ။ အရက်၊ ချောကလက်တွေက ပိုဆိုးစေတယ်။ စပ်တဲ့အစာတွေရှေင်ြသင့်တယ်။ အက်စစ်များတဲ ခရမ်းချဉ်သီး၊ လိမ်မော်သီး မသင့်ပါ။ ဆေးလိပ်မသောက်သင့်။ ကုတင်ခေါင်းရင်းကိုမြှင့်ထားသင့်တယ်။ အဝတ်အစား ချောင်တာဝတ်ပါ။ ကိုယ်အလေးချိန်များရင် လျှော့ချပါ။

Antacids အက်စစ်ဓါတ်ပျယ်ဆေးပေးမယ်။ Famotidine (Pepcid), omeprazole (Prilosec), ranitidine (Zantac) ဆေးတွေလည်းပေးတယ်။ တချို့ ခွဲစိတ်ရတယ်။

1. Belching လေတက်ခြင်း https://doctortintswe.blogspot.com/2017/08/belching.html
2. GERD (1) အချဉ်ရည် အထက်ဆန်ခြင်း (၁) https://doctortintswe.blogspot.com/2014/12/gerd.html
3. Heartburn ရင်ပူခြင်း https://doctortintswe.blogspot.com/2017/08/heartburn.html
4. Hiatal hernia ဟာနီယာတမျိုး https://doctortintswe.blogspot.com/2016/12/hiatal-hernia.html

ဒေါက်တာတင့်ဆွေ
၁၅-၉-၂ဝ၁၇
၂၃-၉-၂ဝ၁၇

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး