Aestheticism ရသ နင့် သုတ
ကျွန်တော်က စာပေအကြောင်း နည်းနည်းလေးသာသိတယ်။ စာရေးဆရာတွေ၊ သုတေသီတွေကသာ မှန်တာကို ပြောနိုင်ကြပါမယ်။ မေးလာလို့ ဖြေနိုင်တာတော့ ဖြေပါမယ်။
မြန်မာစာပေမှာသာ ရသစာနဲ့ သုတစာလို့ပြောကြတယ်။ သူများတွေဆီမှာက တမျိုးသတ်မှတ်ကြတယ်။ ရသလို့ ဘာသာပြန်နိုင်တဲ့ Aesthetic literature ဆိုတာရှိတယ်။ မြန်မာပြည်မှာခေါ်တာနဲ့ တူတယ်။ အဲတာမဟုတ်တာကိုတော့ Information ခေါ် သတင်းအချက်အလက်ပေးစွမ်းတာမျိုး။ Take away သယ်ယူပါသွားနိုင်တာမျိုးလို့ ဆိုပါတယ်။
ရသကနောက်မှ ပေါ်လာတာ။ Aestheticism ရသလှုပ်ရှားမှုဆိုတာ ပေါ်ခဲ့တယ်။ စာပေ၊ တေးဂီတ၊ အနုပညာနယ် အစုံမှာဖြစ်တယ်။ လူမှုရေးနဲ့ နိုင်ငံရေးနယ်ပယ်မှာ ရသပေးစွမ်းနိုင်တဲ့ ဖွဲ့နွဲ့ သီကုံး စပ်ဆို ရေးသားမှုတွေ ရှိအပ်တယ်လို့ ဆိုတာပါ။ တနည်းအားဖြင့် နက်နည်းမှုထက် လှပမှုကို ပိုပြီးဇောင်းပေးတယ်။
Art for Art's sake အနုပညာသည် အနုပညာအတွက်ဆောင်ပုဒ်လည်း ပေါ်လာတယ်။ ဥရောပမှာ ၁၉ ရာစုထဲမှာ ဖြစ်ခဲ့တာတွေပါ။ Oscar Wilde အော်စကာဝိုင်းဒ် က ထင်ရှားသူဖြစ်တယ်။ မြန်မာပြည်မှာတော့ အဲတာနောက်မှာ အနုပညာသည် လူထုအတွက်ဆိုတဲ့ ဆောင်ပုဒ် ပေါ်ထွန်းခဲ့ပါတယ်။
Reading for pleasure သူတို့ဆီမှာလည်း အပျော်ဖတ်ဆိုတာရှိတယ်။ အဲတာလည်း လှုပ်ရှားမှုတခုပဲ။
မြန်မာဘာသာနဲ့ရေးတဲ့စာတွေမှာ ရသကို ပိုပြီးတန်ဖိုးထားကြတာများတယ်။ ရသမဟုတ်တာကို ဒုတိယတန်းလို့ သဘောထားတယ်။ အချက်အလက်ပါတဲ့စာတွေကိုလည်း ဖတ်ချင့်စဘွယ်ရေးကြတယ်။ ဖတ်ဖူးတာတွေကို အကြမ်းဖျင်း ကောက်ချက်ချရရင် အချက်အလက်မမှန်တာ တန်ဖိုးနည်းတယ်။ စာဖတ်သူတွေကို လမ်းလွဲဆွဲခေါ်တတ်တယ်။ သမိုင်းပါ အဖြစ်အပျက်တွေကို ထုံမွန်းလွန်းတော့ ဇာတ်နိပါတ်လိုလို၊ စိတ်ကူးယဉ်လိုလို ဖြစ်ကုန်တယ်။ ဘာသာရေးစာတွေမှာလည်း စာပန်းချီ ခြယ်လွန်းရာကနေ အကြည်ညို လိုတာထက်ကဲစေပြီး တချိန်မှာ မေးခွန်းထုတ်ခံရတယ်။
အနုပညာသည် အနုပညာအတွက်ခေတ်မှာ စာရေးဆရာတွေအချင်ချင်း၊ ကဗျာဆရာတွေအချင်းချင်း ကျွန်တော် နားမလည်တာတွေကို အခန်းဆက်ပြောဆိုငြင်းခုန်နေကြတယ်။ အနုပညာသည် ပြည်သူ့အတွက်ခေတ်မှာ မွဲတဲ့သူတွေမှာ ကုန်းကောက်စရာမရှိ၊ ချမ်းသာတဲ့သူက ကျိကျိတက်။ သူဌေးသမီးနဲ့ ဒရိုက်ဘာကို ပေးစား။ ကြေးစားမိန်ကလေးနဲ့ ကောလိပ်ကျောင်းသား ညား။ အဲဒီအနုပညာတွေဟာ ကျွန်တော့်အတွက် မဟုတ်ခဲ့ပါ။ ကန်တော့ပါ။ ကျွန်တော့်ဘေးမှာ သာမန်လူတွေ များတယ်။ သူလိုကိုယ်လိုလူတွေ များတယ်။ စာတင်တာတွေက အစွန်းတဘက်ဘက်ကလူတွေ။
ကျွန်တော်က စာဖတ်အားကောင်းသူလည်း မဟုတ်၊ စာပေနယ်ထဲကလည်း မဟုတ်ပါ။ ကျွန်တော်ရေးတာ လွဲတာတွေ ပါနိုင်တယ်။ ဆောရီး။ ဆယ်တန်းတုန်းကကျောင်းစာထဲမှာပါတဲ့ အိုင်းစတိုင်းရဲ့ နှိုင်းရသီအိုရီအကြောင်းကို ဖတ်ကောင်းအောင် ရေးတဲ့စာတော့ ကနေ့အထိကြိုက်တယ်။
(မအိပ်ခင်မှာ ရေးတဲ့စာတိုင်းမှာ အမှားတွေပါတတ်တယ်။ အိပ်ရာထတော့ ပြန်ပြင်ပါမယ်။ အဲတာလည်း ဆောရီး။)
ဒေါက်တာတင့်ဆွေ
၂၉-၁-၂ဝ၁၈
Comments
Post a Comment