ဗန့်ကျီနယ်သား
ကျွန်တော် မြို့နယ်ဆရာဝန် တာဝန်ရှိစဉ်က ပုလဲမှာ ကောင်စီလူကြီးတဦးက ကဗျာ-စာသမား။ သူကွယ်လွန်သွားတာ မကြာသေးပါ။ အခုပဲ သူ့ကဗျာတပုဒ် တွေ့တယ်။
ဗန့်ကျီကိုလှမ်းပါလို့ ပခန်းကိုဝင်ခဲ့တယ်
ယမားချောင်း ရစ်ကာသီ
ပုံတောင်ဆီ ဝေစည်တော
မြယာကြော ဗန့်ကျီမြေ။
ချင်းတွင်းမြစ် သီဒါခင်
ရှင်မတောင် နံ့သာလွှမ်း
ပခန်းနယ်မြေ။
ဘုရားတန်းစောင်း ကျောင်းဇရပ်
ဝတ်မပြတ် လှူမျှဝေ
စာပေက ရနံ့မွှေး။
ပခန်းနှင့် ဗန့်ကျီ
နောင်ညီကို ဆွေချင်း
ထန်းတက်ရင်း တေးသံသာ
ယာထွန်ရင်း တေးသံဟစ်
လုပ်အားကို တမင်ချစ်
အလှသစ် တဝေဝေမို့
ရောင်းရင်းဆွေ သူငယ်ချင်းရယ်
မင်းလိုက်ခဲ့လေး။ ။
နေမျိုးသန့် (၁၉၉၁ ခုနှစ် စာပေဗိမာန် စာပဒေသာ ပထမဆုရစာအုပ်မှ)
သတ်ပုံကိုပါသိစေချင်လို့ တင်ပြလိုက်ပါတယ်။ တစ်မင်ချစ်၊ တစ်ဝေဝေ မဟုတ်ပါ။
ဒေါက်တာတင့်ဆွေ
၂၇-၁-၂ဝ၁၈
Comments
Post a Comment