Sunday, January 21, 2018

Sherlock Holmes ရှားလော့ဟုမ်း နှင့် ဦးစံရှား

စုံထောက်ကြီး ဦးစံရှား ရာပြည့်စာတပုဒ်ကို အခုပဲတွေ့တယ်။ အမှန်က ၂၃-၁၂-၂ဝ၁၇ နေ့ကတည်းက ဘီဘီစီ မြန်မာပိုင်းဝဘ်ဆိုက်မှာ ပါထားတယ်။ စာထဲမှာ စာရေးဆရာကြီး ရွှေဥဒေါင်းဟာ မြန်မာနိုင်ငံမှာ ဝတ္ထုတိုရေးနည်းကို စပြီး မိတ်ဆက်ပေးခဲ့သူတယောက်လို့ လူသိများပါတယ်။ ၁၉၁၇ ဧပြီလ သူရိယမဂ္ဂဇင်းကစပြီး ဒီဝတ္ထုတွေကို ရွှေဥဒေါင်းက စတင်ပြန်ဆို မှီငြမ်းခဲ့တာမို့ ဒီနှစ်မှာ ဦးစံရှားရဲ့သက်တမ်းက အနှစ်တရာ ပြည့်ခဲ့ပါပြီလို့ပါတယ်။ သတ်ပုံကို သတိပြုစေချင်ပါတယ်။

ကျွန်တော်လည်း နည်းနည်းလေး ရေးထားတာရှိတယ်။ ရွှေဥဒေါင်း ဘာသာပြန်ရေးသားခဲ့တဲ့ စုံထောက် ဦးစံရှား (ပေါင်းချုပ်) စာအုပ်ကို ပုဂံတိုက်က ပဌမဆုံးထုတ်ပါတယ်။ မြန်မာစာသတ်ပုံမှန်နဲ့သာ ရိုက်နှိပ်ပါတယ်။

ရှားလော့ဟုမ်းကို ဗြိတိသျှစာရေးဆရာ ဆာ အာသာ ကွန်နင်ဒွိုင်းက ရေးသားပါတယ်။ မူရင်းစာရေးဆရာနဲ့ သူ့စာတွေဟာ အင်္ဂလိပ်စာပေသမိုင်းတင်ရစ်ပြီး ဆရာကြီးရွှေဥဒေါင်းနဲ့ သူ့စာတွေကလည်း မြန်မာစာပေသမိုင်းတင်တယ်။

ဆာ အာသာ ကွန်နင်ဒွိုင်းစာတွေကို နောင်လာနောက်သားတွေက စပယ်လင်မပြင်ပဲ အကြိမ်ကြိမ်ထုတ်ဝေကြတယ်။ ရွှေဥဒေါင်းစာတွေကိုတော့ တမှန်သမျှကို တစ်ပြင်ပြီးသာ ထုတ်ဝေနေကြတယ်။ မလုပ်ကောင်းပါ။

ဒေါက်တာတင့်ဆွေ
၁၂-၁၁-၂ဝ၁၇
၂၁-၁-၂ဝ၁၈

No comments:

Post a Comment

Note: Only a member of this blog may post a comment.

နှမ်းဖတ်ချဉ်ဋီကာ

နှမ်းဖတ်ချဉ်စာရေးတော့ နှမ်းဖတ်နဲ့ ပဲဖတ်ကို ခွဲခြားပြောကြတယ်။ အရင်တင်စဉ်ကလည်း အဲလိုကွန်မင့်တွေလာပါတယ်။ အရောင်မတူတာကို ထောက်ပြကြတယ်။ ဆီးကြ...