မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Monday, May 16, 2016

Ovulation test မျိုးဥ ထွက်-မထွက် စမ်းနည်း


မင်္ဂလာပါဆရာ ကျွန်မ အသက်၂၄ နှစ်ပါ။ အမျိုးသားကအသက် ၃၁ ပါ ။ အခု ရာသီပုံမှန်ပြန်လာပါပြီဆရာ။ ကလေးလိုချင်လို့ပါဆရာ။ သားဥကျွေမကျွေ ဘယ်လိုသိနိုင်ပါလဲရှင်။ ဘာအားဆေးသောက်ဖို့လိုလဲဆိုတာ ညွန်ကြာပေးပါဆရာ။

(ပီ) ကို (ပြီ) လို့ပြင်လိုက်ပါတယ်။
ပီ = ပီသ၊ ပီပြင်၊ ပီလောပီနံ၊
ပြီ = ပြီးပါပြီ၊ လာပါပြီ။

အမျိုးသမီးတိုင်း အရွယ်ရောက်ကတည်းက သွေးဆုံးတဲ့အရွယ်အထိ မျိုးဥကခု လတိုင်းထွက်တယ်။ ကိုယ်ဝန်ရနိုင်ဘို့ ဒီမျိုးဥထွက်မထွက်အပေါ် မူတည်တယ်။ ကိုယ်ဝန်မရအောင် တားနည်းတခုဖြစ်တဲ့ ရက်တွက်ပြီး အတူနေနည်းကလဲ ဒီရက်ကိုသိမှ စိတ်ချနိုင်တယ်။

မျိုးဥထွက်-မထွက် စမ်းသပ်တဲ့ကရိယာကို Ovulation test နဲ့ Ovulation Predictor Kits လို့ခေါ်တယ်။ မျိုးဥဟာ မျိုးဥအိမ်ကနေထွက်ပြီး ၂၄ နာရီအထိခံတယ်။ ရာသီလအလယ်ရက်ဝန်းကျင်မှာ (LH) ဟော်မုန်း နည်းနည်း ပိုထွက်လာရတယ်။ ၃ဝ% သော အမျိုးသမီးတွေက လလယ်ရက်အတိအကျမှာ မျိုးဥထွက်တယ်။ ၆ဝ% က ၁ ရက် စောထွက်တယ်။ အားလုံးကိုခြုံလိုက်ရင် ၇၈%က လလယ်ရက်ထက် ၂ ရက် စောထွက်တယ်။

စမ်းသပ်ကိရိယာတစုံထဲမှာ စမ်းသပ်ချောင်းလေး ၅ ခုကနေ ၇ ခုအထိပါတယ်။ ရာသီလကိုသိရမယ်။ ဥပမာ ၂၈ ရက်မှာ တခါလာသူအတွက် အရင်လက ရာသီစလာတဲ့နေ့ကနေတွက်ရင် ၁၁ ရက်မြောက်နေ့ကနေစရမယ်။ ၁၁၊ ၁၂၊ ၁၃၊ ၁၄၊ ၁၅ ရက်တွေမှာ စမ်းသင့်တယ်။ ဆီးကို စမ်းရမဲ့အကွက်လေးမှာထည့်လိုက်ရင် အရောင်ပြောင်းလာမယ်။ အပေါင်းပြတယ် ဆိုရင် နောက် ၂၄ ကနေ ၆ နာရီအတွင်း မျိုးဥထွက်မယ်။ ဆီးထဲမှာ (LH) ဟော်မုန်း တက်လာတယ်ဆိုရင် အပေါင်းပြမယ်။

ဆီးမစမ်းခင်မှာ ရေ-အရည် အများကြီးမသောက်သင့်ပါ။ တခြားဆေးတွေလဲ မသောက်ဘဲနေဘို့လိုနိုင်တယ်။ Estrogens, Progesterone, Testosterone ခေါ်တဲ့ ဟော်မုန်းဆေးတွေဖြစ်တယ်။ ကိုယ်ဝန်တားဆေးထဲမှာပါတယ်။ Clomiphene citrate (Clomid) မျိုးဥထွက်ဘို့ပေးတဲ့ဆေးဆိုရင် LH levels ကိုပိုများစေတယ်။ စမ်းသပ်မှုမှာ သေချာစေအောင် ဒီဆေးမျိုးကို မစမ်းခင် ၃ ရက်စောပြီး မသောက်ဘဲနေသင့်တယ်။

မျဉ်း ၂ ကြောင်းရှိမယ်။ Test line စမ်းသပ်လိုင်းက Reference line မှီးရမဲ့လိုင်းတက် နဲနဲမှိန်တယ်။ ကိရိယာတွေက မတူတတ်ပါ။ အညွှန်းကိုအရင်ဖတ်ပါ။ ဆီးကို မနက် ၁ဝ နာရီကနေ ည ၈ နာရီအတွင်းသွားတာကိုယူတာကောင်းတယ်။ နေ့ ၂ နာရီကအကောင်းဆုံး။ အဖြေကို ၅ မိနစ် အနည်းဆုံးစောင့်ပါ။ တချို့က ၁ဝ မိနစ်အထိစောင့်ခိုင်းတယ်။
ကွန်ထရိုးမျဉ်းနဲ့ နောက်ပေါ်လာမယ့်မျဉ်းကို ယှဉ်ကြည့်ရမယ်။ နောက်ပေါ်မျဉ်းက ကွန်ထရိုးလိုအရောင်တူနေရင် အပေါင်း။ ပိုပြီးထင်းနေတာလည်းရှိမယ်။ ပိုမှိန်နေရင် အနုတ်။ စမ်းတဲ့ဟော်မုန်းနည်းလွန်းရင် မမြင်ရအောင်အထိ မှိန်နေမယ်။

အပေါင်းပြတယ်ဆိုတာ LH surge ဟော်မုန်းတက်လာလို့ခေါ်တယ်။ မှားပြီးအပေါင်းပြတာ ရှားတယ်။ နေ့ဆက် စမ်းရတာမို့ အချိန်တူမှာ စမ်းပါ။ ဆီးစမ်းမဲ့အချိန် မတိုင်ခင် ၂ နာရီလောက်မှာ ရေ-အရည် လျော့သောက်ပါ။ ရာသီသွေးစဆင်းတဲ့ ပဌမနေ့ကနေ နောက်တလအတွက် ဆင်းမဲ့နေ့ မတိုင်ခင်ရက်အထိ ဖြစ်တယ်။ စမ်းသပ်မဲ့လ မတိုင်ခင် လအနည်းငယ်အတွင်းက ရာသီခွင်ကို မှတ်ပါ။ ဘယ်ရက်မှာ မျိုးဥ ထွက်နိုင်တယ် ဆိုတာ ခန့်မှန့်နိုင်မယ်။

ဟော်မုန်းတက်လာချိန်နောက် ၁၂-၄၈ (ပျမ်းမျှ ၃၆) နာရီအတွင်းမှာ မျိုးဥထွက်ပါမယ်။ ကလေးရချင်သူများ ဟော်မုန်း တက်တဲ့ရက်ကနေ ၃ ရက်အတွင်း အတူနေသင့်ကြတယ်။ ကိုယ်ဝန်ကိုစမ်းတဲ့အခါ မျဉ်းကြောင်းက ခပ်မှုံမှုံသာ ပေါ်နေတာကိုလဲ အပေါင်းလို့ သတ်မှတ်နိုင်ပေမဲ့ မျိုးဥစမ်းတာမှာတော့ မှုံနေတာကို အနုတ်လို့ သတ်မှတ်တယ်။

Clomid ဆိုတဲ့ ကလေးရဘို့ပေးတဲ့ဆေးသောက်နေပြီး၊ မျိုးဥထွက်တာကို ရက်သိပ်စောပြီးစမ်းရင် မမှန်တဲ့ အပေါင်း ပြတတ်တယ်။ ခန့်မှန်းရက်ထက် ၂ ရက်စောပြီး နေ့တိုင်း စမ်းသင့်တယ်။ ရာသီလာပြီး ၁၃ ရက်ကနေ ၂ဝ ရက်အတွင်း ဖြစ်ဘို့များတယ်။ ၁၁ ရက်ကစစမ်းပြီး ၂ဝ ရက်နောက်ဆို မစမ်းပါနဲ့တော့။ နောက်တလကြမှ ပြန်စမ်းပါ။ တလမှာ ၅ ရက်စမ်းသူ ၈ဝ% နဲ့ ၁ဝ ရက်ကြာစမ်းသူ ၉၅% မှန်နိုင်တယ်။ အပေါင်းလက္ခဏာ ပြတာနဲ့ ဆက်စမ်းစရာ မလိုပါ။ ၉၉% စိတ်ချရတယ်။ Cassettes အမျိုးအစားက Strips ထက်ကောင်းတယ်။ ဆေးဘူးတခုထဲမှာ Cassette တခု၊ Pipette နဲ့ အထားခံအောင် Desiccant ဆိုတာပါတယ်။ ၃ မိနစ်နဲ့အဖြေထွက်တယ်။

LH blood test သွေးစမ်းနည်းလဲရှိတယ်။ အရွယ်ရောက် အမျိုးသမီးတယောက်မှာ ပုံမှန် 5 to 25 IU/L (6 and 30 U/L) ရှိတယ်။ ယောက်ျားတွေပုံမှန် = 7 and 24 U/L ရှိရမယ်။ 2 mIU/ml ထက်နည်းနေရင် Hypogonadotropic hypogonadism ရောဂါရှိနေမယ်။ LH တွေ ပုံမှန်ထက် များနေတာဟာ ဒါတွေကနေဖြစ်စေတယ်။ Anorchia ယောက်ျားအစိမရှိသူ၊ Hypogonadism ရောဂါ၊ Klinefelter syndrome ရောဂါ၊ သွေးဆုံးပြီးချိန်၊ မျိုးဥအိမ် အလုပ်မလုပ်ခြင်း၊ PCOS မျိုးဥအိမ်အကျိတ်များရောဂါ၊ Precocious puberty အသက်ငယ်လွန်းပြီး အရွယ်ရောက်သူ၊ Turner syndrome ရောဂါ။ LH တွေ ပုံမှန်ထက် နည်းနေရင် Anovulatory bleeding မျိုးဥမထွက်ဘဲ ရာသီသာဆင်းသူ၊ ကလေးမရနိုင်သူ၊ Multiple endocrine neoplasia ရောဂါ၊ Ovarian cysts မျိုးဥအိမ်အကျိတ်ဖြစ်နိုင်တယ်။

LH urine tests မျိုးဥအတွက် ဟော်မုန်းတက်လာမှု စမ်းသပ်နည်းဟာ Home fertility monitors မျိုးပွါးနိုင်စွမ်း စောင့်ကြည်ခြင်းနည်းနဲ့ မတူပါ။ Fertility monitors ဆိုတာ Digital handheld devices လက်ကိုင် ဒစ်ဂျစ်တယ်ကိရိယာ ဖြစ်တယ်။ မျိုးဥထွက်မှာကို တံတွေးထဲက ဓါတ်ဆားအနည်းအများ၊ ဆီးထဲက ဟော်မုန်းအနည်းအများနဲ့ ကိုယ်အပူချိန်တွေကို စောင့်ကြည့်နည်းဖြစ်တယ်။ ကိုယ်ဝန် ရှိ-မရှိ စမ်းတဲ့ hCG pregnancy test နဲ့လည်းမတူပါ။ ကိုယ်ဝန်ကို စမ်းရင် မနက်ခင်းသွားတဲ့ ဆီးကိုစမ်းတာ ကောင်းပေမဲ့ မျိုးဥထွက်တာ စမ်းရင်တော့ နေ့ ၂ နာရီလောက် သွားတဲ့ဆီးက အကောင်းဆုံးဖြစ်တယ်။ မနက် ၁ဝ နာရီ နောက်ပိုင်းသွားတဲ့ဆီးလဲ ရပါတယ်။

ဒီဟော်မုန်းတက်လာတာမို့ မျိုးဥထွက်သူဟာ ကိုယ်ဝန်ရချင်ရင် အဲဒီရက်တွေမှာ အကာအကွယ်နည်း တခုမှမသုံးပဲ အတူနေရမယ်။ တလနဲ့မရသေးရင် နောက်လ၊ နောက်လတွေမှာ ဆက်စမ်းပါ။ လတွေကြာလို့မှ မရသေးရင် နည်းလမ်းသစ်ကို ကြံဆရပါမယ်။
• ရာသီလာပြီး ၈ ရက်မြောက်နေ့ကနေ ၁၉ ရက်အတွင်းဟာ ကိုယ်ဝန် အရနိုင်ဆုံးရက်တွေ ဖြစ်တယ်။
• ရာသီလာပြီး ၈ ရက်မြောက်ကနေ ၁၉ ရက်မြောက်အတွင်း မဆက်ဆံသူတွေထဲက ၄့၇% ကိုယ်ဝန်ရကြတယ်။
• ရာသီလာပြီး ၈ ရက်မြောက်ကနေ ၁၉ ရက်မြောက်အတွင်း ဆက်ဆံသူတွေထဲက (ကွန်ဒွမ်) နည်း၊ သုတ်ရည် အပြင်ထုတ်နည်း သုံးသူတွေမှာ ၅့၆% ကိုယ်ဝန် ရကြတယ်။
• ရာသီလာပြီး ၈ ရက်မြောက်ကနေ ၁၉ ရက်မြောက်အတွင်း ဘာအကာအကွယ်မှ မသုံးသူတွေထဲက ၁၁့၉% ကိုယ်ဝန် ရကြတယ်။
• မျိုးဥထွက်ရက်အတိမှာ အတူနေရင် ၈-၁ဝ% ကိုယ်ဝန်ရကြတယ်။
• မျိုးဥမထွက်ခင် ၅ ရက် အလိုမှာ အတူနေရင် ၄% ကိုယ်ဝန်ရကြတယ်။
• မျိုးဥမထွက်ခင် ၄ ရက်အလိုမှာ အတူနေရင် ၁၅% ကိုယ်ဝန်ရကြတယ်။
• မျိုးဥမထွက်ခင် ၂ ရက်အလိုမှာ အတူနေရင် ၂၅-၂၈% ကိုယ်ဝန်ရကြတယ်။

- Clomiphene Citrate ကလေးမရနိုင်သူများအတွက်ဆေး http://doctortintswe.blogspot.com/2014/11/clomiphene-citrate.html
- Ovulation test မျိုးဥ ထွက်-မထွက် စမ်းနည်း http://doctortintswe.blogspot.com/2014/11/ovulation-test.html
- Clomiphene Brand Name မျိုးဥထွက်ဆေး http://doctortintswe.blogspot.com/2014/11/fertomid.html
- Fertomid မျိုးဥကျွေဆေး http://doctortintswe.blogspot.com/2015/04/clomiphene-brand-name.html

Dr. တင့်ဆွေ

No comments:

Post a Comment

Note: Only a member of this blog may post a comment.