မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Thursday, January 26, 2017

The carpenter လက်သမား

ဆေးပညာစာတွေရေးတယ်။ အထူးကုဆရာဝန် မဟုတ်ပါ။ အင်္ဂလိပ်စာလည်းရေးတယ်။ အင်္ဂလိပ်စာမတော်တဲ့ ကျောင်းသားဖြစ်ခဲ့ပါတယ်။ မြန်မာစာလည်း ရေးပါတယ်။ ကဗျာလိုလိုလည်းရေးတာပဲ။ မြန်မာစာကို (၁၂) တန်း အထိသာသင်ခဲ့ရပါတယ်။ သမိုင်းစာတွေပါရေးတယ်။ သမိုင်းကို (၉) တန်းအထိသာ သင်ခဲ့ရပါတယ်။

ပုလဲမှာတုန်းက ကျွန်တော့်အဆောက်အဦမှန်သမျှ ဆောက်ပေးတဲ့ လက်သမားဆရာတယောက်ရှိတယ်။ သူ့ကို သူ့ဆရာ ကျွန်တော့်သူငယ်ချင်း အငယ်တန်းအင်ဂျင်နီယာက (ပိုတပေ၊ လိုတပေ ကိုရွှေ) လို့ နာမည်ပေးထားတယ်။ ကိုရွှေဟာ အတော်ဆုံးလက်သမားဆရာ မဟုတ်ပေမယ့် သူဆောက်ပေးခဲ့တဲ့ ကျွန်တော့်အိမ်လေးနဲ့ ဆေးခန်းလေးဟာ သမိုင်းထဲမှာ။ ကျွန်တော် ပြည်ပထွက်ပြေးရတော့ ပုလဲအိမ်ကို ချိတ်ပိတ်ခံရလို့ မိသားစုက မုံရွာကိုရွှေ့နေကြရတယ်။ ပုလဲက အိမ်လေးတလုံးကို ရွှေ့ယူရတယ်။ ကိုရွှေကိုပဲ ခိုင်းရတယ်။ အန်တီ့့ ကျွန်တော်တို့အဖွဲ့ကို ထမင်းသာကျွေး၊ လက်ခမယူပါတဲ့။ အဲဒီခေတ်မှာ နိုင်ငံရေးသမားမိသားစုကို ကူညီရဲတဲ့သူဆိုတာ အလွန်မတန်ရှားပါတယ်။

တော်တယ်ဆိုတာကို ဘွဲ့တွေတံဆိပ်တွေကိုမကြည့်ပဲ စေတနာအရာကိုကြည့်ပြီးသာ ဆုံးဖြတ်ပါလေ။

ပုလဲကဆေးခန်းလေးပုံကို ပြီးခဲ့တဲ့အပတ်က တယောက်ကရိုက်ပို့ပါတယ်။

ဒေါက်တာတင့်ဆွေ
၂၆-၁-၂ဝ၁၆
၂၆-၁-၂ဝ၁၇

No comments:

Post a Comment

Note: Only a member of this blog may post a comment.