The carpenter လက်သမား

ပုလဲမှာနေစဉ်က ကျွန်တော့အဆောက်အဦမှန်သမျှ ဆောက်ပေးတဲ့ လက်သမားဆရာတယောက်ရှိတယ်။ သူ့ကို သူ့ဆရာ ကျွန်တော့်သူငယ်ချင်း အငယ်တန်းအင်ဂျင်နီယာက ပိုတပေ၊ လိုတပေ ကိုရွှေလို့ နာမည်ပေးထားတယ်။ ကိုရွှေဟာ အတော်ဆုံးလက်သမားဆရာမဟုတ်ပေမဲ့ သူဆောက်ပေးခဲ့တဲ့ ကျွန်တော့်အိမ်လေးနဲ့ ဆေးခန်းလေးဟာ သမိုင်းတင်နေပြီ။ ကျွန်တော် ပြည်ပထွက်ပြေးပြီးတဲ့နောက်မှာလည်း အန်တီ့့ ကျွန်တော်တို့အဖွဲ့ကို ထမင်းသာကျွေး၊ လက်ခမယူပါတဲ့။ မုံရွာကအိမ်လေးကို သူပဲလာဆောက်ပေးခဲ့တယ်။ အဲဒီခေတ်မှာ နိုင်ငံရေးသမားမိသားစုကို ကူညီရဲတဲ့သူဆိုတာ အလွန်မတန်ရှားပါတယ်။

ကျွန်တော်က
- ဆေးပညာစာတွေရေးတာ၊ အတော်ဆုံးဆရာဝန်ဖြစ်လို့မဟုတ်ပါ။
- မြန်မာစာအကြောင်းရေးတာ၊ ပညာရှင်တော့ မဟုတ်ပါ။
- အင်္ဂလိပ်စာလည်းရေးတယ်။ အင်္ဂလိပ်စာမတော်တဲ့ကျောင်းသားဖြစ်ခဲ့ပါတယ်။
- ကဗျာလိုလိုလည်းရေးတာပဲ။ မြန်မာစာကို (၁၂) တန်းအထိသာသင်ခဲ့ရပါတယ်။
- သမိုင်းစာတွေပါရေးတယ်။ သမိုင်းကို (၉) တန်းအထိသာသင်ခဲ့ရပါတယ်။

ဖေ့စ်ဘွတ်မှာတော့ နိုင်ငံရေးဝေဘန်သူက သုခမိန်တွေလိုလို။ ဆေးနည်းပေးသူတွေက ဆူပါအထူးကုတွေလိုလို။ တရားစာရေးသူတွေက ကျွတ်တန်းဝင်ပြီးသူတွေလိုလို။

တော်တယ်ဆိုတာကို ဘွဲ့တွေတံဆိပ်တွေကိုမကြည့်ပဲ စေတနာအရာကိုကြည့်ပြီးသာ ဆုံးဖြတ်ပါလေ။

ဒေါက်တာတင့်ဆွေ
၂၆-၁-၂ဝ၁၆
၂၆-၁-၂ဝ၁၈
ဓါတ်ပုံ = ပုလဲကအိမ် ၃ဝ-၁၁-၂ဝ၁၅

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး