မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Tuesday, February 14, 2017

Pregnancy after Ectopic Pregnancy သားအိမ်ပြင်ပသန္ဓေတည်ပြီးနောက်

သမီးနာမည့့်၊ ၃၅ နှစ်၊ ရန်ကုန်။ ၂ဝ၁၇ ဇန္နဝါရီလမှာပဲ Etopic ဖြစ်လို့ ခွဲထုတ်ထားရပါတယ်။ ကလေးက သားဥပြွန်ထိပ်မှာ သန္ဓေတည်လို့ပါဆရာ။ ညာဘက်သားဥပြွန်ထိပ်ပါဖြတ်ထုတ်လိုက်ရတယ်လို့ တာဝန်ကျ Dr ကပြောပါတယ်။ နောက်ထပ် ကလေးရဖို့ ခက်ခဲနိုင်လား။ Ectopic ထပ်ဖြစ်မှလဲကြောက်တယ်ဆရာ။ OG သွားပြတော့ ၃ လ တားဆေးသောက်ပြီး ကလေးယူလို့ရပြီလို့ပြောပါတယ်။ ဗိုက်ခွဲထားတော့ ၃ လနဲ့ ကိုယ်ဝန်ဆောင်လို့ ရပါ့မလားဆရာ။ သမီး ကလေးအရမ်းလိုချင်နေတဲ့အချိန်မှာ ပထမဆုံးကိုယ်ဝန် Ectopic ဖြစ်လို့ တော်တော်လေး ဝမ်းနည်းရပါတယ်။ သမီးကျမှ ဘာလို့ဖြစ်ရတာလဲဆရာ။

သားအိမ်ပြင်ပသန္ဓေတည်ပြီး နောက်ကိုယ်ဝန်ယူဘို့ စဉ်းစားတာအမှန်ပါ။ သတိထားစရာတွေရှိတယ်။ ခွဲစိတ်ကုသထားရလို့ အနာကျက်ဖြစ်စဉ်အရ သားအိမ်ပြွန်မှာ အမာရွတ်ဖြစ်ထားတယ်။ အဲလိုအမျိုးသမီးတွေမှာ မူမှန်မဟုတ်တာ ရှိနေနိုင်တယ်။ သားအိမ်ပြွန်က ထိခိုက်ခံထားရပြီးပြီ။ သားအိမ်ပြင်ပမှာ သန္ဓေတည်ခဲ့တာကလည်း ကိုယ်ဝန်မရခင် သားအိမ်ပြွန်မှာ အမာရွတ်ဖြစ်နေပြီးလည်းဖြစ်နိုင်တယ်။ မျိုးစပ်ထားတဲ့သန္ဓေက သားအိမ်ထဲထိ ဆင်းမသွားပဲ အဲဒီနေရာမှာ လာတွယ်ကပ်တာ ဖြစ်နိုင်တယ်။

နောက်ကိုယ်ဝန်ယူဘို့ လအနည်းငယ်စောင့်သင့်တယ်။ အနာကောင်းကောင်းကျပြီး လမ်းကြောင်းချောမွေ့စေချင်လို့ ဖြစ်တယ်။ ဒါမှမဟုတ် IVF နည်းကြိုးစားနိုင်တယ်။

သားအိမ်ပြင်ပသန္ဓေတည်လို့ ခွဲစိတ်ထားရသူနဲ့ ပုံမှန်ကိုယ်ဝန်မှာ နောက်ထပ် သားအိမ်ပြင်ပသန္ဓေတည်နှုန်း ၆ အချိုး ၁ ရှိတယ်။ ကျန်သားအိမ်ပြွန်ကလည်း သိပ်မကောင်းရင် ၁ဝး၁ ရှိတယ်။

သားအိမ်ပြင်ပသန္ဓေတည်လို့ ခွဲစိတ်ထားရသူ နောက်မွေးနှုန်း ၅၅% ရှိတယ်။ ထပ်ဖြစ်နှုန်း ၁၅% ရှိတယ်။ ကလေးမရနိုင်တဲ့နှုန်း ၃ဝ% ရှိတယ်။

သားအိမ်ပြွန်တဖက်ပိတ်နေရင် (သို့) ဖြတ်ထားရရင် နောက်မွေးနှုန်း ၄၅% ရှိတယ်။ ထပ်ဖြစ်နှုန်း ၂ဝ% ရှိတယ်။ ကလေးမရနိုင်တဲ့နှုန်း ၃၅% ရှိတယ်။

သားအိမ်ပြင်ပသန္ဓေတည်တာ ၂ ခါနဲ့အထက်ဖြစ်ထားသူဆိုရင် နောက်မွေးနှုန်း ၂၅% ရှိတယ်။ ထပ်ဖြစ်နှုန်း ၂၅% ရှိတယ်။ ကလေးမရနိုင်တဲ့နှုန်း ၅ဝ% ရှိတယ်။

- Ectopic Pregnancy (1) ထူးဆန်းသည့်ကိုယ်ဝန် (၁) http://doctortintswe.blogspot.com/2014/11/ectopic-pregnancy-causes.html
- Ectopic Pregnancy (2) ထူးဆန်းသည့် ကိုယ်ဝန် (၂) http://doctortintswe.blogspot.com/2015/09/ectopic-pregnancy.html

ဒေါက်တာတင့်ဆွေ
၁၄-၂-၂ဝ၁၇

No comments:

Post a Comment

Note: Only a member of this blog may post a comment.