Dryness of Vagina ဟိုနေရာမှာ ခြောက်နေတာ
“ကျွန်တော်က အသက် ၃ဝ၊ ကျွန်တော့် အမျိုးသမီးက ၂၉ နှစ်ပါ။ အခုလို ကိစ္စမျိုးက အသက်အရွယ်မရွေး ဖြစ်လေ့ဖြစ်ထ ရှိပါသလား။ ဖြစ်တတ်တယ်ဆိုရင် ဘာကြောင့် ဖြစ်တတ်တယ်ဆိုတာလေးလဲ သိပါရစေ။ နောက်ပြီးတော့ (ဂျယ်လီ) ကို သုံးရင် (ကွန်ဒွမ်) မပါပဲ၊ သုံးဖို့ သင့်-မသင့် လမ်းညွှန်ပေးပါဦး ဆရာ။”
မွေးလမ်းကြောင်း ခြောက်နေခြင်း Dryness of Vagina က အများအားဖြင့် အသက် ၄၅ ကျော် Menopause သွေးဆုံးရင် သေချာပေါက် ဖြစ်တယ်။ ကျန်အရွယ်တွေမှာက ရှိတော့ ရှိတယ် ရှားတယ်။ Estrogen ခေါ်တဲ့ မ-ဟော်မုန်း နည်းသွားလို့ပါ။ ဖြစ်စေနိုင်တဲ့ အခြေခံ ရောဂါတွေလဲရှိတယ်။ Hypothyroidism လည်ပင်း-သိုင်းရွိုက် ဟော်မုန်း နည်းရောဂါ နဲ့ Vaginitis (ဗဂျိုင်းနား) ရောင်တာတွေ ဖြစ်ပါတယ်။ အစိုဓါတ်ဟာ ဆီးချိုရှိရင်လဲ နည်းတယ်။ ဘာလို့ ဖြစ်ရမှန်း မသိတာလဲ ရှိပါတယ်။
Vaginitis ကတော့ STD/STI လိင်ကတဆင့်ကူးစက်ရောဂါ တခုခုကြောင့်ပါ။ ဆေးကုလို့ လွယ်ပါတယ်။ Hypothyroidism ရဲ့ ရောဂါလက္ခဏာတွေကတော့ အားယုတ်တာ၊ စိတ်ဓါတ်ကျတာ၊ ကိုယ်အလေးချိန် (အနည်းငယ်) တိုးတာ၊ အအေးဒဏ် မခံနိုင်တာ၊ အိပ်ချင်စိတ် ကဲနေတာ၊ အသားအရေ ခြောက်တာ၊ ဝမ်းချုပ်တာ၊ ကြွက်သားနာတာ၊ (ကိုလက်စထော) များတာ၊ စိတ်အာရုံစိုက်မှု နည်းလာတာ နဲ့ ခြေထောက်ရောင်တာတို့ ဖြစ်တယ်။
ဒီစာမျိုး ရေးရတာက ခေါင်းစဉ်တခုကို တတ်နိုင်သလောက် ပြည့်စုံအောင်ရေးမှ ဖြစ်တာ။ လူ တထောင် တယောက်၊ တသောင်း တယောက် ဖြစ်နိုင်တာလဲ မချန်ရဘူး။ ဖတ်တဲ့သူက ပိုလို့တောင် သတိထားသင့်တယ်။ စာဖတ်ရင်း လည်ပင်း စမ်းနေသူလဲ ရှိနိုင်တယ်။ အစိုးရိမ် မကြီးစေချင်ပါ။ လက္ခဏာတွေဆိုလဲ သေးသေးဖွဲဖွဲလဲ ပါရတာ။ ရေးတဲ့ထဲမှာ ဝမ်းချုပ်တာတခု ပါနေတာမို့ ဖတ်တဲ့သူက တရက်လောက် Bathroom မသွားရင်ကို ငါ့မှာ ဒါဖြစ်သလား သွားထင်မိမှာ စိုးရသေးတယ်။ ပညာနဲ့ ဆင်ခြင်ပါလေ။
အရွယ်ရှိစဉ်မှာ (ဗဂျိုင်းနား) ကို ဖုံးထားတဲ့ အရေပြားဟာ ပြည့်ဖေါင်း၊ နီရဲ (ပန်းရင့်ရောင်)၊ ရှိပြီး၊ အမြဲလို စိုစွပ်နေတယ်။ ကြုံ့နိုင်-ဆန့်နိုင်တယ်။ လိင်စိတ်ရှိလာချိန်မှာ ပိုပြီး စွပ်စိုလာတာက (ဗဂျိုင်းနား) အဝ၊ အတွင်းကရှိတဲ့ Bartholin's glands ဆိုတဲ့ အကြိတ်နှစ်ခုကနေ အရည် ထွက်ပေးလို့ပါ။ မ-ဟော်မုန်း နည်းလာတာနဲ့အမျှ အဖုံးလွှာက ပါး၊ ဖြူ (ဖြူပြာ)၊ ခြောက်လာတယ်။ ကြုံ့နိုင်-ဆန့်နိုင်စွမ်းပါ နည်းလာတယ်။ သွေးဆုံးချိန်မှာ ဒီလိုဖြစ်လာတာ ပုံမှန်ဖြစ်စဉ်ပါ။ Vaginal atrophy (ဗဂျိုင်းနား) သေးကြုံ့တဲ့ရောဂါလို့ ခေါ်တယ်။
မ-ဟော်မုန်း Estrogens ဆိုတာ မျိုးဥအိမ် Ovaries တွေကနေ ထုတ်ပေးတာဖြစ်တယ်။ သူ့အစွမ်းကြောင့် မိန်းကလေးဟာ ရင်သား ဖွံ့ထွားလာစေတယ်၊ ကိုယ်ခန္ဓာပုံပန်းကလည်း ငါးရံ့ကိုယ်ဖြစ်လာစေတယ်။ ကိုယ်က မွှေးညှင်းလေးတွေကိုလဲ ချောနုလာစေတယ်။ ရုပ်သွင်ကို သာမက လစဉ်ရာသီလာတာ၊ ကိုယ်ဝန်ဆောင်တာတို့အတွက်ကိုလဲ လုပ်ပေးတယ်။
မွေးလမ်းကြောင်းခြောက်တာက သွေးဆုံးတာနဲ့ မဆိုင်ဘဲလဲ ဖြစ်တတ်ပါတယ်။ ကလေးဖွါးပြီးချိန်၊ စိတ်ဖိစီးမှုများချိန်နဲ့ ကိုယ်ဝန်တားဆေး တချို့ကြောင့်လည်း ဖြစ်နိုင်တယ်။ ခြောက်နေရင် ပူစပ်နေတာကိုတော့ ခံစားရတတ်တယ်။ မလိုဘဲနဲ့တော့ ဆေးကုစရာမလိုပါ။ သွေးဆုံးသည်ဖြစ်စေ မဆုံးသည်ဖြစ်စေ ကျား-မ ဆက်ဆံချိန်မှာ ပြဿနာရှိလာတာ (နာတာ-ခြောက်တာ) ဆိုရင် ကုပါ။ ကုနည်း အမျိုးမျိုး ရှိတယ်။
ဟော်မုန်းပေးကုတာကို (HT) ခေါ်တယ်၊ (PHT) လဲခေါ်တယ်၊ (HRT) လို့လဲ ခေါ်တယ်။ အထူးလိုတာမို့ အထူးကုနဲ့သာ ကုသင့်တယ်။ အခက်ကြီးတော့ မဟုတ်ပါ။ စားဆေးနည်းရော ဆေးထည့်နည်းရော ရှိတယ်။ Vaginal estrogen ring ဆေးကွင်း၊ Vaginal estrogen cream (ခရင်မ်)၊ Vaginal estrogen tablets ဆေးပြား၊ အမျိုးများတယ်။ Estriol Cream BP (Evalon Cream) ကို OG ကညွှန်လို့ သုံးခါစမှာ သကြားနဲ့ဆား မှားတာကို လူနာတယောက် ကြုံရဘူးတယ်။ အစသာ ဖြစ်တာပါ။
(KY jelly) (ဂျယ်လီ) က အများဆုံးနဲ့ အသင့်တော်ဆုံး ဖြစ်တယ်။ အရွယ်မရွေး သုံးနိုင်တယ်။ ရေနဲ့လုပ်တာ၊ ဆီမပါလို့ ဆေးရတာ လွယ်တယ်။ (ကွန်ဒွမ်)ကိုလဲ မထိခိုက်စေဘူး။ (ကွန်ဒွမ်) မပါဘဲလဲ သုံးလို့ရပါတယ်။ ဈေးချိုတယ်။ ဝယ်ရတာ လွယ်တယ်။ အရွယ်အစား အမျိုးမျိုး ရောင်းတယ်။ အခါ ၅ဝ လောက် သုံးနိုင်တာရော၊ ခရီးဆောင်ရော။ သုံးသူ အဆင်ပြေ၊ ရောင်းသူငွေရ။ တကယ်လို့ အမျိုးသမီးက Yeast မှိုပိုး မကြာမကြာ ရတတ်သူဆိုရင် ရိုးရိုး (ဂျယ်လီ)က (ဗဂျိုင်းနား) ရဲ့ pH အက်စစ်ဓါတ်နဲ့ မတူလို့ pH တူတဲ့ Astroglide (Silken Secrete) ကို ရှာဝယ်သင့်တယ်။ ဒီဆေးကိုတော့ Applicator နဲ့ ထည့်ရတယ်။ အတွင်းထဲထိ ထည့်ပေးနိုင်တယ်။ ဒါပမဲ့ လက်တွေ့မှာ အဝနေရာမှာသာ ထည့်ပေးဘို့ လိုတာပါ။ ကိုယ်ခန္ဓာကို ငွေကြေးနဲ့ လဲရသူများမှာလည်း၊ အဖေါ်က မင်းသားလို ချောချော၊ ကျိကျိတက် ချမ်းသာနေနေ၊ ဘယ်စိတ်မှ လာတာ မဟုတ်လို့၊ (ဂျယ်လီ) ကိုသာ အိပ်စိုက်သုံးကြရတယ်။
နောက်တမျိုးကတော့ Vaginal moisturizer စိုစွပ်စေတဲ့ထည့်ဆေး (Yes, Sylk, Replens or Senselle, K-Y Silk-E Vaginal Moisturizer or KY Liquibeads) တွေ ဖြစ်တယ်။ ရေငွေ့ဓါတ်ပေးတဲ့သဘောပါ။
ဗီတာမင် E ကို အမျိုးသမီးတွေအတွက် ညွှန်းပါတယ်။ သောက်ဘို့သာမက capsule အတောင့်ထဲက ဆေးကို ဖေါက်ပြီး၊ အဂ်ါအထဲ ညှစ်ထည့်ပေးနိုင်သေးတယ်။ ပဌမတပါတ်မှာ နေ့စဉ် အဲလိုလုပ်ပြီး၊ နောက်ဆိုရင် တပါတ်မှ ၁ ခါ၊ ၂ ခါသာ လုပ်ဘို့ လိုတယ်တဲ့။ ဒါပေမဲ့ ဒီနည်းကို သိပ်မညွှန်းတော့ပါ။ အဆီဖြစ်လို့ (ကွန်ဒွမ်)ကို ထိခိုက်နိုင်လို့။ ဗက်တီးရီးယား အခြေအနေ ပြောင်းစေနိုင်လို့ပါ။
အစားအစာထဲမှာ Soy ပဲပုပ် နဲ့ Flax ဗီသွာ (နှမ်းကြတ်) တွေကလည်း ဒီနေရာမှာ ခြောက်နေတာကို စိုစေတယ်လို့ ဆိုတယ်။ တချို့က နှမ်းဆီ စစ်စစ်ကို ဂွမ်းမှာ ဆွတ်ပြီး၊ (ဗဂျိုင်းနား) အတွင်းသားမှာ တနေ့တခါ တပါတ်ကြာ သုတ်လိမ်းခိုင်းတယ်။
တခြား အထောက်အကူပြုမဲ့ နည်းတွေကတော့ ရေများများ သောက်ပါ။ အတူနေတာ အကြိမ်များလာရင်လဲ ပိုကောင်း လာနိုင်တယ်။ (ဖိုးပလေး) ခေါ်တဲ့ အင်္ဂါနှစ်ခု မထိစပ်ခင် ကြိုတင်ဆောင်ရွက်မှုမျိုးအတွက် အချိန်ပေးပါ။ အမျိုးသမီးများဟာ အမျိုးသားတွေထက် စိတ်ဖြစ်ပေါ်မှု နှေးတယ်။ ဘယ်သူကသုံးသုံး၊ (အိုရယ်) နည်း သုံးနိုင်တယ်။ တံတွေးသုံးနည်းကလဲ အဆင်ပြေနိုင်ပါတယ်။ ဒါပေမဲ့ ခံတွင်းသန့်ရှင်းမှု ကောင်းကောင်း လုပ်ထားရမယ်။ ဒါတောင် အမျိုးသမီးမှာ ဆီးအောင့်တာ ဖြစ်လာတတ်တယ်။ သတိထားဘို့က ဆီ၊ တံတွေး၊ (အိုရယ်)နည်းကြောင့် ဗက်တီးရီးယား နဲ့ မှိုပိုး ဝင်တတ်တယ်။
Belladonna, Bryonia နဲ့ Lycopodium တို့က Homeopathic (ဟိုမီယိုပက်သစ်) ဆေးတွေပါ။
ကြော်ညာတာတွေလဲ ထည့်ရေးပါမယ်။ Aloe Vera gel, Fenugreek seeds, Ginkgo Biloba, Oat straw နဲ့ Black Cohosh Actaea racemosa စသဖြင့်ရှိတယ်။ Lady secret serum ဆိုတာက phyto-estrogen နဲ့ ထိုင်း-အိန္ဒိယ ဆေးဘက်ဝင် အပင်ထွက်တွေပါတယ်တဲ့။ “ကလေးဖွါးပြီးသူများ၊ (ဗဂျိုင်းနား) တအားကောင်းစေသည်” လို့ ကြော်ညာတယ်။
ဆေးပညာ ပညာပေးရတာမှာ ရေးသူအဖို့ ဖတ်သူရဲ့အခြေခံသိမှ ကောင်းတယ်။ အများဖတ်ဘို့ ရေးတဲ့အခါ အတော် ချင့်ချိန်ရတာ။ တချို့က “ချက်ဆို နားခွက်ကမီးတောက်” ပေမဲ့၊ တချို့က လုံးစေပတ်စေ့ ပြောတာတောင် လွဲသွားတာတွေ ရှိတယ်။
မိသားစုစီမံကိန်း ပညာပေးအစီအစဉ်တခုမှာ “ဟောဒီလို သုံးရတယ်” ဆိုပြီး၊ ဆရာသမားက (ကွန်ဒွမ်) ကို လက်မမှာ ကျကျနန စွပ်ပြပြီး၊ စတိုင်ပါပါနဲ့ ပညာတော့ ပေးလိုက်တာပါဘဲ။ မကြာပါဘူး “ဆရာရယ် ဆရာပြောသလို လုပ်တာပါဘဲ၊ ကလေး ရှိပြန်ပြီ” ဆိုပြီး၊ (ကွန်ပလိမ့်) လာတယ်။ (ကွန်ဒွမ်) လဲ မပေါက်၊ (ဒိတ်) လဲ မအောက်။ မနောက်ပါနဲ့ဗျာ ဘယ်လို စွပ်လဲ ပြောစမ်းပါအုံး။ “ညတိုင်း ညတိုင်း၊ ဆရာခိုင်းသလို ကျွန်တော့် ဘယ်ဘက်လက်မမှာ ကျကျနန စွပ်တာပါ။ ဘယ်-ညာတောင် မလွဲဘူး။” တဲ့ ခင်ဗျာ။
Dr. တင့်ဆွေ
Comments
Post a Comment