Kidney Diseases in Children ကလေး ကျောက်ကပ်ရောဂါတွေ

ဆရာရှင့် ကျွန်မရဲ့ အသိတစ်ယောက်က ဒီနေ့ပဲ သူ့တူမ (၇) နှစ်သမီးလေးက လွန်ခဲ့တဲ့ တစ်ပတ်လောက်ကနေ ဗိုက်အောင့်တယ် ဗိုက်အောင့်တယ်ဆိုပြီး အစာသိပ်မစားတော့လို့ ဆေးခန်းသွားပြပါတယ်တဲ့။ ဒါပေမဲ့ ဗိုက်ကလေးပူနေလို့ အသည်းကြီးသလားဆိုပြီး ဓါတ်မှန်ရိုက်ခိုင်းရင်းကနေ ကျောက်ကပ်မှာ အလုံးဖြစ်နေတာကို တွေ့ရပါတယ်တဲ့။ ယခင်က ကျန်းမာစွာဆော့နေတဲ့ ကလေးတစ်ယောက်ဟာ ကောက်ခါငင်ကာ ရောဂါထဖြစ်ရတာ ဘာကြောင့် ဖြစ်နိုင်ပါသလဲ ဆရာရှင့်။ အခုအခါ ကလေးမလေးကို ကလေးဆေးရုံမှာတင်ထားရပြီး ကလေးကဆီးသွားတာနည်းတဲ့ အကြောင်းနဲ့ ဆီးသွားရင်လည်း သွေးစလေးတွေပါတတ်ကြောင်း သူ့ အဒေါ်ပြောပြလို့သိရပါသည်။ အဲဒီရောဂါမျိုးက ကုသလို့ ရပါသလားရှင့်။ ကင်ဆာလို့လည်း ပြောလို့ရကြောင်း ကလေး၏အဒေါ်မှာ ဝမ်းနည်းစွာပြောပြပါသည်။ ဆရာသိသမျှ ရှင်းပြစေချင်ပါသည်ရှင့်။

ကလေး ကျောက်ကပ်ရောဂါတွေကတော့ -
၁။ Posterior urethral valve obstruction ဆီးထွက်ပြွန်ရဲ့ နောက်ဖက်က အထိန်း ပိတ်နေခြင်း၊ ယောက်ျားလေးတွေမှာသာ ဖြစ်တယ်။ ခွဲစိတ်ကုသရမယ်။

၂။ Fetal hydronephrosis (ဟိုက်ဒရို-နဖရိုးဆစ်) ကျောက်ကပ်ကြီးရောဂါ၊ တဖက်-နှစ်ဖက် ဖြစ်နိုင်တယ်။ ကုသနည်း အမျိုးမျိုး ရှိတယ်။ တချို့ကို ခွဲစိတ်ကုသရတယ်။

၃။ Polycystic kidney disease (PKD) (ပေါ်လီဆစ်စတစ်) ရောဂါ၊ နှစ်ဖက်လုံးမှာဖြစ်တယ်။ အရည်အောင်းနေတဲ့ အိတ်ကလေးတွေ အများကြီးဖြစ်နေတာ။ တချို့ဘာမှ မ ခံစားရသေးဘူး တချို့မှာ ပိုးဝင်မယ်၊ ကျောက်တည်မယ်၊ သွေးတိုးမယ်။ တချို့ကို အစားအသောက် ဆင်ခြင်စေရမယ်။ တချို့ကို ကျောက်ကပ်အစားထိုးပေးရမယ်။ Dialysis ကျောက်ကပ်စစ်တာ လုပ်နေရမယ်။

၎။ Multicystic kidney disease (MKD) (မာလ်တီဆစ်စ်တစ်) ကျောက်ကပ်ရောဂါ၊ တဖက်မှာဖြစ်တယ်။ ကောင်းတဲ့တဖက်က အလုပ်လုပ်ပေးနိုင်တယ်။ prenatal ultrasound ကိုယ်ဝန်မှာကတည်းက (အာလ်ထွာဆောင်း) ရိုက်ရင်သိမယ်။ တချို့ကိုသာ ခွဲစိတ်ပေးဘို့လိုမယ်။

၅။ Renal tubular acidosis (ရနယ်လ်-ကျူဗြူလာ-အက်ဆီဒိုဆစ်) ရောဂါ၊ အက်စ်ဓါတ်အထိန်းနိုင်ဘူး။ ဆေးနဲ့ကုရမယ်။ ကျောက်တည်တတ်တယ်။

၆။ Wilms tumor (ဝီလ်-ကျူးမား) ရောဂါ၊ ကင်ဆာဖြစ်တယ်။ ကလေး ၂ နှစ်သားကျမှသိတယ်။ ခွဲစိတ်တာနဲ့ ဆေးပေးနည်း လုပ်ရမယ်။

၇။ Glomerulonephritis (ဂလိုမာရူလိုတဖရိုက်တစ်) ရောဂါ၊ ကျောက်ကပ်ထဲက သွေးကြောလေးတွေစုဝေးရာမှာ ပိုးဝင်တာ။ စစ်တဲ့အလုပ်မလုပ်နိုင်ဘူး။ ကိုယ်ရောင်မယ်၊ ဆီးထဲသွေးပါမယ်၊ ဆီးနည်းမယ်။ ဆေးနဲ့ကုရတာများတယ်၊ တချို့ Dialysis ကျောက်ကပ်စစ်တာ နဲ့ Kidney transplant ကျောက်ကပ်လဲတာလုပ်ရမယ်။

၈။ Nephrotic syndrome (နဖရောတစ်-ဆင်ဒရုမ်း)၊ ဆီးထဲမှာ (ပရိုတင်း) ဓါတ်တွေပါနေမယ်။ ကလေး ၁ နှစ်သားမှာ သိမယ်။ မျက်နှာ-ဗိုက်-ခြေ-လက် ရောင်လာမယ်။ ဆေးနဲ့သာကုတယ်။

၉။ Congenital problems with the urinary tract မွေးရာပါ ဆီးလမ်းချို့ယွင်းချက်များ၊
(က) ကျောက်ကပ်ကနေ ဆီးအိမ်ဆီသွားတဲ့ ဆီးပြွန် ၂ ခုပါနေတာ၊ ပိုးဝင်နိုင်တယ်။ ဆေးပေးကုတာနဲ့ ခွဲစိတ်တာလုပ်မယ်။
(ခ) Horseshoe kidney ကျောက်ကပ် မြင်းခွါပုံဖြစ်နေတာ၊ ကျောက်ကပ် နှစ်ခုက ပူးနေတာ၊ အလုပ်တော့ လုပ်နိုင်နေမယ်။ အသက်ကြီးရင် တခုခုဖြစ်လာနိုင်တယ်။

၁ဝ။ ဆက်စပ်နေနိုင်တဲ့ ရောဂါတွေ
(က) High blood pressure သွေးတိုးရောဂါ၊
(ခ) Kidney stones ကျောက်ကပ် ကျောက်တည်ခြင်း၊
(ဂ) Nephritis ကျောက်ကပ်ရောင်ခြင်း၊
(ဃ) Urinary tract infections (UTI) ဆီးလမ်းပိုးဝင်ခြင်း၊

Dr. တင့်ဆွေ