Smiling face ပြုံးနေတဲ့မျက်နှာ
ပြုံးခြင်းမှာ အဓိပ္ပါယ်ကောက်တတ်သူတွေက အမှန်ကိုသိမြင်ကြတယ်။ ကျွန်တော့်ပရိုဖိုင်းဓါတ်ပုံကလည်း ပြုံးနေလို့ ပြောကြတာတွေရှိတယ်။ မနေ့ကပဲ ဆရာတယောက် (ဆရာလို့မခေါ်ပါ သင်ကြားရေးစပယ်ရှယ်လစ်ခေါ်တယ်) ကနေ ကျွန်တော်ပြုံးလေ့ရှိတာကို မေးသေးတယ်။ ထိုင်းလူမျိုးတွေကပိုပြုံးကြလို့ Smiling Thai လို့ကြော်ငြာတာရှိကြောင်း ပြောမိသေးတယ်။
ဓါတ်ပုံအရိုက်ခံတာမှာ ပို့စ်ပေးကျွမ်းကျင်သူတွေရှိတယ်။ ကျွန်တော်လည်း အဲလိုလူစာရင်းထဲမှာ ပါနေပုံရတယ်။
အမှန်ကဒီလိုပါ။ ကျွန်တော့်က လူမမာတွေနဲ့နေရတာများတယ်။ အဲတော့ ကျွန်တော့်မျက်နှာက ဆေးကုလာတဲ့လူနာကို ကြည့်နေတဲ့ပုံကို တွေ့ကြပါမယ်။ အဖိုးကြီးအို ခပ်ပြုံးပြုံ့း့။
လူတယောက်ကိုကြည့်တဲ့အခါမှာ စိတ်ထဲမှာရှိနေတဲ့စိတ်ရင်းက မျက်နှာမှာပေါ်လွင်တယ်။ စိတ်ရင်းလို့ပြောတာက ယေဘုယျပါ။ စိတ်ဆိုတာ စက္ကန့်မလပ်ပြောင်းနေတာမဟုတ်လား။ ဓါတ်ပုံရိုက်ထားရင် အဲတာကမပြောင်းတော့ဖူး။
အဲတော့ ဓါတ်ပုံအရိုက်ခံနေချိန်စက္ကန့်ပိုင်းလေးမှာ စိတ်ထဲမှာ ဘယ်လိုအောက်မေ့နေသလည်းက အရေးပါတယ်။ မင်းသား မင်းသမီးတွေ မော်ဒယ်တွေက ပိုသိကြပါတယ်။ ဒါပေမယ့် လုပ်ယူတာနဲ့ ပင်ကိုယ်ကို ခွဲခြားတတ်သူတွေက သိပါတယ်။
ဒေါက်တာတင့်ဆွေ
၆-၈-၂ဝ၁၅
Comments
Post a Comment