Strasbourg စထွက်စ်ဘာ့ခ်

သတင်း = ပြင်သစ်က မြန်မာကို ယူရို သန်း ၂ဝဝ ကူညီမယ်

ကျွန်တော် ပြည်ပနိုင်ငံရေးလုပ်ခဲ့ရတဲ့ (၂၅) နှစ်ကြာအတွင်းမှာ (၃၁) နိုင်ငံကို တာဝန်နဲ့ရောက်ခဲ့ရပါတယ်။ ပြင်သစ်နိုင်ငံကို ရောက်တယ်သာဆိုတယ်၊ နယ်စပ်မြို့လေးသာရောက်ပါတယ်။ ပဲရစ်မြို့ကိုမရောက်ဖူးခဲ့ပါ။ ဂျာမဏီနိုင်ငံမှာ (ဘွန်း) မြို့မှာ အစည်းအဝေးတခုတက်ပြီး အနောက်ဖက်နယ်စပ်ကိုဖြတ်ကျော်တာနဲ့ ပြင်သစ်နိုင်ငံကိုရောက်ပါတယ်။ တသက်နဲ့ တကိုယ် အဲလိုမတူတဲ့တိုင်းပြည်နယ်နိမိတ်ကို ဖြတ်ကျော်ရတာ (၃) ခါတိတိရှိပါတယ်။ ၁၉၉ဝ ဒီဇင်္ဘာလကုန်ခါနီးမှာ မြန်မာနိုင်ငံ ချင်းပြည်နယ်ကနေ အိန္ဒိယနိုင်ငံ မီဇိုရမ်ပြည်နယ်ကို နိုင်ငံတကာနယ်နိမိတ်ကို တရားမဝင်ဖြတ်ကူးပါတယ်။ နောက် ထိုင်း-မြန်မာနယ်စပ်ကိုတော့ အကြိမ်ပေါင်းများစွာကျော်ဖြတ်ပြီး (ကေအင်န်ယူ) ကရင်အဖွဲ့ထိန်းချုပ်ထားရာ မြန်မာ့မြေပေါ်မှာ အစည်းအဝေးတွေလုပ်ရပါတယ်။

အခုဥရောပတိုက်ထဲက ထိပ်တန်းနိုင်ငံကြီးနှစ်ခုဖြစ်တဲ့ ဂျာမဏီနဲ့ ပြင်သစ်နိုင်ငံနယ်စပ်မျဉ်းကိုတော့ တရားဝင် ဖြတ်ရပါတယ်။ သူများပြောလို့သာ တဖက်ကဂျာမဏီ၊ ဟိုတဖက်ကပြင်သစ်လို့သိရတာပါ။ ဘတ်စ်ကားပေါ်မှာပဲ တာဝန်ရှိသူတွေက ပတ်စ်ပို့တ်လာကြည့်ပါတယ်။ ထိုင်းနိုင်ငံ ဘန်ကောက်ကနေ မဲဆောက်သွားတိုင်း ထိုင်းအရာရှိတွေက ဘတ်စ်ကားပေါ်တက်စစ်တာ အခေါက်တိုင်းပါ။

ဂျာမဏီနဲ့ပြင်သစ် မြင်ကွင်းကဘာတခုမှ ကွဲပြားတာလို့မရှိပါ။ အဆောက်အဦတွေ၊ လမ်းတံတားတွေ၊ သစ်ပင်တွေ အကုန်အတူတူပါ။ စကေားပြောမှသာ ဘာသာစကားမတူတာကွာတယ်။ ပြင်သစ်တွေက သူတို့ဘာသာစကားကို တော်တော်အစွဲကြီးပုံရပါတယ်။ ဂျာမဏီမှာ အင်္ဂလိပ်လို နေရာတိုင်းမှာပြောလို့ရပေမယ်၊ ပြင်သစ်တွေကတော့ အင်္ဂလိပ်လိုတတ်လည်း ပြင်သစ်လိုသာပြန်ဖြေကြတာ သတိထားမိတယ်။
ကျွန်တော်ရောက်တဲ့ပြင်သစ်နိုင်ငံကမြို့လေးကို Strasbourg (စထွက်စ်ဘာ့ခ်) လို့ခေါ်ပါတယ်။ အတော်လှတယ်။ တိုးတက်တယ်။ အေးချမ်းတယ်။ အဲဒီမြို့မှာ ဥရောပတတိုက်လုံးနဲ့ဆိုင်တဲ့ရုံးတွေ၊ ဌာနတွေများပါတယ်။ European Court of Human Rights မှာ လူ့အခွင့်အရေးတရားရုံး၊ Council of Europe ဥရောပကောင်စီရုံး၊ European Directorate for the Quality of Medicines ဆေးဝါးအရည်အသွေး ဒါရိုက်တာရုံး၊ European Audiovisual Observatory ဥရောပ အာကာသလေ့လာရေးဌာန၊ European Parliament ဥရောပပါလီမာန်လည်းရှိတယ်။ European Ombudsman of the European Union ဥရောပ ယူနီယံ စောင့်ကြည့်ရေးရုံးလည်းထားတယ်။ Central Commission for Navigation on the Rhine ရိုင်းမြစ် ဗဟိုကော်မရှင်ရုံးလည်းရှိတယ်။

International Institute of Human Rights နိုင်ငံတကာ လူ့အခွင့်အရေး အင်စတီကျုရုံးမှာ အရှေ့တောင်အာရှ နိုင်ငံတွေကလာသူတွေကို သင်တန်းပေးပါတယ်။ သင်တန်းမှာ အာစီယန်နိုင်ငံထဲမှာ လူ့အခွင့်အရေးကော်မရှင်ဖွဲ့ဖို့ အဆိုပြုတာကို ကျွန်တော်တယောက်လွဲရင် တခြားကိုယ်စားလှယ်တွေက သိပ်လက်မခံကြတာလည်း ထူးခြားမှုတခုပါ။ အဲသည်ကာလကတည်းက အာစီယန်အုပ်စုကို ကျွန်တော် သိပ်အကောင်းမမြင်ဖြစ်ခဲ့တာပါ။ ကျွန်တော် အဲဒီကိုရောက်တာ ၂ဝဝဝ ခုနှစ်ကျော်ကာစလောက်ဖြစ်မှာပါ။ ၂ဝဝ၉ ခုနှစ်ရောက်မှသာ ASEAN Intergovernmental Commission on Human Rights အာစီယန် အစိုးရကြားလူ့အခွင့်အရေးကော်မရှင်ကို ဖွဲ့နိုင်ပါတယ်။

ကျွန်တော့်အမြင်မှာ ပြင်သစ်လူမျိုးတွေက လူမျိုးနဲ့ ဘာသာစကားစွဲလွန်းတယ်။ အစားအသောက်မှာ ပြင်သစ်စာလို့ နာမည်ရတယ်။ အနုပညာထူးချွန်တယ်။ ဖက်ရှင်၊ ရေမွှေး၊ အလှအပနာမည်ကြီးတယ်။ ဒါပေမယ့် ကမ္ဘာစစ်ကြီးတွေကို ကြည့်ရင် သတ္တိအရာမှာတော့ နည်းတယ်ထင်မိတယ်။

ဒေါက်တာတင့်ဆွေ
၁၇-၆-၂ဝ၁၆