Food poisoning အစာဆိပ်သင့်ခြင်း

Nay LA ဘုတလင်မြို့နယ်မှာ မုန်ဟင်းခါးစားပြီး အစာအဆိပ်သင့်ကြတယ်ဆရာ။ ခု ၁ဝဝ လောက်ရှိတယ်လို့ DVB သတင်းမှာ တင်ထားပါတယ်။ မုန့်ဟင်းခါးဖတ်ကဖြစ်မယ်လို့ယူဆကြပါတယ်။ အစာအဆိပ်ဘယ်လိုကြောင့်သင့်တယ်ဆိုတာ ပို့စ်တင်ပြီးရှင်းပြပေးပါလား ဆရာ။

အစားအသောက်ထဲမှာ ဗက်တီးရီးယား၊ ဗိုင်းရပ်စ်နဲ့ ပရိုတိုဇိုးဝါး ပိုးအမျိုးမျိုးပါလို့ဖြစ်တယ်။ အစာဆိပ်လို့ခေါ်သလို လူနဲ့မသင့်တာပါလို့လည်း ဖြစ်တယ်။ အစားအသောက်ကို ကိုင်တွယ် ချက်ပြုတ် ကျွေးမွေးရာမှာ အဆင်မသင့်ရာကနေ ဖြစ်တယ်။ ပျို့။ အန်။ ဝမ်းရေလိုသွား။ ဗိုက်နာ။ ကိုယ်ပူတာတွေခံစားရမယ်။

အစာဆိပ်သင့်တာနဲ့ အစာကနေဝင်တဲ့ ကူးစက်ရောဂါတွေပဲ။ ဒါတွေကို ဗက်တီးရီးယားတွေကနေ ဖြစ်စေတယ်။ သူတို့က ပူလောင်လောင် စိုထိုင်းထိုင်း ကြိုက်ကြတယ်။ လူအများစုစားတာကနေ ဖြစ်တာများတယ်။ မွေးနေ့၊ မင်္ဂလာဆောင်၊ အလှူအတန်း၊ ပျော်ပွဲစားမှာ စားစရာမှန်သမျှ သတိထားပါ။ စားသူအားလုံး ဖြစ်မယ်။

ဆေးရုံတက်ရနိုင်တယ်။ ရေ + ဓါတ်ဆားနည်းတာက အရေးကြီးတယ်။ ORS ဓါတ်ဆားရည် ပေးရမယ်။ ပါးစပ်က မသောက်နိုင်ရင် သွေးပြန်ကြောထဲကနေသွင်းပေးရမယ်။ ပိုးသေဆေးပေးရမယ်။ ကလေးတွေနဲ့ အသက်ကြီးသူတွေကို ပိုသတိထားရတယ်။ အသက်ဆုံးပါးနိုင်တယ်။ ဆောရီး။

Campylobacter = ၂-၅ ရက်၊ အသား၊ ငါး၊ နို့၊ ရေကနေဖြစ်တယ်။
Clostridium botulinum = ၁၂-၇၂ နာရီမှာဖြစ်တယ်။ အက်စစ်ဓါတ်နည်းတဲ့ စည်သွပ်အစားအစာတွေကနေဖြစ်တယ်။
Clostridium perfringens = ၈-၁၆ နာရီမှာဖြစ်တယ်။ အသား၊ အနှစ်တွေကနေဖြစ်တယ်။ ကောင်းကောင်းမပူစေတာနဲ့ အအေးမခံလို့ဖြစ်တယ်။
Escherichia coli (E. coli) = ၁-၈ ရက်မှာဖြစ်တယ်။ အမဲသားကနေဖြစ်တာများတယ်။
Giardia lamblia = ၁-၂ ပတ်မှာဖြစ်တယ်။ အသားငါး အစိမ်းကနေဖြစ်တယ်။
Hepatitis A = ၂၈ ရက်အကြာမှာဖြစ်တယ်။ အစိမ်းစားရတာတွေနဲ့ အသင့်ဝယ်စားရတာတွေကနေဖြစ်တယ်။
Listeria = ၉-၄၈ နာရီမှာဖြစ်တယ်။ ဟော့ဒေါ့၊ အသား၊ နွားနို့၊ ဒိန်ခဲ၊ ရေကနေဖြစ်စေတယ်။
Noroviruses = ၁၂-၄၈ နာရီမှာဖြစ်တယ်။ အစိမ်းစားရတာတွေနဲ့ အသင့်ဝယ်စားရတာတွေနဲ့ ရေကနေဖြစ်တယ်။
Rotavirus = ၁-၃ ရက်မှာဖြစ်တယ်။ အသင့်ဝယ်စားရတာတွေကနေဖြစ်တယ်။
Salmonella = ၁-၃ ရက်မှာဖြစ်တယ်။ အစိမ်းစား၊ အသားငါး၊ ဥတွေကနေဖြစ်စေတယ်။
Shigella = ၂၄-၄၈ နာရီမှာဖြစ်တယ်။ အစိမ်းစား၊ ပင်လယ်စာ၊ အသင့်စားအစာတွေကနေဖြစ်တယ်။
Staphylococcus aureus = ၁-၆ နာရီမှာဖြစ်တယ်။ အသားငါး၊ ဆလဒ်၊ ခရင်မ်တွေကနေဖြစ်စေတယ်။
Vibrio vulnificus = ၁-၇ ရက်မှာဖြစ်တယ်။ အစိမ်းစားပင်လယ်စာတွေကနေဖြစ်တယ်။

(စတက်ဖလိုကောကပ်စ်) ဗက်တီးရီးယား အင်ဖက်ရှင်တွေထဲမှာ အရေပြားရောင်ခြင်း အမျိုးမျိုး၊ အရေပြားနာ၊ အနာ-ဒဏ်ရာတွေ၊ နှလုံးအတွင်းသား ရောင်ခြင်း၊ အရိုးအတွင်း ရောင်ခြင်း၊ နူမိုးနီးယား၊ သွားအတု-အရိုးတုရောင်ခြင်း၊ ဆီးလမ်း ရောင်ခြင်းတွေနဲ့အတူ အစာဆိပ်သင့်ခြင်းပါတယ်။ (စတက်ဖလိုကောကပ်စ်) ဗက်တီးရီးယား အင်ဖက်ရှင်အတွက် -
• Clindamycin: လူကြီး 150-300 mg (၈) နာရီတကြိမ်၊ 300-600 mg IV (၈) နာရီတကြိမ်၊ ကလေး 25-40 mg/kg/d IV တနေ့ ၃ ကြိမ်ပေးရတယ်။
• Dicloxacillin: လူကြီး 500 mg ၆ နာရီတကြိမ်၊ ကလေး 25 mg/kg/d ၆ နာရီတကြိမ်၊
• Trimethoprim-sulfamethoxazole (Septrin): လူကြီး 160 mg TMP/800 mg SMZ တနေ့ ၂ ကြိမ်၊ ၁ဝ-၁၄ ရက်၊ ကလေး >2 years: 6-12 mg of trimethoprim/kg/d တနေ့ ၂ ကြိမ်၊
• Nafcillin: လူကြီး 1-2 g IV ၄ နာရီတကြိမ်၊ ကလေး 100-200 mg/kg/d IV ၄ နာရီတကြိမ်၊
• Vancomycin: လူကြီး 1 g or 15 mg/kg IV ၁၂ နာရီတကြိမ်၊ ကလေး 30-40 mg/kg/d IV ၁၂ နာရီတကြိမ်၊
• Cefazolin: လူကြီး 1 g IV (၈) န1ာရီတကြိမ်၊ ကလေး 50-100 mg/kg/d IV ၈ နာရီတကြိမ်၊
• Minocycline: လူကြီး 100 mg PO/IV q12-24h; ကလေး 2-4 mg/kg/d တနေ့ ၂ ကြိမ်၊

ပိုးဟပ်တွေနဲ့ ဆက်စပ်နေတဲ့ရောဂါ ခန့်မှန်းခြေ အမျိုးပေါင်း ၅ဝ လောက်ရှိနိုင်တယ်။ ဗက်တီးရီးယား ၃၂ မျိုး၊ (ဖန်းဂတ်) ၁၇ မျိုး၊ (ပရိုတိုဇိုးဝါး) ၃ မျိုး၊ (ဗိုင်းရပ်စ်) ၂ မျိုးပါတယ်။ ရောဂါတွေက အဆိုးကြီးတွေတော့ မဟုတ်ပါ။ ကူးစက်ရင်တော့ မြန်တယ်။ ရောဂါတွေကတော့ ဝမ်းကိုက်၊ တိုက်ဖွိုက်၊ သူငယ်နာ-အကြောသေ၊ အစာလမ်းရောင်-ဝမ်းပျက်၊ တီဘီ၊ ကာလဝမ်း၊ အနာကြီး၊ အသည်းရောင်၊ အကျိတ်ပလိပ်၊ ဆီးလမ်းပိုးဝင်ခြင်းအပြင် အစာဆိပ်သင့်တာလည်းပါတယ်။

ဒေါက်တာတင့်ဆွေ
၂၅-၆-၂ဝ၁၆

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး