Mongol and Mughal (မွန်ဂို) နဲ့ (မူဂေါလ်)

Mongol Empire (မွန်ဂို) အင်ပါယာနဲ့ Mughal (Mogul) Empire Empire (မူဂေါလ်) အင်ပါယာနဲ့ အသံထွက်နီးစပ်လို့ မှားတတ်ကြတယ်။ (မွန်ဂို) အင်ပါယာက (ဂျင်ဂစ်ခန်) ကနေစတယ်။ (မွန်ဂို) အင်ပါယာက (မူဂေါလ်) အင်ပါယာ ထက်စောတယ်။

(မူဂေါလ်) အင်ပါယာက ပါရှားမွတ်ဆလင်ဘုရင်တွေ ဖြစ်တယ်။ အိန္ဒိယတိုက်ငယ်တခုလုံးနီးပါးနဲ့ အာဖကန်နစ္စတန်ကို ပိုင်စိုးခဲ့တယ်။ ဒေလီကို ၁၅၂၆ မှာ နိုင်ကတည်းက စတင်တယ်။ အာရှတိုက်အလယ်ပိုင်းမှာဖြစ်တယ်။ ဘုရင်ကိုယ်တိုင်က (ဂျင်ဂစ်ခန်) မျိုးဆက်လို့ပြောတယ်။ (မဟာအဂ္ဂဗာ) ဘုရင်ကလည်းဒီမင်းဆက်ထဲကဖြစ်တယ်။ (အဂ္ဂဗာ) ရဲ့သားတော် (ရှားဂျဟန်) ကနေ (တာ့ခ်ျမဟာ) ကို ဆောက်ခဲ့တယ်။ (အဂ္ဂဗာ) ဘုရင်ဟာ ဟင်ဒူဘာသာတွေနဲ့ ချစ်ကြည်ရေး တည်ဆောက်နိုင်သူ ဖြစ်တယ်။ (မူဂေါလ်) ဘုရင် အားလုံးက မွတ်ဆလင်တွေသာဖြစ်ကြတယ်။

(မွန်ဂို) အင်ပါယာက ၁၃ ရာစုကနေ ၁၄ ရာစုအထိကြာမြင့်ခဲ့တယ်။ သမိုင်းမှာ ပိုင်ဆိုင်နယ်မြေအကျယ်ဝန်းဆုံးမင်းဆက် ဖြစ်တယ်။ အာရှတိုက်အလယ်ပိုင်းကနေ ဥရောပအရှေ့ပိုင်းထိပိုင်တယ်။ အရှေ့ဖက်မှာ ဂျပန်ပင်လယ်ထိရောက်တယ်။ တောင်ဖက်မှာ အိန္ဒိယတိုက်ငယ်၊ အင်ဒိုချိုင်းနား၊ အီရန်ကုန်းပြင်မြင့်နဲ့ အာရေဗီးယားအထိရောက်တယ်။ (ဂျင်ဂစ်ခန်) ဟာ ၁၂ဝ၆ ကတည်းက ဒေသခံ (နော်မန်းဒစ်) ခေါ် အတည်တကျထိုင်ကြသူမဟုတ်သူတွေကို စည်းရုံးရာကနေစတင်ခဲ့တယ်။ ၁၂၉၄ မှာ ကူဗလခန်ကွယ်လွန်အပြီး မွန်ဂိုအင်ပါယာဟာ လေးစိတ်ကွဲသွားတယ်။ တရုပ်ပြည် ဘေဂျင်း (ပီကင်း) မှာ (ယွန်) မင်းဆက်ဖြစ်လာတယ်။ ဒိနောက်မှာ (ဟန်) လူမျိုးတရုပ်တွေက ၁၃၆၈ မှာ (မင်း) မင်းဆက် ထူထောင်တယ်။

သမိုင်းစာထဲမှာပါတဲ့ (မန်ချိူး) ဆိုတာက Manchuria (မန်ချူးရီးယား) ဖြစ်တယ်။ အာရှိတိုက် အရှေ့မြောက်ဒေသမှာ ရှိတယ်။ ကနေ့တရုပ်ပြည်ထဲမှာပါတယ်။ ပထဝီအရပြောရင် ရုရှားနဲ့ တရုပ်ကြားမှာရှိတယ်။

မြန်မာ့ရာဇဝင်မှာ (မူဂေါလ်) အင်ပါယာနဲ့ ဆက်စပ်မှုမရှိခဲ့ပါ။ ဘင်္ဂလားဒက်ရ်ှအထိသာပိုင်တယ်။ ပုဂံမင်းဆက် (၈၄၉-၁၂၉၇) ဖြစ်လို့ တရုပ်ပြည်ကို အုပ်စိုးနေခဲ့တဲ့ (မွန်ဂို) မင်းဆက် ကူဗလခန် (၁၂၆၄-၁၂၉၄) နဲ့ ထိစပ်ခဲ့ရတယ်။ (၁၃) ရာစု အကုန်မှာ ပုဂံမင်းဆက်အင်အားကျဆင်းလာပြီး၊ ၁၂၅ဝ မှာ ကူဗလခန်ဖျက်ဆီးတာ ခံလိုက်ရတယ်။

ဒေါက်တာတင့်ဆွေ
၁၇-၆-၂ဝ၁၆