Endometrial hyperplasia သားအိမ်ထူခြင်း

၁။ ဆရာရှင့် အရေးတကြီးဆုံးဖြတ်ရမှာမို့ ဆရာရဲ့ပြန်စာကို မျှော်နေပါတယ်။ ကျမအသက်(၄၆)ပါ။ ၂၀၁၇ ဒီဇင်ဘာအထိ ရာသီမှန်မှန်လာပါတယ်။ နေ့ရက်မမှန်တာဘဲရှိပါတယ်။ ၂၀၁၈ ဇန်နဝါရီမှာ ရာသီမလာပါ။ ဖေဖော်ဝါရီ (၁၁)ရက်မှစပြီး တစက်တစက်နဲ့ စလာပါတယ်။ OG ကိုပြတော့ ULTRASOUND ရိုက်ရပါတယ်။ သားအိမ် 16.3mm ထူနေလို့ ခြစ်ခိုင်းပါတယ်။ တခြားသွေးစစ်ခိုင်းတာအဖြေတွေ ကောင်းပါတယ်ရှင့်။ မတ်လ (၁)ရက်နေ့မှာ သားအိမ်ခြစ်ပါတယ်။ ဖေဖော်ဝါရီ (၁၁)ရက်ကနေ တစက်တစက်လာနေတဲ့ရာသီက ဖေဖော်ဝါရီ (၂၈)ရက်ညနေပိုင်းမှ ရပ်သွားပါတယ်ရှင့်။ သားအိမ်ခြစ်ပြီး ဒီနေ့အထိလည်း ရာသီမလာတော့ပါ။ သားအိမ်ဝလည်းထူတယ်လို့ ပြောပါတယ်။ သားအိမ်ခြစ်ပြီး အသားစစစ်တာ သားအိမ်ဝကဘာမှမဖြစ်ဘူး သားအိမ်ကတော့ Endometrial hyperplasia without atypia လို့ ပြောပါတယ်။ ကင်ဆာကိုပြောင်းနိုင်တာမို့ သားအိမ်ထုတ်ရမယ်တဲ့။ သားအိမ်ကိုခြစ်တုန်းက သားအိမ်ဝထူလို့ မီးလည်း တို့ထားတယ်လို့ ပြောပါတယ်။ Facebook ကနေသားအိမ်ထူခြင်းအကြောင်းတွေကိုရှာဖတ်ဖို့ ပြောပါတယ်။ OG ဆရာမက သားအိမ်ထုက်ဖို့ပြောပါတယ်။ တချို့သားအိမ်မထိုတ်ခြင်သူတွေကြတော့ တလတလရာသီမှန်အောင်လုပ်ပြီး သွေးဆုံးတော့ သားအိမ်ခြောက်သွားမယ်လို့ ပြောပါတယ်ရှင့်။ ကျမတွေဝေပြီး ဘာလုပ်ရမှန်းမသိ ဖြစ်နေပါတယ်ရှင်။ ခွဲစိက်ရမှာ ကြောက်နေတာလည်းပါပါတယ်ရှင်။ အမျိုးသားက အဝေးမှာအလုပ်လုပ်ပါတယ်။ ကျေးဇူးတင်ပါတယ်ဆရာရှင့်။

၂။ ဆရာရှင့် သမီးအသက်က ၃၅ နှစ်ပါ။ Single ပါ။ ငယ်ငယ်ကတည်းက ရာသီမမှန်ခဲ့ပါ။ ၂ဝ၁၁ ခုနှစ်မှာ ရာသီလာတာ အရမ်းများလို့ OG နဲ့ပြ  ultrasound ရိုက်ခဲ့ပါတယ်။ သားအိမ်နံရံထူနေလို့ သားအိမ်ခြစ်ခဲ့ပြီး အသားစစစ်ဆေးခဲ့ပါတယ်။ Endometrial hyperplasia လို့ပြောပါတယ်။ နောက်တကြိမ်ရာသီများရင် Primolute-N ကို ၆ လဆက်တိုက် သောက်ဖို့ ညွှန်ကြားခဲ့ပါတယ်။ ၂ဝ၁၂ မှာရာသီထပ်များလို့ OG ရဲ့ညွှန်ကြားချက်အတိုင်း ဆေးသောက်ခဲ့ပါတယ်ရှင့်။ အဲဒိနောက်ပိုင်း ဘာဆေးမှမသောက်ခဲ့ပါဘူး။ ရာသီလာလိုက် မလာလိုက်နဲ့ ၂ဝ၁၄မှာ ရာသီ ၆ လလောက်မလာလို့ ထပ်ပြခဲ့ပါတယ်။ အိုဂျီက marvilon 28 သောက်ဖို့ညွှန်ကြားခဲ့ပါတယ်။ အဲဒီဆေးသောက်တဲ့လမှာပုံမှန်ရာသီလာပြီး ဆေးရပ်လိုက်တော့ ရာသီမလာတော့ပါ။ အဲဒီဆေးမသောက်တာ တနှစ်ကျော်ရှိပါပြီရှင့်။ ၆ လလောက်တခါ ရာသီလာလိုက် ၃ လလောက်နေမှ ရာသီလာလိုက်နဲ့ ၂ဝ၁၆ ခု ၄ လပိုင်းမှာ ဝမ်းဗိုက်နဲ့ကျောက်ကပ်ကို ultrasound ရိုက်ခဲ့ပါတယ်ရှင့်။ သားအိမ်နံရံ thickness က ၂ဝ၁၁ ခုနှစ်ကလိုရှိနေပြန်ပါတယ်ရှင့်။ ပြီးခဲ့တဲ့ ၆ လကျော်ရာသီမလာခဲ့ပါ။ ယခုလမှာ ရာသီပြန်လာနေပါတယ်ရှင့်။ ရာသီအရမ်းနည်းပြီး အခုထိမရပ်သေးပါ။ သမီးဘာဆက်လုပ်ရမလဲ ညွှန်ကြားပေးပါဆရာရှင့်။ ကျေးဇူးတင်ပါတယ်ရှင့်။

၃။ ဆရာရှင့် သမီးအစ်မက အသက် ၄၆ နှစ်ရှိပါပြီ။ အပျိုကြီးပါ။ ယခုရာသီလာတာ တလအတွင်း ၂ ခါလာပြီး သွေးအရမ်းဆင်းတဲ့အပြင် ရက်လည်းပိုကြာပါတယ်။ အရင်က ၄ ရက်သာကြာပြီးယခု ၇ ရက်ကြာပါတယ်။ OG နဲ့ သွားပြတော့ ဆေးလည်းထိုးပေး သောက်ဆေးလည်းပေးမှရပ်ပါတယ်။ Ultrasound ရိုက်ကြည့်တော့ သားအိမ်နံရံက ထူနေလို့ ထုတ်ပစ်သင့်တယ်ပြောပါတယ်ဆရာ။ သမီးအစ်မက ခွဲစိတ်ရမှာအရမ်းကြောက်နေပါတယ်။ မထုတ်ပဲထားရင် စိုးရိမ်ရပါသလားဆရာ ကျေးဇူးပြုပြီးဖြေကြားပေးပါဦးဆရာရှင့်။ သမီးရေးတဲ့အထဲမှားတာပါခဲ့လျှင်လည်းခွင့်လွှတ်ပေးပါရှင်။

၎။ ဆရာခင်ဗျား ကျွန်တော့်နာမည်က့့ ပါ။ ကျွန်တော့်အတွက် အရေးကြီးဆုံးဖြတ်ရမယ့် အိမ်ထောင်ရေးကိစ္စတခု ရှိလာလို့ ဆရာ့ဆီက အကြံဥာဏ်ရယူလိုပါတယ်။ ကျွန်တော့်မှာ အိမ်ထောင်ဖက်အဖြစ် ရွေးချယ်ထားတဲ့ချစ်သူရှိပါတယ်။ သူက အသက် ၃ဝ ရှိပါပြီ။ ချစ်သူသက်တမ်း လေးနှစ်နီးပါးရှိပါပြီ။ ဒီသုံးနှစ်အတွင်း ကျွန်တော့်ချစ်သူက ပေါင် ၁၄ဝ အထိ ဝလာပါတယ်။ အဲဒါကြောင့် သူ့ကို ဆေးစစ်ကြည့်ဖို့ အကြံပေးခဲ့ပါတယ်။ ဆေးစစ်ချက်အရ သူမရဲ့ သားအိမ်ဟာ သာမန်ထက် ပိုထူနေတာကြောင့် ဓမ္မတာလည်းမမှန်ပဲ ကိုယ်ဝန်ဆောင်ဖို့ ခက်ခဲနိုင်ကြောင်း၊ အဲဒါကြောင့်လည်း ပိုပြီးဝလာရတာဖြစ်ကြောင်း၊ ဒါ့အပြင် သူမဝလာတဲ့အတွက် အသည်းအဆီဖုံးလည်း ဖြစ်နေတယ်လို့ ဆရာဝန်က ပြောကြောင်းပြောပြီး၊ ကျွန်တော် လက်ထပ်ဖို့ကိစ္စကို ပြန်စဉ်းစားပါလို့ ပြောလာပါတယ်ဆရာ။ ကျွန်တော်ဘာ ဆက်လုပ်သင့်လဲဆရာ။ အိမ်ထောင်ပြုတဲ့အခါ သူ့ရောဂါကြောင့် ကလေးရနိုင် မရနိုင်နဲ့ ရနိုင်ရင် ဘယ်လို ဆောင်ရွက်သင့်လဲ။ သားအိမ်နံရံထူနေတာနဲ့ အသည်းအဆီဖုံးနေတာ နှစ်ခုကို ဘယ်လိုနည်းလမ်းနဲ့ သက်သာ ပျောက်ကင်းအောင် ကုသနိုင်ပါသလဲ။

၅။ ဆရာရှင် အရင်ကသားအိမ်မှာအသားလုံးတည်တယ်ပြောပါတယ်။ ဒါပေမဲ့စိတ်ပူစရာမလိုဘူး 22mm ဆိုတော့ စစ်ကြည့်လို့ အဖြေသိရပါတယ်။ လွန်ခဲ့တဲ့ ၁နှစ်လောက်ကပါ။ အခုနောက်ပိုင်း ဗိုက်အောင့်တာနဲ Ultrasound ရိုက်လိုက်တော့ သားအိမ်မှာ အလုံးလဲမရှိဘူးပြောတယ်ဆရာ။ အသက်ကလည်း ၃၂ ပါ။ အဖြေက သားအိမ်ထူတယ် ကျယ်တယ် ပြောတယ်ဆရာ။ နောက်ပြီး ဆရာမက၂ ကြိမ်တိတိမေးပါတယ်။ အိမ်ထောင်ရှိလား မရှိဘူးဘဲဖြေပါတယ်။ ရာသီလာရက်မှန်ပါတယ်။ သားအိမ်ထူတာဘာဖြစ်တတ်လဲမေးတော့ မသိဘူးတဲ့။ သမီးကအိမ်ထောင်သည်လဲမဟုတ်ဘူး single ကိုထူတယ်ဆိုတော့ မပြောတတ်ဘူးဆိုတဲ့ တိကျတဲ့အဖြေဘဲထွက်လာပါတယ်။ သိချင်တာက ဘာဆိုးကျိုးများ ရှိတတ်လဲဆိုတာပါ စိတ်ပူလို့ပါဆရာ။ ဆေးကုလို့ရောပျောက်နိုင်ပါသလား။ တချို့က ကလေးမရတတ်ဘူးလို့လဲ ပြောကြပါတယ်ဆရာ။

၆။ ဆရာရှင့် လေးစားစွာဖြင့်စာရေးလိုက်ပါတယ်။ ဆရာ့စာတွေမပြတ်ဖတ်ပါတယ်။ ဗဟုသုတတိုးရ၍ေက်းဇူးအထူးပါ။ ဆရာရှင့် သားအိမ်ထူတဲ့အကြောင်းကို ရှင်းပြပေးစေလိုပါတယ်ရှင်။ ကျေးဇူးတင်ပါတယ်။

၇။ သမီးကို OG က အာလ်ထွာဆောင်း ရိုက်တဲ့အဖြေမှာ Endometrial wall thickness = 7.6mm ဖြစ်လို့ သားအိမ်ထူတယ်တဲ့။ သားအိမ်ခြစ်မှကလေးရနိင်မယ်တဲ့။ မခြစ်ဘဲနဲ့ ဆေးတွေဘာတွေသောက်လို့ရလားဆိုတော့ မရဘူးတဲ့။ သားအိမ်ခြစ်ခြင်းရဲ့ကောင်းကျိုးဆိုးကျိုးကိုလည်းရှင်းပြပါပေးပါဆရာ။ ခြစ်သင့် မခြစ်သင့် အကြံပေးပါဆရာ။

Endometrial hyperplasia သားအိမ်အတွင်းဆုံးလွှာ ထူနေခြင်းဟာ ပုံမှန်မဟုတ်ပါ။ သူ့မှာရှိတဲ့ (ဂလင်း) ခေါ်အိတ်တွေက ရှိသင့်တာထက် များနေမယ်။ အရွယ်ရောက်စ မိန်းကလေးတွေမှာနဲ့ သွေးဆုံးကာနီး အမျိုးသမီးကြီးတွေမှာ ဖြစ်ကြတယ်။ များသောအားဖြင့် အန္တရာယ်မဖြစ်စေပါ။

အနုကြည့်မှန်ဘီလူးနဲ့စစ်ဆေးရင် ပုံမှန်မဟုတ်တဲ့ဆဲလ်တွေရဲ့ နူကလီယပ်စ်တွေက မူမှန်မဟုတ်တာတွေ့နိုင်တယ်။ Atypical adenomatous hyperplasia ဖြစ်နေရင်တော့ ကင်ဆာမဖြစ်ခင်အဆင့်လို့သတ်မှတ်တယ်။ Endometrial cancer သားအိမ်ကင်ဆာကို ၁ဝ-၂ဝ% ပြောင်းလာတတ်တယ်။ ဒါပေမဲ့ ဟော်မုန်းဆေးနဲ့ ခွဲစိတ်ကုသမှုတွေကနေ ကင်ဆာကို တားနိုင်တာများတယ်။

ဘာလို့ဖြစ်ပါသလဲ
• Estrogen (အီစထိုဂျင်) ဟော်မုန်းများနေခြင်း၊ အသက်မကြီးသေးသူတွေမှာဖြစ်တယ်။
• Estrogen replacement therapy သွေးဆုံးသူတွေကို ကုသပေးတဲ့ (အီစထိုဂျင်) ဟော်မုန်းကို Progesterone (ပရိုဂျက်စတီရုန်း) ဟော်မုန်းနဲ့ ထိန်ညှိတာလိုခြင်း၊
• ရာသီပေါ်စမိန်းကလေး၊ ရာသီမမှန်တဲ့အမျိုးသမီး။

ဘာတွေခံစားရမလဲ
• ကြားရက်သွေးဆင်းခြင်း၊ သွေးဆုံးပြီးနောက်သွေးပြန်ဆင်းခြင်း၊
• ရာသီဆင်းသွေးများခြင်း၊
• ရာသီဆင်းနေတဲ့ရက်ရှည်ခြင်း၊
• အတူနေရင် မနာသင့်ဘဲနာခြင်း၊
• (ကိုယ်ဝန်မရှိဘဲ) ရာသီမလာခြင်း၊
• ရာသီလာပေမဲ့ မျိုးဥမထွက်ခြင်း။

ဘယ်လိုကာကွယ်မလဲ
• ဖြစ်ချင်တာကိုတော့ ကာကွယ်လို့မရပါ။ ဒါပေမဲ့ ထူးခြားမှုလို့သံသယရှိအမျိုးသမီးတိုင်း စစ်ဆေးမှုခံယူသင့်တယ်။
• သွေးဆုံးသူကို လိုအပ်လို့ ဟော်မုန်းအစားထိုးပေးရင် Progestational agent ကိုပါရောပေးသင့်တယ်။
• ကိုယ်အလေးချိန်များနေသူတွေက လျှော့ချသင့်တယ်။
• ကိုယ်လက်လေ့ကျင့်ခန်းလုပ်သင့်တယ်။
• ကျန်းမာရေးနဲ့ညီညွတ်တဲ့အစားအသောက်ကိုသာ စားသောက်ပါ။

ဘယ်လိုလုပ်ရင် ရောဂါရှိတာသိမလဲ
• Pap smear သားအိမ်အဝကို ကင်ဆာအတွက်စစ်ဆေးတာလုပ်သင့်တယ်။ (စာတပုဒ်ရေးထားပါတယ်။)
• Biopsy of endometrial tissue သားအိမ်အတွင်းဆုံးလွှာကို ဖြစ်ယူစစ်ဆေးခြင်း၊
• Dilatation and curettage (D&C) သားအိမ်အဝကို ချဲ့ပြီး ခြစ်ခြင်း၊
• Ultrasound အာလ်ထွာဆောင်းရိုက်သင့်တယ်၊
• Hysteroscopy ကိရိယာနဲ့စစ်ဆေးခြင်း၊

ဘယ်လိုကုသမလဲ
သွေးမဆုံးသေတဲ့အမျိုးသမီးကို ကိုယ်ဝန်တားစားဆေးဖြစ်ဖြစ်၊ Depo-Provera ကိုယ်ဝန်တားထိုးဆေးဖြစ်ဖြစ်ပေးတယ်။ ဘယ်နှစ်ကြိမ်ထိုးမလဲဆိုတာ တဦးချင်းကို ကြည့်ရတယ်။ အသက်ငယ်ပြီး atypical cell changes မရှိသူဆိုရင် progesterone ဟော်မုန်းတမျိုးပေးပြီး oestrogen ဟော်မုန်းကို မျှစေနိုင်တယ်။ သွေးလည်းဆုံးပြီဆိုရင် ကင်ဆာလည်းမဖြစ်အောင် သားအိမ်ထုတ်တာကောင်းတယ်။ သွေးဆင်းများသူတွေမှာ ကြာလာရင် သွေးအားနည်းတာဖြစ်လာနိုင်တယ်။

ထူနေတာ (၂) မျိုးရှိတယ်။ Atypical changes ဆဲလ်တွေမူမမှန်ဖြစ်တာပါရှိတာနဲ့ အဲလိုမရှိတာ။ ရှိနေရင် တချိန်မှာ သားအိမ်ကင်ဆာဖြစ်လားအထိစဉ်းစားရတယ်။ ၁ဝ-၂ဝ% ရှိနိုင်တယ်။ သွေးဆုံးပြီးချိန်မှာ အလားအလာပိုတယ်။

Endometrial thickness သားအိမ်အတွင်းလွှာ အထူအပါး http://doctortintswe.blogspot.com/2014/12/endometrial-thickness.html

ဒေါက်တာတင့်ဆွေ