Aplastic anemia အေပလပ်စတစ် သွေးအာနည်းရောဂါ

၁။ အသက် ၂၆။ (မ)၊ နေရပ် ရန်ကုန်။ ဆရာရှင့် ကျွန်မအဖေက Aplastic anemia, NHL နဲ့ကွယ်လွန်ပါတယ်။ မျက်စိရှေ့တင် ၉ လပဲခံလို့ သွေးရောဂါဆို ကြောက်လှပါတယ်။ ကျွန်မ သွေးအားနည်းရောဂါဖြစ်မှာကြောက်ပါတယ် ကြိုတင်ကွာကွယ်တဲ့အနေနဲ့ ဖောလစ်အက်စစ် ဒါမှမဟုတ် သံဓါတ်အားဆေးသောက်လို့ရပါလားရှင့်။ နေ့စဉ်အမြဲသောက်ရင်ရော ရပါသလားဆရာ။ ဆရာဝန်နဲ့လဲမပြဖြစ် ဆေးလဲမစစ်ဖြစ်လို့ပါဆရာ။ လမ်းညွှန်ပေးပါဆရာ။ ခေါင်းကိုက်ကိုက်နေရင်တောင် စိုးရိမ်ပါတယ် သွေးအားများနည်းနေလားလို့။ ကျေးဇူးပြု၍လမ်းညွှန်ပေးပါဆရာ။ ဆရာကျန်းမာသက်ရှည်ပါစေ

၂။ ဆရာ သွေးရောဂါအကြောင်းပြောပြပေးပါ။ ကျွန်မတူလေးက Aplastic Anaemia နဲ့ဆုံးသွားတာတလရှိပြီ။ အဲ့ဒီအကြောင်းလေးပြောပြပေးပါ။ ဘယ်ကစဖြစ်တယ်ဘာကြောင့်ဆုံးလဲ။ အသက်ရှစ်နှစ်ပါ။

အေပလပ်စတစ်သွေးအာနည်းရောဂါဆိုတာဆိုးတယ်။ ခန္ဓာကိုယ်ကနေ သွေးနီဥတွေ ဆက်မထုတ်နိုင်တော့တဲ့ရောဂါ ဖြစ်တယ်။ ရှားတယ်။ အရွယ်မရွေးဖြစ်နိုင်တယ်။ ဆေးပေးရမယ်။ သွေးသွင်းရမယ်။ stem cell transplant (စတမ်ဆဲလ်) အစားထိုးရတယ်။ နာတာရှည်ဖြစ်ရာကနေ ရုတ်တရက်ဆိုးလာတတ်တယ်။ အသက်ဆုံးပါးနိုင်တယ်။ ဆောရီး။

ရောဂါရှိနေသူတွေမှာ အားယုတ်မယ်။ အသက်ရှူမဝဖြစ်မယ်။ အသားအရေဖြူဖတ်ဖြူရော်ဖြစ်နေမယ်။ ရောဂါပိုး ခဏခဏဝင်လွယ်မယ်။ သွေးထွက်လွယ်မယ်။ ခေါင်းမူးမယ်။ ခေါင်းကိုက်မယ်။ နှလုံးခုန်မြန်မယ်။ ရောဂါပိုး မကြာခဏ ဝင်လွယ်မယ်။ ထိခိုက်မိရင် သွေးထွက်လွယ်မယ်။ သွေးထွက်ရင် တော်တော်နဲ့ မတိတ်။

လူတိုင်းမှာ ရိုးတွင်းခြင်ဆီထဲက (စတမ်ဆဲလ်) တွေကနေ သွေးဥအမျိုးမျိုးကို ထုတ်ပေးနေတာမှာ ဒီရောဂါကတော့ ရိုးတွင်းခြင်ဆီကနေ မူမမှန်တဲ့သွေးနီဥတွေထုတ်ပေးနေတာဖြစ်တယ်။ ရိုးတွင်းခြင်ဆီပျက်စီးနေမယ်။ သွေးစစ်ရမယ်။ Bone marrow biopsy ရိုးတွင်းခြင်ဆီဖေါက်စစ်ရမယ်။

ဓါတ်ကင်ရသူတွေ၊ ကင်ဆာဆေးပေးထားသူတွေ၊ ဓါတုပစ္စည်းအဆိပ်တွေနဲ့ထိတွေ့ခံရသူတွေ၊ ပိုးသတ်ဆေးတွေလည်း ပါတယ်။ ခုခံအားကမောက်ကမဖြစ်တာ၊ ဗိုင်းရပ်စ်တချို့ကူးစက်တာ၊ ကိုယ်ဝန်ဆောင်တာနဲ့ ဆိုင်တယ်။ ရှားပါတယ်။ ဆေးဝါးတချို့လည်းပါတယ်။ Chloramphenicol ကလိုရမ်ဖီနကောနဲ့ လေးဖက်နာဆေးဖြစ်တဲ့ gold compounds ဆေးတွေ။

Myelodysplastic syndrome ရောဂါနဲ့ရောထွေးတတ်တယ်။

Immunosuppressants ခုခံအာနှိမ်ဆေးတွေလည်းသုံးရတတ်တယ်။ cyclosporine (Gengraf, Neoral, Sandimmune) နဲ့ anti-thymocyte globulin (Thymoglobulin) ဆေးတွေကိုသုံးတယ်။ Corticosteroids (methylprednisolone) ဆေးမျိုးလည်းသုံးရတတ်တယ်။ Bone marrow stimulants ရိုးတွင်းခြင်ဆီကိုသက်ရောက်စေတဲ့ဆေး sargramostim (Leukine), filgrastim (Neupogen) and pegfilgrastim (Neulasta) နဲ့ epoetin alfa (Epogen, Procrit) တွေကိုလည်းသုံးတယ်။

ဆေးမကုဘဲမနေသင့်ပါ။ ဆေးတွေနဲ့ Stem cell transplant နည်းတွေကနေ 5-year survival ကို ၇ဝ% ရှိစေတယ်။ လူနာရဲ့ အသက်အပေါ်မူတည်တယ်။ 5-year survival ၅-နှစ်ကောင်းနှုန်း
• အသက် ၂ဝ အောက် = 82%
• အသက် ၂ဝ-၄ဝ = 72%
• အသက် ၄ဝ အထက် = 50%
• ရောဂါမဆိုးရင် အလိုလိုပျောက်နိုင်သေးပါတယ်။

1. Anemia (အနီးမီးယား) သွေးအားနည်းရောဂါ http://doctortintswe.blogspot.com/2014/11/anemia.html
2. Anemia and low Blood pressure သွေးအားနည်းတာနဲ့ သွေးဖိအားနည်းတာ http://doctortintswe.blogspot.com/2014/11/anemia-and-low-blood-pressure.html
3. Aplastic anemia အေပလပ်စတစ် သွေးအာနည်းရောဂါ http://doctortintswe.blogspot.com/2015/01/aplastic-anemia.html
4. Blood donation rules သွေးလှူခြင်းဥပဒေသများ http://doctortintswe.blogspot.com/2014/11/blood-donation.html
5. Blood donation မြတ်သော နီသော သွေး http://doctortintswe.blogspot.com/2014/10/blood-donation-rules.html
6. Folic acid ဖေါလစ်-အက်စစ် http://doctortintswe.blogspot.com/2014/11/folic-acid.html
7. Iron supplement and Liver diseases သံဓါတ်နဲ့ အသည်းရောဂါ http://doctortintswe.blogspot.com/2014/11/iron-supplement-and-liver-diseases.html
8. Leukemia (လူကီးမီးယား) သွေးကင်ဆာ http://doctortintswe.blogspot.com/2015/01/leukemia.html
9. Low white blood cell count သွေးဖြူဥနည်းခြင်း http://doctortintswe.blogspot.com/2014/10/low-white-blood-cell-count.html
10. Petechiae သွေးခြည်ဥ http://doctortintswe.blogspot.com/2014/12/petechiae.html
11. Thrombocytopenia သွေးမှုံအရေအတွက် နည်းနေခြင်း http://doctortintswe.blogspot.com/2015/01/thrombocytopenia.html

ဒေါက်တာတင့်ဆွေ
၁၁-၆-၂ဝ၁၆
၁၄-၅-၂ဝ၁၇