Loss of smell နှာခေါင်းက အနံ့မရ ဘာလုပ်ပါ့မလဲ

၁။ တခါမှမမေးဖူးလို့အမှားပါရင်ခွင့်လွှတ်ပါဆရာ ကျမ နှာခေါင်းကအနံ့တွေ မနံ့လို့ ဘယ်လိုလုပ်ရမှန်းမသိလို့ပါ ကျမအသက်က ၄၃နှစ်ပါ ကန်တော့ပါဆရာ ရာသီကလဲမလာတာ ၄လလောက်ရှိပြီ  အရင်လတွေကလဲ မမှန်ပါဘူးဆရာ အားဆေးသောက်ရမယ်ဆိုရင်လဲ သောက်ဆေးလေးပြောပြပေးပါဆရာ သားသမီးသုံးယောက်ရှိပါတယ်ရှင်

၂။ ဆရာ ကျွန်တော် အနံ့မရတာ ၄ရက်လောက်ရှိပြီဆရာ။ အနံဆိုးတခုကိုပဲ တချက်ချက်ရရနေတယ်ဆရာ။ ဘယ်လိုရောဂါလက္ခဏာများရှိလို့ပါလဲဆရာ။

အသက် မသိပါ။

၃။ မင်္ဂလာပါဆရာ သမီးသိချင်တာလေးတခုလောက်မေးချင်လို့ပါ။ သမီးနှာခေါင်းက အနံရချင်တဲ့အခါရတယ် မရချင်တဲ့အခါလဲ မဘူးရှင့်။ ခုဆိုရင် အနံမရတာ ၁၀ လလောက်ရှိနေလောက်ပြီ။ ဆေးခန်းပြတာလဲ ပြတာပါပဲ။ ဘာမှ မထူးလာဘူး ဆရာရယ်။ ဆရာအချိန်လေးရမယ်ဆိုရင် ကျေးဇူးပြုပြီးသမီးကို ဆေးနည်းလေးပြောပြချင်ပါတယ်။ ကျေးဇူးတင်လျှက်ပါဆရာ။

မေးနည်းစည်းကမ်း ပို့လိုက်ပါတယ်။

ဟုတ်ကဲ့ မင်္ဂလာပါ ကျမကအိမ်တောင်ရှင် ကလေး ၃ ယောက် မိခင်ဖြစ်ပါတယ်။ အသက်က ၄၁ နှစ်ပါ။ ကလေး အငယ်ဆုံးက ၈ နှစ်ပါ။ ခရီးလွန်နေလို့ ဆေးမှတ်တမ်း မထည့်တတ်တာပါ။ ဆရာ သက်ရှည်ကျန်းမာပါစေ။

၎။ မင်္ဂလာပါဆရာ။ သမီးက ငယ်ငယ်ထဲက အနံ့မသိပါဘူး။ အနံ့ဆိုတာ ပန်းရနံ့ ရေမွှေးရနံ့ စသည်ဖြင့် ဘာအနံ့မှကိုမှ မသိပါဘူးဆရာ။ ဆိုးဆိုးဝါးဝါးညော်နံ့ဆိုရင်တော့သိပါတယ်ဆရာ။ ငရုပ်သီးကြော်လို့ ညော်တဲ့အနံ့ကိုတော့ သိပါတယ်ဆရာ။ ကျန်တဲ့ညော်နံ့ဆိုရင်တော့ ညော်နံ့ကိုတော့သိတယ်။ ဒါမဲ့ ဘာညော်နံ့လဲဆိုတာမသိပါဘူးဆရာ။ ဆရာသမီးကို အဲ့ဒါဘာရောဂါလဲဆိုတာ ဖြေပေးပါအုန်းနော်။ (အသက် စတာ မပြောတဲ့မေးခွန်း)

၅။ ဆရာ သမီးနှာခေါင်း အနံ့မရတာ ၃ နှစ်ခွဲလောက်ရှိပါပြီ။ တခါတလေ လှုပ်ရှားလို့ ချွေးအရမ်းထွက်ပြီး အနံ့ခဏလေး ရတတ်ပါတယ်။ ခေါင်းကိုက်တာ ခံတွင်းပျက်တာမျိုးလည်းမဖြစ်ပါဘူး။ Weight က ၁၆၄ ပေါင်၊ အရပ်က ၅ ပေ၂ လက်မ ရှိပါတယ်။ အနံ့မရတာကြာလာတော့ ဘာရောဂါတွေဖြစ်လာမလည်းလို့ စိုးရိမ်မိပါတယ်ဆရာ။ အငန်ဓာတ် လုံးဝမစားပါဘူး။ စားမိတာနဲ့ ခေါင်းအုံပါတယ်ဆရာ။ ဘယ်လို နေထိုင်စားသောက်ရမလည်း ဘာရောဂါတွေ ဖြစ်လာနိုင်လည်း ကျေးဇူးပြုပြီး လမ်းညွှန်ပေးပါဆရာ။ (အသက် စတာ မပြောတဲ့မေးခွန်း)

၆။ ဟိုနေ့ကလည်း ခေါင်းကို CT Scean ဆွဲတယ်။ ဘာမှတော့တွေ့ဘူးလို့ ပြောပါတယ်။ ဒါပေမယ့် အနံ့ကတော့ မရသေးလို့ အဲ့ဆေးတွေပေးပြီးနောက် ၄ လ ပြန်ချိန်းလိုက်ပါတယ်ရှင်။ (အသက် စတာ မပြောတဲ့မေးခွန်း)

၇။ မင်္ဂလာပါ ဆရာ။ ကျွန်တော်အသက် ၂၇ နှစ်ပါ နှာခေါင်းကအနံ့မရတာ သုံးနှစ်ရှိပြီ မည်သည့်အနံ့ကိုမျှမရတာပါ ဘယ်လိုလုပ်သင့်လဲ ဆရာ။

နှာခေါင်းကအနံ့မရတာဟာ အများဆုံးက နှာခေါင်းနဲ့ဆိုင်တဲ့နေရာလေးတွေမှာ Nasal congestion ခေါ်တဲ့ ပိတ်ဆို့မှုကနေ ဆက်တာပါ။ ဖုံးထားတဲ့အလွှာလေးတွေ ရောက်ရမ်းပြီး သွေးကြောလေးတွေ ပိုများရာက နေဆက်တာဖြစ်တယ်။ အနံ့ဖြစ်လို့ အာရုံကြောလက္ခဏာဖြစ်တယ်။ ဆေးစာလို ပိတ်တာကို နှာခေါင်းပိတ်တာနဲ့ အနံ့မရတာကို Anosmia လို့ ခေါ်တယ်။ အလာဂျီရတာကနေ အများဆုံး ဖြစ်ပါတယ်။ အသက်ရှူလမ်းအထက်ပိုင်း ပိုးဝင်တာကနေလဲ ဖြစ်ပါသေးတယ်။ အအေးမိတာ၊ Rhinitis နဲ့ Sinusitis ဆိုင်းနပ်စ်ရောင်တာ၊ တုပ်ကွေး စတာတွေကို ပြောတာပါ။ ဗက်တီးရီးယား၊ ဗိုင်းရပ်စ်နဲ့ ဖန်းဂတ်စ် ပိုးမျိုးစုံကနေဖြစ်စေနိုင်တယ်။

နောက်ပြီး Nasal polyps နှာခေါင်းထဲမှာ အလုံးလေးဖြစ်တာ၊ Nasal deformities နှာခေါင်းပုံပန်းမမှန်ဖြစ်တာ၊ Nasal tumors အကျိတ်အလုံး ကင်ဆာဖြစ်တာတွေကလဲ အနံ့မရဖြစ်စေတယ် ဦးနှောက်ရောဂါတချို့ကနေလဲဖြစ်တယ်။ ဥပမာ Brain aneurysm သွေးကြောဖေါင်းတာ နဲ့ Tumor အကျိတ်။ Stroke ဦးနှောက်သွေးကြောမတော်တဆဖြစ်ရင်လဲ နှာခေါင်းအနံ့မရဖြစ်တာခံစားရနိုင်တယ်။ အသက်ကြီးဆာ၊ Alzheimer’s disease အယ်လ်ဇာမိုင်ယားရောဂါ၊ ဓါတုဆေးတွေနဲ့ ထိတွေ့မိတာ၊ တချို့ဆေးတွေ သွေးတိုးကျဆေးရဲ့ ဘေးထွက်-ဆိုးကျိုး၊ ဓါတ်ကင်တာတွေကြောင့်လဲ အနံ့မရ ဖြစ်လာနိုင်တယ်။ ဇင့် သွပ်ဓါတ်နည်းရင်လဲ ဖြစ်နိုင်တယ်။

အကြောင်းရင်းတွေကို ကုသဘို့ကမဌမဖြစ်တယ်။ အအေးမိရာကနေ၊ အလာဂျီရတာကနေဖြစ်တာဆိုရင် Prednisone သောက်ဆေးကို ဆေးပါတ်လည်အောင် တိတိကျကျပေးတယ်။ စားဆေးပေးပြီးနောက်မှာ Topical glucocorticoid nasal spray ဒီဆေးအမျိုးအစားကိုဘဲ နှာခေါင်းထဲပန်းဆေးသုံးတယ်။ Nasal steroid sprays စတီရွိုက် နှာခေါင်းထဲ ထည့်တဲ့ဆေးတွေကတော့ Ffluticasone propionate (Flonase), Mometasone (Nasonex), Budesonide (Rhinocort Aqua), Flunisolide (Nasarel), Triamcinolone (Nasacort AQ), Beclomethasone (Beconase AQ) နဲ့ Fluticasone furoate (Veramyst) စတဲ့နာမည်တွေနဲ့လာတယ်။

ပုံထဲကပြထားတဲ့ဆေးကို Avamys nasal spray ခေါ်တယ်။ Fluticasone furoate ဆေးပါတယ်။ Corticosteroid စတီရွိုက်ဆေးအမျိုးအစားဖြစ်ပါတယ်။ နှာခေါင်းအတွင်းမှာ ဖုံးထားတဲ့အလွှာလေးမှာ ရောင်ရမ်းလာတာကို သက်သာစေမယ်။ Allergic rhinitis အလာဂျီရလို့ နှာခေါင်းမှာဖြစ်လာတာကို သက်သာစေမယ်။ အသက် ၁၂ နှစ် အထက်လူတွေကို တခါသုံးရင် ၂ ချက်ပန်းပါ၊ တနေ့မှာ ၂ ခါ၊ အချိန်တိုမှာသုံးပါ။ သက်သာလာရင် တနေ့ ၁ ခါသာ သုံးပါ။ ရေရှည်မသုံးပါနဲ့။

ဒေါက်တာတင့်ဆွေ