Coronavirus ခြေရာခံခြင်း
Sherlock Holmes ရှားလော့ဟုမ်း စုံထောက်ဇာတ်လမ်းတွေကို ဗြိတိသျှစာရေးဆရာ Sir Arthur Conan Doyle အာသာ ကွန်နင်ဒွိုင်လ် က ရေးခဲ့တယ်။ စူးစမ်းလေ့လာမှု၊ ခြေရာခံခြင်း၊ ဆွဲထုတ်ယူနည်း၊ မှုခင်းဆေးပညာ၊ ယုတ္တဗေဒတွေကို အခြေပြုရေးသားတယ်။ ၁၈၈၇ ခုမှာ A Study in Scarlet ကိုစရေးတယ်။ အဲဒီအချိန်က မြန်မာပြည်ဟာ ဗြိတိသျှ ကိုလိုနီဖြစ်တာ ၂ နှစ်သာကြာသေးတယ်။
ရွှေဥဒေါင်းက ၁၉၁၇ ကတည်းက သူရိယမဂ္ဂဇင်းမှာ မြန်မာဘာသာပြန် စရေးပါတယ်။ ကိုလိုနီခေတ်မှာ။ စုံထောက် ဦးစံရှားလို့ အမည်ပေးတယ်။ ဦးစံရှားရဲ့လက်ထောက်က ဦးသိန်းမောင်။ မူရင်းဝတ္ထုထဲမှာ Dr. John H. Watson ဒေါက်တာဝတ်ဆင်။ တကယ်တော့ မိတ်ဆွေ (ဖရင်း မဟုတ်) နဲ့ ဘိုင်အိုဂရပ်ဖါ ခေါ် ဇာတ်ကြောင်းပြန်သူ။ လန်ဒန်မြို့ကို အခြေပြုရေးပါတယ်။
ရွှေဥဒေါင်းဘာသာပြန်တွေက အလွန်လူကြိုက်များတယ်။ နောက်မှာ ကာတွန်းအောင်ရှိန်က ဦးရှံစားနဲ့ ဦးဒိန်းဒေါင် အမည်နဲ့ ကာတွန်းရေးတာလည်း အလွန်လူကြိုက်များတယ်။
ဘယ်အရာမဆို စူးစမ်းလေ့လာမှု၊ ခြေရာခံခြင်း၊ ဆွဲထုတ်ယူနည်း၊ မှုခင်းဆေးပညာ၊ ယုတ္တဗေဒတွေကို အခြေပြုမှသာ အမှန်ပေါ်ပေါက်တယ်။ ဖရင်းခေတ်မှာတော့ ဦးတဲ့သူက ကြုံသလိုရေးကြတယ်။ လိုက်ခ် များတယ်။
ဒေါက်တာတင့်ဆွေ
၂-၄-၂၀၂၀
ပုံအတွက် ကျေးဇူး။
Comments
Post a Comment