သိခွင့်ရတာ အကျိုးရှိတယ်
ဖျက်နည်း ဖျက်ဆေး ဘယ်သူမေးမေး မဖြေပါအောက်မှာ ကွန်မင့် ၂ ခုလာတယ်။
၁။ ရိုင်းလိုက်တာ။ လုံးဝ မမေးသင့်ပါ။
၂။ မေးရက်လိုက်ကြတာ
ကျွန်တော့်ကိုမေးတာ အကြောင်း မဟုတ်ပါ။ ကိုယ်ဝန်ဖျက်နည်းကို မဖြေပေမဲ့ မေးလို့ ကျေးဇူးတင်ရသေးတယ်။ ကိုယ်ဝန်ဖျက်ချင်တဲ့မေးခွန်း မလာတဲ့နေ့ ရှားတယ်။ ကိုယ့်တိုင်းပြည်မှာ တကယ်ဖြစ်နေတဲ့ ကျန်းမာရေးနဲ့ လူမှုရေး အခြေအနေကို အမှန်အတိုင်းသိခွင့်ရတယ်။
ယောက်ျားတွေ အင်္ဂါကိုဆေးထိုးပြီး ဒုက္ခရောက်မှ မေးတာလည်း မနည်းလှပါ။ တကယ်ဖြစ်နေတဲ့ လူမှုရေးအခြေအနေကို အမှန်အတိုင်းသိခွင့်ရတယ်။
သတ်ပုံမှားရေးတာတွေလည်း အကျိုးရစေပါသေးတယ်။ ကိုယ့်လူမျိုးတွေရဲ့ ပညာတတ်မြောက်မှုနဲ့ စာအရေးအသား အလေးထားမှု အတိုင်းအတာကို သိခွင့်ရတယ်။
ကျွန်တော်က အဲလိုအထောက်အထားတွေရှိမှသာ မှတ်ချက်ပေး၊ ကောက်ချက် ရေးပါတယ်။
ဖျက်နည်းမေးတာ
အင်္ဂါဆေးထိုးတာ
သတ်ပုံမှားတာတွေ
သိခွင့်ရခြင်းဟာ အကျိုးရှိတယ်
ဒေါက်တာတင့်ဆွေ
၁၁-၇-၂၀၂၀
Comments
Post a Comment