အသားစားလို့ သန်ထတယ်ဆိုတာ မှားတယ်

(ကန်တော့)

ဆရာရှင့် ကျွန်မက အသက်၃၁ ၂လသား ရဲ့ နို့တိုက်မိခင်ပါ။ အသားငါး စားပါများလို့လားမသိပါ။ တုတ်ထိုး နေပါတယ်။ နေရထိုင်ရခက်လို့ သန်ချဆေး သောက်ချင်လို့ပါရှင့်။ ကလေးက ငယ်တော့ သောက်လို့ရပါမလားရှင့်။ နို့တိုက်မိခင် သောက်တဲ့ တားဆေးတော့ သောက်နေပါတယ်။ သောက်လို့ရမယ် သန်ချဆေး နာမည်လေး ညွှန်ပေးပါဦး ဆရာ။ 

သန်ကောင်ဆိုတာ ပါးစပ်ကနေဝင်တယ်။ သန်ဥပါတာကို မသိပဲစားသောက်မိလို့ ကူးစက်တယ်။ သန်ဥက အလွန်သေးလို့ မျက်စိနဲ့ မမြင်နိုင်။ သန်ကောင်ရှိနေသူစွန့်တဲ့ အညစ်အကြေးထဲမှာ သန်ဥတွေပါနေတယ်။ အဲတာတွေက လူ့ကိုယ်ထဲကို နည်းမျိုးစုံနဲ့ရောက်နိုင်တယ်။ သန်ဥပါနေမှန်းမသိတဲ့ အစားအစာစာလို့ဖြစ်တယ်။ သန်ဥပါနေမှန်းမသိတဲ့ အစားအစာစာ ဆိုတာ အသားငါးသာမဟုတ်။ ဘယ်အစားအစာမဆို ပါနေနိုင်တယ်။ အညစ်အကြေးစွန့်စနစ် မကောင်းတဲ့ နေရာတွေမှာ မြေကြီးထဲမှာ သန်ဥတွေရှိနေနိုင်တယ်။ မြေမှာစိုက်ပျိုးတဲ့ အသီးအနှံတွေမှာ သန်ဥတွေ ပါနေနိုင်တယ်။ ကလေးမိခင် ကလေးထိန်းလက်မှာ သန်ဥတွေ ပါနေနိုင်တယ်။

အသားစားလို့ သန်ထတယ်ဆိုတာ မှားတယ်။ လက်ကို မကြာမကြာဆေးပါလေ။

သန်ကောင်အမျိုးမျိုး ရှိတယ်။ အများဆုံးဖြစ်တာက သန်လုံးကောင် နဲ့ ပင်အပ်ပုံသန်ကောင်တွေဖြစ်တယ်။ အမျိုးမတူရင် ဆေးပေးတာလဲ မတူပါ။ အများဆုံးဖြစ်တာအတွက် တကြိမ်တည်းနဲ့ပြီးတယ်။ တချို့ကို ၂ ပါတ်အကြာမှာ တခါ သောက်ရတယ်။ ပဌမအကြိမ်တုံးက ဥအနေနဲ့ ရှိနေခဲ့တာတွေ အကောင်ဖြစ်လာချိန်မှာ တခါထပ်သန်ချရတာပါ။ ၂ နှစ် အောက်ကို ဆေးတဝက်၊ ၂ နှစ်အထက် ဘယ်လောက်အသက်ကြီးကြီး ဆေးတလုံးသောက်ရတယ်။ ဆေးပြား၊ ဝါးစားရတဲ့ဆေးပြား၊ ဆေးရည်လာတယ်။ တိရစ္ဆာန်သုံးသန်ချဆေးလည်း ရှိတယ်။

Albendazole and Mebendazole during Pregnancy သန်ချဆေးနှင့် ကိုယ်ဝန် https://doctortintswe.blogspot.com/2019/07/albendazole_26.html

Helminths သန်ကောင်တွေ https://doctortintswe.blogspot.com/2019/03/helminths.html

Albendazole သန်ချဆေးလို့ ရေးသင့်တယ် https://doctortintswe.blogspot.com/2019/01/albendazole.html

Albendazole သန်ချဆေး https://doctortintswe.blogspot.com/2018/09/albendazole.html

အသားစားလို့ သန်ထတယ်ဆိုတာ မှားတယ်။ လက်ကို မကြာမကြာဆေးပါလေ။

ဒေါက်တာတင့်ဆွေ

၁၆-၈-၂၀၂၀