သ နှင့် ဿ
ကျေးဇူး။ ပို့ပေးတဲ့ သတ်ပုံအမှားပုံကို မတင်တော့ပါ။
၂။ ဆရာမကိုယ်တိုင်ရေးထားတာ ဒဿမတန်း၊ ကျမတို့လဲ အသံထွက်နေတာ ဒတ်သမတန်းလို့ပါဆရာ။ အဲဒါလေး သိပါရစေဆရာ။
ဒသ = တဆယ်၊ ဆယ်ခု။
ဒသ = မြင်ခြင်း။ မြင်သည်။
ဒဿ = လကွယ်နေ့
ဒဿန = မြင်ခြင်း။ ကြည့်ခြင်း။ ဖူးမြင်ခြင်း။သိမြင်ခြင်း။ မြင်အပ်သောရူပါရုံ။ မြင်တွေ့ခြင်း။ မျက်စိအမြင်။
ဿအသုံးများ
ဒဿဂီရိ (ရာမဇာတ်တော်)၊
ဒဿန = မြင်ခြင်း၊ ကြည့်ခြင်း၊ ရှုခြင်း၊
ပိဿာ (အလေးချိန်)၊
ဗိဿဏိုး (မြန်မာ့စွယ်စုံကျမ်း)။
ပြဿာဒ်ဘုံဆောင်
သုဿန်သင်းချိုင်း
ပေါရိဿာဒ်
ဒကာခံသည်
ဒကာဒကာမ
ဒယိမ်းဒယိုင်သွားသည်
ဒယီးဒယိုင်သွားသည်
ဒရယ်သမင်
ဒလက်လည်သည်
ဒလန် (အလံရှူး)
ဒလဟောဆင်းသည်
ဒသ = ဆယ်ခု၊
ဒသ = မြင်ခြင်း၊ မြင်သည်၊
ဒသန = သွား
ဒသမ = ဆယ်ခုမြောက်၊
ဒသမတန်း (ဆယ်တန်း)
ဒဟတ်ပင် (ဒဟပ်ပင်)
ဒရောမျောပါးလုပ်သည်
ဒရောသောပါးလုပ်သည်
ကျောင်းသုံးစာအုပ်ထဲမှာ အဲလို ဝိဝါဒကွဲစေနိုင်တဲ့ စကားလုံးမျိုး ထည့်သုံးမယ်ဆိုရင် ရှင်းလင်းချက်ပါ တိတိကျကျ ထည့်ရေးသင့်တယ်။ မြန်မာစာသင်ပေးကြရတဲ့ဆရာဆရာမတွေပါ သို့လောသို့လောဖြစ်စေနိုင်တယ်။ မြန်မာစာ ရယ်စရာမဖြစ်သင့်။
ဒေါက်တာတင့်ဆွေ
၁၆-၈-၂၀၂၀
Comments
Post a Comment