Ovulation and Pregnancy tests ကိုယ်ဝန်စစ်ခြင်း မျိုးဥစစ်ခြင်း

ဆရာသမီးမေးစရာလေးရှိလို့ပါ။ ဘယ်ကမေးရမှန်းမသိလို့ comment ကဘဲ မေးပါရစေနော်။ သမီးအသက် ၂၆ နှစ်ပါ။ အိမ်ထောင်သက် တစ်နှစ်နဲ့ ၂ လရှိပါပြီ။ တားဆေးတစ်လဘဲ သောက်ဖူးပါတယ်။ ကလေးလိုချင်လို့ OG နဲ့ပြပြီး မျိုးဥကြွေဆေး သောက်ခိုင်းလို့ သောက်ပြီး သူတွက်ပေးတဲ့ရက်မှာလည်း အတူနေဖြစ်ပါတယ်။ အခုရာသီလာမဲ့ရက် ကျော်သွားတာ ၁၂ ရက်ရှိပါပြီ။ ဆီးစစ်တာနဲ့စစ်တော့လည်း တကြောင်းပဲပေါ်ပါတယ်။ မျိူးဥကြွေမကြွေစစ်တော့ နှစ်ကြောင်းပေါ်နေတယ်ဆရာ။ အဲတာဘာဖြစ်လို့ပါလဲ။

LH ဆိုတာ မျိုးထွက်-မထွက် ဟော်မုန်းကိုစစ်တာဖြစ်တယ်။ LH Surge ဟော်မုန်း များလာတဲ့အချက်ကို စမ်းရတာဖြစ်တယ်။ ကိုယ်ဝန်စစ်တာက LH မဟုတ်ပါ။

Ovulation monitors မျိုးဥကြွေခြင်းစောင့်ကြည့်စရာခေါ်တဲ့ ovulation predictor kits စမ်းသပ်စရာကနေ လစဉ်မျိုးဥ ထွက်တယ်-မထွက်ဘူးကို သိနိုင်တဲ့စမ်းသပ်နည်းဖြစ်တယ်။ အပေါင်းပြတယ်ဆိုတာ မျိုးဥထွက်စရာအကြောင်းရှိတယ်လို့ ဖြစ်တယ်။ မျိုးဥထွက်မှသာ ကိုယ်ဝန်ဆောင်နိုင်မယ်။

Basal thermometer ကိုယ်ပူချိန်တိုင်းနည်းက မျိုးဥထွက်ပြီးဆိုတာကိုပြတယ်။
မျိုးဥအတွက်ဆီးစစ်တာဆိုရင် ၅ မိနစ်စောင့်ရမယ်။ အရောင်ယှဉ်ကြည့်ရတယ်။ အရောင် အနု-အရင့်ကိုကြည့်ရတာ ဖြစ်တယ်။

မျိုးဥစစ်တာမှာ ယှဉ်ကြည့်စရာလိုင်းနဲ့ နောက်ပေါ်လာမယ့်လိုင်းကို ယှဉ်ကြည့်ရတယ်။ နောက်ပေါ်လိုင်းက ရှိပြီးသာလိုင်းလို အရောင်တူရင် ဒါမှမဟုတ် အရောင်ရင့်ရင် ( + ) ဖြစ်တယ်။ အဲလိုမဟုတ်ရင် (မပေါ်ရင်၊ အရောင်နုရင်) ( - ) ဖြစ်တယ်။
ကိုယ်ဝန်ကိုစစ်တာမှာ အသစ်ပေါ်တဲ့မျဉ်းက မှိန်တာဖြစ်ဖြစ် ထင်ရှားတာဖြစ်ဖြစ် ( + ) ဖြစ်တယ်။ တကြောင်းတည်းသာ ပြရင် အနုတ် (ကိုယ်ဝန်မရှိ) ဖြစ်တယ်။

ကိုယ်ဝန်စရှိကတည်းက ( + )ပြမယ်။ ကိုယ်ဝန်ပျက်လည်း ( + ) ပြမယ်။ ကိုယ်ဝန်ဖျက်လည်း ( + ) ပြမယ်။ ဟော်မုန်းနည်းချိန်ကျမှသာ ( - ) ပြမယ်။ ဘယ်တော့လဲမေးရင် တယောက်နဲ့တယောက် မူတပါ။ ကိုယ်ဝန်ရင့်မှ ပျက်-ဖျက်ရင် ကြာကြာစောင့်မှသာ ( - ) ပြပါမယ်။

Pregnancy test ကိုယ်ဝန် ရှိ-မရှိ စမ်းသပ်နည်း http://doctortintswe.blogspot.com/2015/…/pregnancy-test.html
Ovulation test မျိုးဥ ထွက်-မထွက် စမ်းနည်း http://doctortintswe.blogspot.com/2014/…/ovulation-test.html

Dr. တင့်ဆွေ
၁၃-၅-၂ဝ၁၅
၁၃-၅-၂ဝ၁၇