ကနေကြသော ဆရာမများသို့
ဟိုတနေ့ဓါတ်ပုံထဲက ဆရာဆရာမတွေလားတော့ မသိပါ။
သင်္ကြန်မတိုင်ခင် ကလေး အမေတယောက်က ကလေးနေမကောင်းလို့ မေးတယ်။ သင်္ကြန်လည်း နီးပြီဆရာ ဘယ်လိုလုပ်ကမလဲတဲ့။ ကလေးချီထားပြီးကပါလို့ ဖြေလိုက်ချင်မိတယ်။ သားချော့တီးလုံးဆိုတာရှိတယ်။
မြန်မာသဒ္ဒါမှာ နာမ်ဝိဘတ်နဲ့ ကြိယာဝိဘတ်ရှိတယ်။
နာမ်ဝိဘတ် ၁၇ မျိုးရှိတယ်။
• သည်၊ က၊ မှာ = ကတ္တားဝိဘတ်
• ကို = ကံဝိဘတ်
• မှ၊ က = ထွက်ခွါရာပြဝိဘတ်
• သို့ = ရှေ့ရှုရာပြဝိဘတ်
• သို့၊ ထိ၊ အထိ၊ ထိအောင်၊ တိုင်အောင် = ဆိုက်ရောက်ရာပြဝိဘတ်
• ဖြင့်၊ နှင့် = အသုံးခံပြဝိဘတ်
• ကြောင့်၊ ဖြင့် = အကြောင်းပြဝိဘတ်
• အား = လက်ခံပြဝိဘတ်
• ၌၊ မှာ၊ တွင်၊ ဝယ်၊ က = အချိန်ပြဝိဘတ် + နေရာပြဝိဘတ်
• ၏ = ပိုင်ဆိုင်ခြင်းပြဝိဘတ်
• အလိုက်၊ အရ၊ အတိုင်း၊ အလျောက်၊ အားလျော်စွာ၊ နှင့်အညီ၊ နှင့်အမျှ = လိုက်လျောပြဝိဘတ်
• နှင့်၊ နှင့်တကွ၊ နှင့်အတူ = ယှဉ်တွဲပြဝိဘတ်
• တွင်၊ အနက်၊ အထဲမှ၊ အထဲမှာ = ခွဲထုတ်ရာပြဝိဘတ်
• ငှာ၊ အလို့ငှာ၊ ဖို့၊ အဖို့၊ အတွက် = ရည်စူးချက်ပြဝိဘတ်
• တိုင်တိုင်၊ တိုင်အောင် = နေရာဆက်ပြဝိဘတ်
• တိုင်တိုင်၊ တိုင်အောင်၊ ပတ်လုံး၊ လုံးလုံး = အချိန်ဆက်ပြဝိဘတ်
က = ကတ္တားဝိဘတ် + ထွက်ခွါရာပြဝိဘတ် + အချိန်ပြဝိဘတ် + နေရာပြဝိဘတ်
မှ = ထွက်ခွါရာပြဝိဘတ်
သပြေကုန်းရွာက ကြိုဆိုပါ၏ကသာ သဒ္ဒါအရမှန်ပါတယ်။ မှားလေ့ရှိတာဟာ က ကို စကားအသုံးလို့သာ ထင်မှတ်လို့ ဖြစ်ပါမယ်။ အင်္ဂလိပ်လိုရေးတာမှာလည်း Welcome to လို့သာရေးရမှာကို Welcome from လို့မှားတတ်ကြတယ်။
ရ
ကုမာရမင်းသား၊
ဂါရဝတရား၊
ငရမန်၊
ဆုရသည်၊
ဒွါရခြောက်ပါး၊
ပဋိသ္ဓရစကား၊
ပရမတ်၊
မရဏ၊
မရမက
မရမနေ
မိမိရရ၊
ရကန်စပ်နည်း၊
ရကွင်း (အတီးအမှုတ်)၊
ရခိုင်ပြည်နယ်၊
ရဂုံမြိုင်တွင်း တောလုံးလင်းသား၊
ရတက်ပွေ ဖြေမရ၊
ရတနာ၊
ရတနာပုံနေပြည်၊
ရတနာရွှေချိုင့်၊
ရတီ (စိန်ကျောက်)
ရတုပိုဒ်စုံ၊
ရထား၊
ရနံ့ထုံသင်း၊
ရနယ်အခြင်၊
ရမည်းသင်းမြိုရ၊
ရမထာရွှေကြိမ်လုံး၊
ရမ္မက်ကြီး၊
ရမယ်ရှာ၊
ရရှိသည်
ရလဒ်အဖြေ၊
ရသစာပေ၊
ရဟတ်စီး၊
ရဟန်းသံဃာ၊
ရဟိုင်းဈေး၊
ရဟန္တာအရှင်မြတ်၊
ရဝေ (နန်းအိမ်တိုက်နေရာ)၊
ရသေ့၊
လက်ခံရရှိသည်၊
လုပ်ရကိုင်ရ
ဝမ်းသာအားရ၊ နှစ်ထောင်းအားရ၊
ဝိဟာရ၊
သတိရ၊
အစာအာဟာရ၊
အစိုးရ၊
အမှတ်တရ၊
အမိအရ
အသုရကာယ်။
ဥပကာရေက်းဇူး၊
နောင်တရ၊
ပြောရဆိုရ
ပြောရဆိုရ၊
ဝေါဟာရ၊
စာမှာ သဒ္ဒါဆိုတာ အဆောက်အဦတခုရဲ့ အုတ်မြစ်လိုပဲ။ ယိုင်နဲ့လာရင် ပြိုပျက်ကျမယ်။ မြန်မာစာဗိမာန်ကြီး ရေရှည် တည်တန့် ခိုင်မြဲပါစေသတည်း။
ဒေါက်တာတင့်ဆွေ
Comments
Post a Comment