အမည် နာမည် နံမယ်
အရင် နှစ်ခါသုံးခါ ရေးထားတယ်။ သီချင်း၊ ကဗျာ၊ ကာတွန်း၊ ဆောင်ပုဒ်၊ သံချပ်၊ သတင်းတွေမှာ စံကိုက်သတ်ပုံ မဟုတ်တာမျိုး ရေးလေ့ရှိတယ်။ ဟိုအရင်ကတည်းကပါ။
ကနေ့ခေတ်မှာ အမည်၊ နာမည်လို့ရေးကြတယ်။ အဲတာနှစ်ခုလုံး ကျွန်တော့်လက်သုံး သတ်ပုံကျမ်းဟောင်းနှစ်ခုထဲမှာ မပါ။ နာမအနွတ်လို့သာပါတယ်။ တချို့က အမည်နမလို့ စာဆန်ဆန်ရေးတယ်။
ပါဠိအဘိဓါန်မှာ နာမ = အမည်၊ အမည်သညာလို့ရေးတယ်။
စကားမှာတော့ နံမယ်လို့ အသံထွက်ကြတယ်။ စကားပြောစာရေးနည်း တွင်ကျယ်လာရာကနေ ပြောင်းလာတာလည်း ရှိတယ်။
အမည်ကို စွယ်စုံကျမ်းထုတ်ကတည်းက သုံးနေပြီ။ ကျောင်းသုံးဗလာစာအုပ် အဖုံးတွေမှာ အမည်လို့ပုံနှိပ်ထားတယ်။ ယုဒသန်မှာ အမည်၊ နာမ၊ နာမည်လို့ပါတယ်။
အမည်နဲ့ နာမည် မတူပါ။ လူအမည် ဦးဘသည် နာမည်ကောင်းလက်မှတ်ရထားသူဖြစ်၏။
ဒေါက်တာတင့်ဆွေ
၂၄-၅-၂ဝ၁၉
Comments
Post a Comment