ကြာကြာပေါင်းတော့ ကောင်းကောင်းသိ
ကနေ့ အူဘား ခေါ် တက်စီနဲ့ ကျောင်းသွားတယ်။ ကားမောင်သူနဲ့ တလမ်းလုံးစကားပြောတယ်။ သူ့အသံထွက် နားထောင်ပြီး အင်္ဂလိပ်လူမျိုးမဟုတ်ပါလားလို့ တန်းမေးတော့ သူက လန်ဒန် တောင်ဘက်နားလေးကနေလာတာတဲ့။
နှစ်ယောက်လုံးက လူအိုတွေဆိုတော့ စကားပေါကြတယ်။ အမေရိကန်အင်္ဂလိပ်စာနဲ့ ဗြိတိသျှအင်္ဂလိပ်စာ မတူတာလေးတွေ ပြောတယ်။ ပရီမီယာလိခ်ဘောလုံးပွဲကိုတော့ ကိုရွှေဗမာလောက် လန်ဒန်နာက မကြည့်ပါ။
ကျွန်တော် ဘီဘီစီကို စီအင်အင်ထက်ပိုကြည့်ဖြစ်တယ်လို့ပြောတော့ ကောင်းတယ်တဲ့။ သူ နယူးယောက်မှာနေတုန်းက တယောက်နဲ့ မိတ်ဆက်တော့ အင်္ဂလန်ကနေလာတာပါလို့ပြောတဲ့အခါ အင်္ဂလန်က ဘယ်နားမှာလဲလို့ ပြန်မေးပါသတဲ့။
သူက ယူအက်စ်အေမှာနေတာ ၁၅ နှစ်။ ယူအက်စ်အကြောင်း ကျွန်တော့်ထက်ပိုသိတယ်။ ကျွန်တော်က အိန္ဒိယမှာ ၂၄ နှစ်။
မနေ့က ကျားတက်ရွာအမည်ထည့်ရေးတော့ တယောက်က ကျွန်တော် စာရိုက်လွဲတာလို့ ထင်ပြီး ကျောင်းတက်လားတဲ့။ ဂျဒက်လို့ အသံထွက်ပါကြောင်း ပြန်ရေးလိုက်တယ်။ ဒီပဲရင်းကို ဒဗယင်းသံ မှန်အောင် ထွက်တတ်သူ နည်းတယ်။ ကနေ့ နှစ်ပတ်လည်နေ့။
လူတိုင်းဟာ ကိုယ့်ရေအိုင်ထဲမှာတော့ ကိုယ်ဘုရင်ချည်းပဲ။ အပြင်ထွက်ကြည့်သူ နည်းတယ်။
ဒေါက်တာတင့်ဆွေ
၃၀-၅-၂၀၁၉
Comments
Post a Comment