ဆန်ကာတင် ဆန်ခါတင်

ဆရာခင်ဗျား အခုလာတဲ့ အကယ်ဒမီပွဲကြီးမှာ ဆန်ကာတင် လို့ရေးထားတယ်။ ဆန်ခါတင်လို့ ရေးရမယ်လို့ ထင်ပါတယ်။

နောက်ထုတ်သတ်ပုံစာအုပ်မှာ ဆန်ခါချ၊ ဆန်ခါတင်လို့ ရေးတယ်။ အရင်ထုတ်သတ်ပုံကျမ်းတွေမှာ ဆန်ခါတင်ရော ဆန်ကာတင်လို့ပါ တိတိကျကျမပါ။ ဆန်ကာတင်လို့ ရေးတာတွေလည်း ရှိခဲ့တယ်။ အသံထွက်မှာ ဇကာတင် (ဇဂါတင်) လို့ ထွက်ကြတယ်။

ဆန်ကောက အပေါက်မပါတာ၊ ဆန်ခါက အပေါက်ငယ်လေးတွေပါတာ။ အရင်ကတည်းက ဆန်ကာတချပ်၊ ဆန်ခါတချပ် နဲ့ ဇကာတချပ်လို့ ရေးတယ်။

ကာ
ကာကွယ်ရေး
ကာချင်း
ကာချယ်ဆွဲသည်
ကာဆီးသည်
ကာတွန်းရုပ်ပြောင်
ကာဖတ်
ကာဗွန်စက္ကူ
ကာမဂုဏ်
ကာမဘုံ
ကာမရာဂ
ကာမဝိတက်
ကာမအာရုံ
ကာမိန္ဒအမတ်
ကာယကံမြောက်
ကာယဗလ
ကာယသိဒ္ဓိ
ကာယိနြေ္ဒ
ကာပြန်သည်
ကာရံသည်
ကာရန် (ကဗျာ အက္ခရာအဆုံးသရ)
ကာလနဂါး
ကာလအချိန်
ကာလီဒါသ
ကာဘော်လစ်
ဒါယကာ ဒါယိကာမ
ပွတ်ကာသီကာ၊
ပုဆိုးပိုက်ကာ စောင်ပိုက်ကာ
မည်ကာမတ္တ
ပြုတ်လုတဲကာ၊
ဖြစ်ဆန်းကာ၊
ရိပ်ကာသီကာပြော
သွားကာလာကာ
သာမန်ကာလျှံကာ၊
သီကာရီကာ

ခါ
ခါ တိရစာန်
ခါချသည်
ခါချဉ်ထုပ်
ခါချဉ်အုံ
ခါချဉ်ကောင်
ခါတိန်ညင်
ခါပစ်သည်
ခါလည် (အခါလည်)
ခါလည်ခါကျူး
ခါလီဆွဲ
ခါတော်မီ
ဆတ်ဆတ်ခါ
ဆန်ကောဆန်ခါ 
တခါတလေ 
တရံရောအခါ
တလင်းချေးခါ 
ပစ်ပစ်ခါခါ 
ပျိုးချေးခါ 
ဖြူခါစင် 
ဖြူခါပြာခါကျ 
လှုပ်ခါ 
ဝိသာခါ
သာခါ = ပိတ်ချော (အာရတ်စကားကနေလာ)
အခါမလင့်မီ 
အခါသမယ
အချိန်အခါ
အကြိမ်ကြိမ်အခါခါ
ပြောင်တလင်းခါ 
အခါသမယ
ခါချသည်
ခါချဉ်
တခါနှစ်ခါ
အဖိုးအခ
ပြောခဆိုခ
ခါတိမ်ညင်
ခါကီဖျင် (အာရဗီစကား)
ခါသာ ပိတ်ဖြူချော

အရင်ကတော့ ပြည့်ကာနီး၊ သွားကာစ၊ သွားကာနီး၊ သွားကာမှလို့သာ ရေးကြတယ်။ နောက်ပိုင်းမှာ ပြည့်ခါနီး၊ သွားခါစ၊ သွားခါနီး၊ သွားခါမှလို့ ရေးလာကြတယ်။

ဘာသာရေးပို့စ်တခုမှာ သေခါနီး ဝေဒနာအားရှု့မှတ်နည်းလို့ရေးထားတာတွေ့တယ်။ သေကာနီးလို့ ရေးသင့်တယ် ထင်တယ်။ ရှုမှာလည်း (့) မလိုအပ်ပါ။

ပုဆိုးပိုက်ကာ စောင်ပိုက်ကာ သက်ထားပျိုတကယ် ခုပင်လိုက်မယ် (ရွှေနွယ်ရိုးသီချင်း)

ချစ်တော့ချစ်သား လူရိုးပေါ့လေ၊ အိမ်ခေါင်မိုး အိမ်ခေါင်မိုး ရွှေလရောင်ထိုးချိန်မှာ ပုဆိုးပိုက်ကာ စောင်ပိုက်ကာ လိုက်ပါရစေရှင်၊ ရွှေနွယ်ရိုးရယ် မိန်းမက ခိုးသာပါဘူးလေ၊ မှတ်တမ်းချစ်သဲ အမြဲတင်ပါလေ။ (ပျို့မှတ်တမ်းသီချင်း)

ပျို့မှတ်တမ်း - နွဲ့နွဲ့စန်း https://www.youtube.com/watch?v=SsDVOPplGW4

ဒေါက်တာတင့်ဆွေ
၂၃-၃-၂၀၁၉

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး