Tri Color သုံးပန်လှ

မနှစ်က ဒီရက်တွေမှာ နေမကောင်းခဲ့ပါ။ သက်သာလာချိန်မှာ လှဲနေရင်း တီဗွီကြည့်ပါတယ်။ ခဏနေ ကွန်ပြူတာဆီ ပြန်ရောက်လာ၊ မေးတာတွေဖြေ၊ သူများတင်တာတွေ ဖတ်တယ်။ ကနေ့တော့ အိမ့်ရှင်မက တရားဖွင့်ထားလို့ အလုပ်သုံးမျိုးလို့ ပြောရမယ်။

ကျွန်တော်က တပြိုင်နက်တည်းမှာ တခုမကလုပ်တဲ့အကျင့်ကရနေပြီ။ ပြည်တွင်းဆရာဝန်လုပ်ရင်းနဲ့ နိုင်ငံရေးလုပ်။ ပြည်ပမှာ နိုင်ငံရေးလုပ်ရင်းနဲ့ ဒုက္ခသည်ဆေးခန်းဖွင့်တယ်။

နေမကောင်းတော့ မြန်မာပြည်ကုန်းဘောင်ခေတ်နဲ့အပြိုင် အမေရိကန်နိုင်ငံ စတင်ထူထောင်စဉ်က အကြောင်းတွေရိုက်တဲ့ ရုပ်ရှင်တွေ ကြည့်ဖြစ်တယ်။ သေနတ်နဲ့ ဥပဒေကြား အားပြိုင်တဲ့ကာလကပါ။ စာတမ်းထိုးလည်းပါတယ်။ သူတို့လည်း အင်္ဂလိပ်သဒ္ဒါ မှားတာတွေပါတယ်။

ကွန်ပြူတာဆီပြန်လာတော့လည်း သေနတ်နဲ့ ဥပဒေကြားအားပြိုင်တာ ဖတ်ရတယ်။ မေးတာတွေရော တင်ကြတာတွေမှာ မြန်မာသဒ္ဒါနဲ့ သတ်ပုံတွေ မှားတာတွေပါတယ်။

နာရတဲ့တရားထဲမှာ ဇာတ်စနစ်အားကြီးလှတဲ့ဒေသမှာ မြတ်စွာဘုရားက ကြိုးစားချွတ်တဲ့အကြောင်း ပါတယ်။ ကျွန်တော်က အဲဒီဒေသမှာ ၂၄ နှစ်ကြာခဲ့တော့ အခုထိအစွဲကြီးနေကြဆဲလို့ မျက်မြင်ကိုယ်တွေ့သိတယ်။

ကွန်ပြူတာဆီပြန်လာတော့ မြန်မာပြည်မှာ အခုလည်း အစွဲကြီးနေကြဆဲပါလား။

ဒေါက်တာတင့်ဆွေ
၂၈-၃-၂ဝ၁၈
၂၈-၃-၂ဝ၁၉

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး