Demonetizations ကျပ်ငွေ တရားမဝင်ကြေညာခြင်း

တရာတန်ပို့စ်မှာ ၅၀ တန်နဲ့ ၁၀၀ ကျပ်တန်ငွေစက္ကူတွေကို တရားမဝင်ကြေညာချက်ပါ သတင်းစာပုံတင်ခဲ့တယ်။ ပို့စ်အောက်မှာ မေးတယ်။ date ကရောဆရာ တဲ့။

အဖြစ်အပျက်မှန်မသိရင် အလိမ်ခံရတယ်။ မြန်မာစာသတ်ပုံကို လိမ်လို့လိမ်ခံနေရမှန်း မသိသူတွေက များတယ်။

ဗိုလ်ချုပ်နေဝင်း ခေါ် စစ်တပ်ကနိုင်ငံရေးမှာ ထိပ်ဆုံးကနေရာယူခြင်း အကျင့်ကို စတင်ကျင့်သုံး ပြုစုပျိုးထောင် ပေးခဲ့သူကနေ လူအများသုံးစွဲလက်ကိုင်ထားရှိတဲ့ ကျပ်ငွေစက္ကူတွေကို တရားမဝင်သုံးခါလုပ်ခဲ့တယ်။

၁၅-၅-၁၉၆၄ နေ့မှာ Demonetisation Act of 1964 အက်ဥပဒေနဲ့ ၅ဝ တန်နဲ့ ၁ဝဝ တန်တွေကို ပဌမဆုံးအကြိမ် တရားမဝင် ကြေညာတယ်။ လက်ဝယ်ရှိသူတွေကို ၅၀၀ ကျပ်ကနေ ၄၂၀၀ ကျပ်သာ လဲလှယ်ပေးတယ်။ အဲတာထက် များတာကို စစ်ဆေးပြီးမှ လဲပေးမယ်လို့ ကြေညာတယ်။ မသမာတာတွေ့ရင် ထောင်ဒဏ်နဲ့ သေဒဏ်တဲ့။

၃-၁၁-၁၉၈၅ နေ့မှာ ဒုတိယအကြိမ် တရားမဝင်ကြေညာတယ်။ ၂၅၊ ၅ဝ နဲ့ ၁ဝဝ ကျပ်တန်ငွေစက္ကူတွေကို ပြန်လဲ မပေးတော့ပါ။ အဲလိုမလုပ်ခင်က ၁၀၀ တန်နဲ့ ၅၀ တန်တွေသိမ်းနေခဲ့တယ်။ အခုတခါ ၂၅ ကျပ်တန်၊ ၃၅ ကျပ်တန်နဲ့ ၇၅ ကျပ်တန် အသစ်တွေထုတ်ပြန်တယ်။

၅-၉-၁၉၈၇ နေ့မှာ တတိယအကြိမ် တရားမဝင်ကြေညာတယ်။ ၂၅၊ ၃၅ နဲ့ ၇၅ ကျပ်တန်ငွေစက္ကူတွေဖြစ်တယ်။ အသစ် ၄၅ ကျပ်တန်နဲ့ ၉၀ တန်တွေရိုက်ထုတ်တယ်။

ဗိုလ်ချုပ်နေဝင်းရဲ့ မဆလ ပါတီထိပ်သီးတွေက စစ်တပ်ကလူတွေဖြစ်ကြတယ်။ ပြည်ခိုင်ဖြိုးဖြစ်တော့လည်း မဆလ ဗဟိုကော်မတီဝင်တွေက ဦးဆောင်ပြန်တယ်။ စစ်တပ်ကလူတွေဖြစ်ကြတယ်။ ပါတီဥက္ကဌတွေပြောင်းတော့လည်း ဒီလူတွေပဲ။ စစ်တပ်ကလူတွေဖြစ်ကြတယ်။ အခုထိ။

သမိုင်းအဖြစ်အပျက်အမှန်သိရင် ညာနေကြတာကို သိလာမယ်။ လိမ်ညာနေတဲ့သူတွေရဲ့ မျိုးရိုးကိုပါသိမယ်။ ငယ်ရွယ်သူတွေက အဖြစ်မှန်မသိကြလည်း သူတို့မိဘတွေ အတော်ကို ခါးဆီးခံခဲ့ကြရတာက အမှန်ဖြစ်ပါတယ်။

ဒေါက်တာတင့်ဆွေ
၂၅-၃-၂ဝ၁၉

နိုင်ငံရေးသမိုင်းမှန်ကိုလည်း မသိသူတွေကများတယ်။

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး