မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Sunday, December 11, 2016

Probiotics ပရိုဘိုင်အောတစ်

၁။ ဆရာရှင့် သမီးကိုယ်ဝန် ငါးလခွဲရှိပါပြီ။ ဆေးခန်းက antibiotics ပေးရင်းနဲ့  ၁နာရီခြားရင် probiotics တစ်နေ့နှစ်ကြိမ် သောက်ဖို့ပါပေးပါတယ်။ အခု antibiotics ကပြီးသွားပါပြီ။ protexin probiotics ကြီးပဲ ဆက်သောက်လို့ ရ မရ သိချင်ပါတယ်။

၂။ ဆရာမင်္ဂလာပါရှင်။ သမီးက့့ မြို့မှာ နေပါတယ်ဆရာ။ သားနှစ်ယောက်ရှိပါတယ်။ အခုသိချင်တာက probiotic အကြောင်းပါဆရာ။ ကလေးငယ်တွေကို တိုက်လို့ရပါသလားဆရာ။ ကိုယ်ခံအားကောင်းတယ်လို့ကြားလို့ပါ။ သားကြီး ဝမ်းကိုက်တုန်းကတော့ တခါတိုက်ဖူးပါတယ်ဆရာ။ ဆေးရဲ့အကျိုးအာနိသင်ကို သိပါရစေရှင့်။

၃။ ဆရာ Bioflor က ဘာအတွက်ပိုကောင်းပါသလည်းရှင့်။ သူကဝမ်းပိတ်ဆေးလား ဓာတ်ဆားလားမသိလို့ပါ။

Probiotics (ပရိုဘိုင်အောတစ်) ဆိုတာ Probiotic bacteria (ပရိုဘိုင်အောတစ် ဗက်တီးရီးယား) အစာလမ်းကြောင်းမှာ ရှိနေကြတဲ့ ဗက်တီးရီးယားအကောင်းတွေနဲ့ Probiotic yeasts (ပရိုဘိုင်အောတစ် ယိစ်) တွေကိုခေါ်တယ်။ ကျန်းမာရေးအတွက် ကောင်းစေတယ်။ အထူးသဖြင့် အစာခြေရာမှာအသုံးကျတယ်။ ကိုယ်ထဲမှာလည်းရှိနေတယ်။ အစားအသောက်တွေထဲမှာလည်းပါနေတယ်။ အစားအသောက် တွေကနေ ဆေးအဖြစ်ထုတ်တယ်။ ဒါ့အပြင် အစာတွေကနေ ကင်ဆာဖြစ်စေမှာကိုလဲ တားနိုင်တယ်လို့ ဆိုပါတယ်။ ဇီဝ-ဓါတုဗေဒလိုပြောရရင် b-glucuronidase နဲ့ Nitro-reductase ခေါ်တဲ့ (အင်ဇိုင်းမ်) တွေကနေ ကင်ဆာဖြစ်စေမှာမျိုး ပြောင်းလဲ မသွားစေဘို့ရာ လုပ်ပေးနိုင်တယ်။ ကိုယ်ခန္ဓာရဲ့ ခုခံအားစနစ်တခုထဲကနေ ဒီတာဝန်ယူနေရတာကို ဒါတွေကနေ အကူညီပေးတယ်။

Bioflor ဆိုတာ Probiotics (ပရိုဘိုင်အောတစ်) လို့ခေါ်တဲ့ဆေးဖြစ်တယ်။ မိတ်ဆွေပိုးတွေပါတယ်။ yeast (Bioflor) ယိစ်တွေနဲ့ ဗက်တီးရီးယားတွေ (lactobacillus, bifidobacterium) ပါတယ်။ လူတွေအစာလမ်းထဲမှာ အလိုလို ရှိနေတဲ့ပိုးတွေဖြစ်တယ်။ ဝမ်းပျက်တာ၊ irritable bowel အူမငြိမ်ရောဂါတွေဖြစ်ရင်ပေးတယ်။ နှင်းကူနာ၊ မွေးလမ်းမှိုပိုးဝင်တာ၊ လက်တို့စ်နဲ့မတည့်တာ၊ ဆီးလမ်းပိုးဝင်တာတွေအတွက်လည်း ပေးတယ်။ ရောဂတ် ခေါ် ဒိန်ချဉ်၊ နို့၊ သစ်သီးရည်၊ soy beverages ပဲပုပ် အစားအစာတွေမှာပါတယ်။ FDA ကနေ စိတ်ချရမှုနဲ့ ထိရောက်မှုကို လေ့လာမှုမလုပ်သေးပါ။

ရောဂါအတွက် (အင်တီဘိုင်အောတစ်) ခေါ် ပဋိဇီဝဆေးသောက်ရရင် ကိုယ်မှာရှိနေတဲ့ ဗက်တီးရီးယား အကောင်းတွေကိုပါ သေစေတယ်။ အဲလိုအချိန်မှာ (ပရိုဘိုင်အောတစ်) ကနေအစားထိုးလုပ်ပေးမယ်။ (ပရိုဘိုင်အောတစ်) ကနေ ဆိုးတဲ့ဗက်တီးရီးယားတွေကိုနည်းစေနိုင်တယ်။ အဲတာကြောင့် အဆိုး-အကောင်း မျှနေမှသာကျန်းမာမယ်။

အမျိုးအစား (၂) မျိုးရှိတယ်။
(၁) Lactobacillus (လက်တိုဗက်ဆဲလပ်စ်) အမျိုးကအများဆုံးတွေ့ရတယ်။ Yogurt ရောဂတ်နဲ့ Fermented foods ဖါမင့်ဖြစ်အောင်လုပ်ထားတဲ့အစားအစာတွေမှာပါတယ်။ ဝမ်းလျှောတာကိုသက်သာစေတယ်။ နို့ထဲမှာပါတဲ့ lactose လက်တို့စ်သကြားဓါတ်ကိုမခံနိုင်သူတွေအတွက်လည်းကောင်းတယ်။

(၂) Bifidobacterium ဘိုင်ဖစ်ဒိုဗက်တီးရီးယမ်ဆိုတာက တချို့နို့ထွက်အစားအသောက်တွေထဲမှာပါတယ်။

အသုံးတည့်တဲ့ရောဂါတွေကတော့ Irritable bowel syndrome အူမငြိမ်ရောဂါ Inflammatory bowel disease (IBD) အူရောင်ရောဂါ၊ Infectious diarrhea ပိုးတွေကြောင့်ဖြစ်တဲ့ ဝမ်လျှောရောဂါနဲ့ Antibiotic-related diarrhea ပိုးသေဆေးကြောင့်ဖြစ်တဲ့ ဝမ်းလျှောရောဂါတွေဖြစ်တယ်။

တချို့သုတေသနတွေအရ အစာလမ်းကြောင်းနဲ့မဆိုင်တဲ့ရောဂါတွေအတွက်လည်း ကောင်းစေတယ်လို့သိရတယ်။ Eczema နှင်းကူနာ၊ Urinary and vaginal health ဆီးလမ်းနဲ့ အမျိုးသမီးလိင်အင်္ဂါလမ်း၊ Allergies and colds အလာဂျီနဲ့ အအေးမိခြင်း၊ Oral health ခံတွင်းကျန်းမာရေး။

အမျိုးသမီးတွေရဲ့ ဗဂျိုင်းနားထဲမှာ ပုံမှန်အားဖြင့် ဗက်တီးရီယားတွေရှိတယ်။ ပဋိဇီဝဆေးသောက်ရရင်ဖြစ်ဖြစ်၊ ပိုးသေဆေးပါ သန့်ရှင်းရေးဆေးရည်တွေ မလိုအပ်ပဲသုံးတာကြောင့်ဖြစ်ဖြစ် ပုံမှန်ဗက်တီးရီးယားတွေကိုပါ သေစေမယ်။ အဲဒီအချိန်မှာ ဖန်းဂတ်စ်ခေါ် မှိုပိုးဝင်လာတတ်တယ်။ အဖြူဆင်းတာဖြစ်မယ်။

တချို့မှာ (ပရိုဘိုင်အောတစ်) သောက်ရင် ဗိုက်ကယ်၊ လေပွနေတယ်။ သောက်ကာစမှာအဲလိုဖြစ်ပြီး မဖြစ်တာလည်း ရှိတယ်။ တချို့မှာ အလာဂျီရတယ်။ အဲတာဆိုဘယ်တော့မှ မသောက်ပါနဲ့။

FDA စည်းကမ်းအရ Probiotics ကို ဖြည့်စွက်အစားအသောက်စာရင်းထဲမှာ ထည့်ထားတယ်။ ဆေးဝါးမဟုတ်ပါ။ ဆေးတွေလို FDA အသိအမှတ်ပြုရယူစရာမလိုပါ။ အဲတာကြောင့် စိတ်ချရမှုအတိုင်းအတာက အကန့်သတ်သာရှိလို့ ကြော်ငြာကောင်းတိုင်း စိတ်ချရတယ်လို့မထင်သင့်ပါ။ ကိုယ်ဝန်ဆောင်အားဆေးမဟုတ်ပါ။

ဒေါက်တာတင့်ဆွေ

No comments:

Post a Comment

Note: Only a member of this blog may post a comment.