Pregnancy and Ultrasound ကိုယ်ဝန်ဆောင် အာလ်ထွာဆောင်း

ကိုယ်ဝန်မှာ အာလ်ထွာဆောင်းရိုက်စစ်ဆေးနည်းဟာ စိတ်ချရတယ်၊ အကုန်အကျမများ တိကျလို့ ကျယ်ကျယ်ပြန့်ပြန့် သုံးကြတယ်။

၁။ ကိုယ်ဝန်ရှိတာ သေချာသိမယ်။ သန္ဓေကိုဖုံးထားတဲ့ အိတ်ကလေး Gestational sac ကို ရက်သတ္ကပါတ် ၄ ပါတ်ခွဲမှာ စမြင်ရပြီ။ သန္ဓေဟာ သားအိမ်ထဲမှာ ရှိနေတာ ဟုတ်-မဟုတ်လဲ သေချာသိနိုင်တယ်။

၂။ ကိုယ်ဝန် ၆-၇ ပါတ်ဆိုရင် Doppler ultrasound နဲ့ ကလေး နှလုံးခုန်သံကို သိနိုင်ပြီ။ ဒါဆို ၉၅% မက ကိုယ်ဝန်က ကောင်းတယ်။ ကလေးနှလုံးခုန်သံဟာ ကိုယ်ဝန် အနု-အရင့်လိုက် ပြောင်းတယ်။ ၁ လခွဲစဉ်က ၁ မိနစ်မှာ ၉ဝ-၁၁ဝ ရှိတယ်။ ၉ ပါတ်ကစပြီး မွေးတဲ့အထိ ၁၄ဝ-၁၇ဝ ရှိလာတယ်။

၃။ ကိုယ်ဝန် ဘယ်လောက် ရင့်နေပြီလဲသိမယ်။ သန္ဓေသား အရွယ်အစားဟာ ရင့်လေ ကြီးလေဖြစ်တယ်။
(က) Crown-rump length (CRL) ခေါင်းထိပ်ကနေ အောက်ခြေအထိ ဘယ်လောက် ရှည်သလဲဆိုတာ ၇-၁၃ ပါတ်မှာ အတိအကျ သိရပြီ။
(ခ) Biparietal diameter (BPD) ခေါင်းဘေးနှစ်ဘက် အကွာအဝေး၊ ၁၁ ပါတ် မှာ ၂ဝ ကနေ မွေးတော့မယ်ဆိုရင် ၉ဝ-၁ဝဝ မီလီမီတာ ရှိတယ်။
(ဂ) Femur length (FL) ပေါင်အရှည် ၁၁ ပါတ်မှာ ၁၊ မွေးခါနီးရင် ၇၉-၈ဝ မီလီမီတာ ရှိတယ်။
(ဃ) Abdominal circumference (AC) ကိုယ်ဝန်ရင့်ချိန်မှာ အရေးကြီးတဲ့ တိုင်းထွာချက်ဖြစ်တယ်။ ၁၁ ပါတ်မှာ ၅၊ မွေးခါနီးရင် ၃၅ဝ မီလီမီတာ ရှိတယ်။

၎။ သန္ဓေသားမှာ အင်္ဂါချို့ယွင်းတာ ရှိ-မရှိသိဖိုိ့၊ ကိုယ်ဝန် ၂ဝ ပါတ်မတိုင်ခင် စမ်းတာကောင်းတယ်။ ခေါင်းထဲက အရည်တွေ များနေတာ၊ ဦးနှောက် မပါတာ၊ ဦးနှောက်မြှေး အိတ်ဖြစ်နေတာ၊ ခါးရိုးဆစ်ကနေ အာရုံကြော ကျွံထွက် နေတာတွေကို သိနိုင်တယ်။ နောက်ပေါ်စက်တွေကနေ အာခေါင်ကွဲ၊ နှလုံးရာဂါ၊ စတာတွေပါ သိရစေတယ်။

၅။ အချင်းတည်နေရာကို သိရတာ အလွန်မတန် အကျိုးများတယ်။ အချင်းရဲ့ အောက်ဖျားက ဘယ်နားမှာလဲသိရင် ခွဲမွေးဘို့ မလွဲမသွေလိုတဲ့ အချက်ကြီးတခု ကြိုသိရတယ်။ အချင်းကအောက်ကျပြီး၊ သားအိမ်အဝအနား ရောက်နေရင် ခွဲမွေးရမယ်။ ဒါ့အပြင် အချင်းရောဂါတွေကိုပါရှိရင်သိရတယ်။

၆။ အမွှာ ဟုတ် မဟုတ်၊

၇။ ရေမြွှာရည် အနည်းအများ၊

၈။ ဗိုက်ထဲမှာ ကလေးရှင်သန်နေတာသိမယ်။ ကလေးက ခေါင်းနဲ့ မဟုတ်ဘဲ တင်ပါးဆုံပြုနေတာ၊ သားအိမ် ပုံမှန်ဟုတ်-မဟုတ်၊ သားအိမ်အလုံးရှိတာ၊ မျိုးဥအိမ်အလုံး ရှိတာတွေပါ သိနိုင်တယ်။

၉။ ကလေး ကျား-မ လိင်သိဘို့ အများဆုံး ၁၈-၂၂-၂၆ ပါတ်မှာရိုက်တယ်။ တိကျဘို့ဆိုတာ အာလ်ထွာဆောင်းရိုက်ချိန် ကလေးအသက်၊ စက်အမျိုးအစား၊ ပညာရှင်အတွေ့အကြုံ၊ ကလေးရဲ့ပူးပေါင်းဆောင်ရွက်မှုဆိုတဲ့ အချက်တွေအပေါ်မှာ မူတည်တယ်။ အာလ်ထွာဆောင်း နောက်ဆုံးပေါ်စက်နဲ့ဆိုရင် ၁၂-၁၃ ပါတ်ကတည်းက ကလေးရဲ့လိင်ကိုသိနိုင်တယ်။

အာလ်ထွာဆောင်းရိုက်တာ ကလေးကိုမထိခိုက်ဘူးလို့ ယေဘုယျပြောနိုင်ပါတယ်။ မေးခွန်းတွေမှာ စာနဲ့ မှတ်ချက် ရေးပေးတာသာလိုတယ်။ ပုံမလိုအပ်ပါ။ ကလေး ကျား-မ ဆိုတာကို သူ့နိုင်ငံဥပဒေအရ မပြောရတာ-ပြောရတာ ရှိတယ်။

ကိုယ်ဝန်ဘယ်လောက်ရင့်နေသလဲကို ရက်သတ္တပါတ်နဲ့ ရက်ပေါင်း ရေးလိမ့်မယ်။ မွေးမဲ့ရက် ခန့်မှန်းခြေပါ ပါလိမ့်မယ်။ ကိုယ်ဝန်ကို တွက်ချက်ရင် ရက်သတ္ကပါတ်နဲ့သာတွက်တယ်။ ၁ လမှာ ၄ ပါတ်၊ ၁ လမှာ ၃ဝ ရက်ထားရတယ်။ ဗိုက်အပ်လာသူကို အရင်ဆုံးမေးတာက LMP ရာသီနောက်ဆုံးလာတဲ့ရက်။ ရက်-လ-ခုနှစ်။ အဲဒီအထဲကို ၉ လ နဲ့ ၇ ရက် ပေါင်းထည့်တာနဲ့ ခန့်မှန်းမွေးမဲ့ရက် EDD ရသွားပြီ။

ဂဏန်းတွက်ပျင်းသူတွေ ခေါင်းစားရတယ်။ ရက်သတ္ကပါတ်ကို လဖွဲ့ဘို့ ၄ နဲ့စား၊ ကျန်တာကို ၇ နဲ့ မြှောက်မှ ရက်ရ၊ ရက်နဲ့ ထပ်ပေါင်းပါမှ ကိစ္စပြီးမယ်။ မရိုက်ခင်က တွက်ထားတာနဲ့ လွဲတတ်တယ်။ ပြဿနာမဟုတ်ပါ။ ဘယ်ရက်ဖြစ်ဖြစ် မှန်းရက်နဲ့ ရှေ့ ၂ ပါတ်၊ နောက် ၂ ပါတ် လွဲနိုင်တယ်။ ယမုန်နာဆေးခန်းမှာ မွေးတာ ၁၄၇ ယောက်ထဲက အတိအကျ မွေးတာ ၅ ယောက်နဲ့၊ ၁ ရက်လွဲ ၉ ယောက်ဘဲ ရှိပါတယ်။

အမျိုးသမီးတိုင်းက ရာသီလလယ်မှာ မ-မျိုးဥ ထွက်ကြတာ မဟုတ်လို့၊ Ultrasound ကို တခါရိုက်တာနဲ့ အပြတ်ပြောလို့ မရတတ်ဘူး။ ၂ ခါ ရိုက်သင့်တယ်လို့ အကြမ်းပြောလို့ ရတယ်။ စောစောရိုက်တာကတော့ ကိုယ်ဝန်ရှိတာ သေချာမယ်၊ သားအိမ်ပြင်ပ တည်တာဆိုရင် ကွဲမထွက်ခင် ခွဲဘို့ ပြင်နိုင်တယ်။ အချင်း အောက်ကျနေတာ၊ ကလေးက ခေါင်းကြီး နေတာ၊ မိခင် တင်ပါးဆုံအရိုးကွင်းနဲ့ မဆံ့တာ၊ ရင်ချင်းဆက်ဆိုတာမျိုး အထူးအဆန်းတွေ ရှိနေတာသိရင် ခွဲမွေးဘို့ ပြင်ထားနိုင်တယ်။ ဥပဒေက ခွင့်ပြုရင် မွေးရာပါချို့ယွင်းချက်တွေသိရလို့ ကိုယ်ဝန်ကို စောစောအဆုံးသတ်နိုင်တယ်။

ကလေးမလှုပ်တော့ဘူး ထင်ရင်လည်း ထပ်ရိုက်သင့်တယ်။ စောစောရိုက်စဉ်ကရှိတဲ့ ကလေးခေါင်း အနေအထားဟာ နောက်မှာပြောင်းတတ်လို့ ခြေကဖွါး ဖြစ်-မဖြစ် သိရအောင် ၈ လနောက်မှာ ထပ်ရိုက်တာ ကောင်းတယ်။ ခြေကဖွါးဆိုရင် ပိုပြီးဂရုစိုက် မွေးပေးရတယ်။ အားလုံးကိုခွဲမွေးစရာမလိုပါ။ ကလေးကျန်းမာရေးအခြေအနေကိုသာမကဘဲ၊ မိဘတွေကို စိတ်လှုပ်ရှားမှုပါ ပေးနိုင်သေးတယ်။ ထပ်ရိုက်ရင် ကလေး ဘယ်လိုတိုးတက်ကြီးထွားလာတာကို သိနိုင်မယ်။

အလွန်မတန်လျင်မြန်တဲ့ အသံလှိုင်းကိုသုံးတယ်။ ဘာသံမှတော့ လူတွေက မကြားနိုင်ပါ။ အလင်းနဲ့ အမှောင်ကို ခွဲသိရမယ်။ ဒါကို ပုံရိပ်အဖြစ် ကွန်ပြူတာ မော်နီတာပေါ်မှာ ဖေါ်ပေးမယ်။ ဓါတ်မှန်လို လူကိုအန္တရာယ်မပေးပါ။ အာလ်ထွာဆောင်းမှာ ကလေးကိုယ်ဝန်သက်ကို ကိုယ်ဝန်ပါတ်နဲ့ သန္ဓေဖြစ်ပြီးနောက် ဘယ်နှစ်ပါတ်လို့ ခွဲထားသေးတယ်။ ၂ ပါတ် ကွာတယ်။

သရီးဒီအာလ်ထွာဆောင်းဆိုတာက သုံးဘက်မြင်ပုံတွေကို ရစေတယ်။ စံချိန်ကိုက်နည်းကတော့ 2D နှစ်ဖက်မြင်သာ ဖြစ်တယ်။ 3D မှာ အသံလှိုင်းတွေကို လွှတ်ပေးပြီး ဒေါင့်ပေါင်းစုံကနေ ပြန်လာမယ်။ ပဲ့တင်သံတွေကို ကွန်ပြူတာ နည်းပညာနဲ့ ထုထည်ပုံတွေအဖြစ် ဖတ်ယူတာဖြစ်တယ်။ မျက်နှာပြင်ရော အတွင်းအင်္ဂါအစိတ်အပိုင်းတွေကိုပါ ဖတ်ပေးမယ်။ CT scan ကနေ ပုံတွေ အများကြီးဖတ်ပေးတာနဲ့ တူတယ်။

၁၉၈၇ ခုနှစ်မှာ Duke တက္ကသိုလ်က Olaf von Ramm နဲ့ Stephen Smith တို့ကတီထွင်ခဲ့တာဖြစ်ပါတယ်။ 4D fetal ultrasounds ဆိုတာလဲပေါ်နေပြီး။ ဆင်တူတယ်။ အချိန်နဲ့ဆက်စပ်တာဘဲ ကွာတယ်။ FDA ကနေ 94 mW/cm2 ထက်မများဘို့ ကန့်သတ်ထားတယ်။ ဒီအထိစိတ်ချရတယ်လို့ဆိုလိုတယ်။ ဒါပေမဲ့ ငြင်းခုန်တာတွေတော့ ရှိနေပါတယ်။ အထဲကကလေးကို အပူနည်းနည်းပိုရစေတယ်။ လေလဲနည်းနည်းရစေတယ်။ ဒါတွေကနေ ရေရှည်မှာ ဘာဖြစ်မလဲ မပြောတတ်သေးပါ။ စောစောပိုင်းလေ့လာမှုတွေအရ ယောက်ျားလေးကလေးတွေမှာ ဘယ်သန်ပိုများတာနဲ့ စကားပြောနှေးတာ ပိုတွေ့ရတယ်။ ကိုယ်ဝန် ၁၇ ပါတ်ထက်စောပြီးရိုက်ရင် မိခင်-ကလေး စီးနှောင်မှု နည်းနိုင်တယ်။

ဒေါက်တာတင့်ဆွေ