Monday, April 22, 2019

Water Cooler ဝါတာကူလာ

ရန်ကုန်သူရန်ကုန်သားတွေ ပူနေကြသတဲ့။ ဒေလီမှာ နွေရာသီတိုင်း ဝါတာကူလာကို သုံးရတယ်။ အဲဒီမှာ ပူလောင်တာက ဧပြီ၊ မေလကနေ သြဂုတ်အထိ ပန်ကာနဲ့ မရတော့ပါ။ အေစီ မတတ်နိုင်သူတွေ သုံးရတာ ကောင်းပါတယ်။

ဝါတာကူလာက တရာသီသာ ခံတယ်။ တနှစ်တခါ ပြင်ရမယ်။ လေးဒေါင့်သွပ်ခံပုံး အောက်ခြေမှာက ရေထည့်စရာ။ ရာသီဥတုပူလွန်းချိန်မှာ တနေ့ ၂ ခါလောက်ရေဖြည့်ပေးရတယ်။ အိမ်ပြူတင်းပေါက်မှာတပ်ထား၊ ပန်ကာမျက်နှာစာကို အိမ်ခမ်းဖက်လှည့်ဆင်၊ ခြင်မဝင်အောင်က သုံးထပ်သားတို့ ဂျပ်ပြားတို့နဲ့ အလုံဖါထေးထားရမယ်။ ဘေးသုံးဖက်မှာ ကောက်ရိုးလိုဟာ ပါတယ်။ အဲတာကို တနှစ်ခါ လဲရမယ်။ ရေတင်ပေးတဲ့ ပန့်သေးသေးလေးကနေ အောက်ကရေကို မျက်နှာပြင် ၃ ဖက်အပေါ်အထိ တင်ပေးတယ်။ အထက်က ရေတံလျှောက်လေးတွေမှာ အပေါက်လေးတွေ ဖေါက်ပေးတားတော့ ကောက်ရိုးလိုဟာပေါ်မှာ ရေချပေးနေမယ်။ အဲတာကိုဖြတ်ဝင်လာတဲ့လေက အေးတယ်။ ပန်ကာမော်တာ ကွိုင်ပြန်ပတ်တာကများတယ်။ မော်တာညံ့ရင် ဆူညံတယ်။ အထိုင်မငြိမ်ရင်လည်း အသံမြည်တယ်။ တနှစ်တခါ ကိုယ့်ဖါသာဆေးသုတ်၊ အလုပ်ဖြစ်ပါတယ်။

ဒေါက်တာတင့်ဆွေ
၂၂-၄-၂၀၁၉

No comments:

Post a Comment

Note: Only a member of this blog may post a comment.

သတ်ပုံမှန်ခေတ်က

ကောက်ရိုးကလေးတမျှင် စာကလေးတစောင် ဒေါက်တာတင့်ဆွေ