Cervarix သားအိမ်ဝကင်ဆာ ကာကွယ်ဆေး

ဆရာရှင့် သမီးက Endometriosis ရှိသူပါ။ သားအိမ်ကင်ဆာ ကာကွယ်ဆေးထိုးလို့ရလား။ ထိုးရင်လည်း ရာသီပေါ်နေတဲ့အချိန်မှာရော ထိုးလို့ ရပါသလားဆရာ။

•Cervarix (HPV vaccine) ဆိုတာ Cervical cancer သားအိမ်ဝ (ခေါင်း) ကင်ဆာဖြစ်စေနိုင်တဲ့ Human papilloma virus (HPV) ဗိုင်းရပ်စ်ကို ကာကွယ်တဲ့ ထိုးဆေးဖြစ်တယ်။ ဒီပိုးက လိင်ကတဆင့်ကူးစက်တယ်။
• Genital warts လိက်လမ်းကြွက်နို့၊ Pre-cancerous abnormalities of cells in cervix or vulva အမျိုးသမီးတွေရဲ့ သားအိမ်ဝနဲ့ လိင်အင်္ဂါမှာ ကင်ဆာလိုအပြောင်းအလဲတွေအပြင် သားအိမ်ဝကင်ဆာကို ဆက်ဖြစ်လာစေနိုင်တယ်။
• Cervarix ထဲမှာ HPV types 16 နဲ့ 18 ဗိုင်းရပ်စ်အမျိုးအစာ (၂) ခုကို အားနည်းသွားစေအောင် လုပ်ထားတာကို သုံးတယ်။ ဒီ ၂ မျိုးကနေ ၇ဝ% သော သားအိမ်အဝကင်ဆာကို ဖြစ်စေနိုင်တယ်။ တခြားကင်ဆာဖြစ်စေနိုင်တဲ့ HPV types 31, 33 နဲ့ 45 တွေကိုလဲ ကာကွယ်မှုပေးတာကို တွေ့ရသေးပါတယ်။
• အခုအထိတော့ ကာလဘယ်လောက်ကြာကြာ ကာကွယ်မလဲဆိုတာ မပြောနိုင်သေးပါ။ သုတေသနတွေအရ အသက် ၁၅ နှစ်ကနေ ၂၅ နှစ်ရှိ မိန်းကလေး-အမျိုးသမီးတွေကို ပဌမတကြိမ် ထိုးလိုက်ရင် ၆့၎ နှစ်အထထိ ကာကွယ်နိုင်တာကို သိရပြီ။ ဒိနောက်မှာ ထပ်ထိုးဘို့ လို-မလို မပြောနိုင်သေးပါ့
• တချို့ဆရာဝန်တွေက အသက် ၁၅ ကနေ ၂၅ နှစ်၊ တချု့က ၉ နှစ်ကနေစပြီး ထိုးစေတယ်။
• အသားထဲထိုးရတဲ့ ထိုးဆေးဖြစ်တယ်။ (၃) ကြိမ်ထိုးရမယ်။ ဝ-၁-၆ ပုံသေနည်းသုံးတယ်။ ပဌမဆေးထိုးပြီး နောက် ၁ လမှာ ဒုတိယဆေးနဲ့ တတိယဆေးကို ၆ လအပြည့်မှာထိုးရမယ်။
• အဲဒီနည်းအတိုင်း ဆေးထိုးဘို့ အဆင်မပြေရင် ပဌမဆေးပြီးနောက် ၂ လခွဲမှာ ဒုတိယဆေးနဲ့ တတိယဆေးကို ၅ လ နဲ့ တနှစ်အတွင်းမှာ ထိုးနိုင်တယ်။
• ကိုယ်ဝန်ဆောင်ချိန်နဲ့ ကလေးနို့တိုက်ချိန်တွေမှာ ဒီကာကွယ်ဆေးထိုးလို့ရပါတယ်။ စောင့်နိုင်ရင် ပိုကောင်းပါမယ်။ ရာသီရက်ကို မမေးပါ။ ကိုယ်ဝန်တားဆေး သောက်နေသူတွေအတွက် ကိစ္စမရှိပါ။
• ဘေးထွက်-ဆိုးကျိုးတွေကတော့ သက်ရှိဗိုင်းရပ်စ်ကိုသုံးထားတာ မဟုတ်လို့ HPV ပိုးဝင်တာအတွက် စိတ်ချရတယ်။ ဆေးထိုးတဲ့နေရာမှာ နာမယ်၊ နီမယ်၊ ရောင်မယ်။ ခေါင်းကိုက်၊ ကြွက်သားနာ၊ အားယုတ်နိုင်တယ်။
• ဒီကာကွယ်ဆေးဟာ ကင်ဆာဆေး၊ စတီရွိုက်ဆေး (များရင်) နဲ့ ခုခံအားကျဆေးေGင်္သုံးနေချိန်မှာ ထိရောက်မှုနည်းမယ်။ • တခြားကာကွယ်ဆေးတွေ Diphtheria, Tetanus, Pertussis and Polio vaccines နဲ့ တရက်ထဲ ထိုးလို့ ရပါတယ်။ ဆေးထိုးတဲ့နေရာတော့ အတူမဖြစ်ရပါ။
• Gardasil က တခြား သားအိမ်ဝကင်ဆာကာကွယ်ဆေးဖြစ်တယ်။

ဒေါက်တာတင့်ဆွေ