Books စာအုပ်လှူသောအကျိုးအားကြောင့်

ဒေလီကနေမထွက်ခင် ကိုယ်ပိုင်စာအုပ်တွေထဲက Encyclopaedia Britannica (ဘရစ်တိန်နီးကား) စွယ်စုံကျမ်းကို ပြည်တွင်းက အမျိုးဆီပို့တယ်။ ဒေလီကနေ မြန်မာပြည် မုံရွာကို စာအုပ်တွေပို့ရတာ အတော်ခက်ခဲတယ်။ ကူညီတဲ့သူတွေကို ကျေးဇူးတင်တယ်။ စာအုပ်တွေက ခုထိရောက်သေးပုံမရဘူး။ ဘာသာရေးစာအုပ်တွေကို သြစတေးလျရောက်နေတဲ့ ဦးဇင်းဆီလှူဘို့ ပို့ပေးရတယ်။ ပိုးဝေးတဲ့ သြစတေးလျပို့တာတော့ ရောက်ပြီတဲ့။

ကျန်တဲ့ မြန်မာစာအုပ်တွေနဲ့ အဘိဓာန်တွေကို ဒေလီအပြင်နားက Gautam Buddha University (ဂေါ်သမ်) ဗုဒ္ဓတက္ကသိုလ်မှာ စာသင်နေတဲ့ ကိုယ်တော်ကို လှူလိုက်တယ်။ အင်္ဂလိပ်စာအုပ်တွေကိုတော့ (ဂေါ်တမ်) ဗုဒ္ဓတက္ကသိုလ် စာကြည့်တိုက်ကို လှူလိုက်ပါတယ်။

စာကြည့်တိုက်ကို စာအုပ်လှူလိုက်တဲ့ကျေးဇူးဘဲ (အင်ဒီယာနာပိုးလစ်) ရောက်ကတည်းက အင်တာနက်ကို အိမ်မှာ မဆင်ရသေးလို့ အိမ်နားက Indianapolis Public Library စာကြည့်တိုက်မှာဘဲ လာသုံးနေပါတယ်။ အတော် အဆင်ပြေပါတယ်။ အခမဲ့လည်းရ။ မြန်လဲမြန်တယ်။ စာအုပ်တွေလှူးဒါန်းရတဲ့ လက်ငင်းအကျိုးလို့ မှတ်ယူလိုက်တယ်။

 ဒေါက်တာတင့်ဆွေ
၈-၁ဝ-၂ဝ၁၄

Comments

Popular posts from this blog

Bad breath ခံတွင်းနံ့ မကောင်းရင်

Insomnia အိပ်မရခြင်း

ရန်ကုန်မြို့က ကြိုဆိုပါ၏