Skip to main content

Cirrhosis အသည်းခြောက်ရောဂါ (၁)

ဆရာ မင်္ဂလာပါရှင့် သမီးအမေက အသက် ၆၁ နှစ်ပါ။ ကွမ်းလည်းစားပါတယ်။ အခု အမေက သားအိမ်ကျလို့ဆိုပြီး ဆေးခန်းသွားပြတာပါ။ ဗိုက်တောင့်တောင့်နေလို့ဆိုပြီး ဆရာမက အသည်း ကို Ultrasound ရိုက်ခိုင်းပါတယ်။ အသည်းခြောက်တယ်လို့ ပြောပါတယ်။ အမေက ဘီပိုးကာကွယ်ဆေးလည်း ထိုးထားပါတယ်။ အမေ့ Ultrasound အဖြေကိုလည်းဆရာကြည့်နိုင်အောင် ပို့ပေးလိုက်ပါတယ်ရှင့် သမီးသိချင်တာ အသည်းခြောက်တာ အသည်းကင်ဆာ ဖြစ်လာနိုင်လား။ သက်တမ်းစေ့နေနိုင်ပါသလား။ သက်တမ်းစေ့နေနိုင်အောင် ဘာတွေများ ဆောင်ရန်/ရှောင်ရန်ကို သိချင်ပါတယ်ရှင့်။

အသည်းခြောက်ရောဂါဟာ တနည်းနည်းကြောင့် နာတာရှည်အသည်းရောဂါဖြစ်ပြီးနောက် ဆက်ဖြစ်လာတာဖြစ်တယ်။ အသည်းရောင် စီ၊ အသည်းရောင် ဘီ၊ အရက်စွဲရောဂါ နဲ့ အရက်ကြောင့်မဟုတ်ဘဲ အသည်းအဆီဖုံးသူတွေကနေ ဖြစ်လာနိုင်တယ်။ တခြားအကြောင်းတွေလည်း ရှိပါသေးတယ်။ ဖြစ်လာရင် အသည်းက လိုသလောက်နဲ့ လိုသလို မလုပ်နိုင်တော့ဘူး။ နောက်ဆက်တွဲတွေဖြစ်နိုင်တယ်။ ဖျင်းစွဲမယ်၊ အစာလမ်းကနေ သွေးယိုမယ်၊ အသားဝါမယ်၊ ဦးနှောက်ကို ထိခိုက်မယ်၊ ကျောက်ကပ်၊ အဆုပ်ထိခိုက်မယ်၊ အသည်းကင်ဆာ ဆက်ဖြစ်နိုင်တယ်။ ဖြစ်လာရင် ဖြစ်စေတဲ့ အကြောင်းတရားကို ကုသရမယ်။ ဆက်ဖြစ်လာတာတွေကို ကုသရမယ်။ တိုးမလာအောင် ဆင်ခြင်ရမယ်။

အသည်းခြောက်နေပြီဆိုတာ ရောဂါရှေ့ရောက်တာဖြစ်တယ်။ အသည်းမှာ အမာရွတ်တွေနဲ့ အဖုအသီးလေးတွေ ရောဖြစ်နေတယ်။ ပြောင်းသွားတဲ့ အသည်းနေရာက သူ့အလုပ်သူ မလုပ်နိုင်တော့ပါ။ တချိန်မှာ အသည်းအစားထိုးရမယ်။
ခံစားရမှာတွေက အသည်းဆဲလ်တွေ အလုပ်မလုပ်တော့လို့ဖြစ်ရတဲ့ တိုက်ရိုက်ဖြစ်လာတာတွေနဲ့ အစာလမ်းကြောင်း သွေးလှည့်စနစ်ချို့ယွင်းလို့ ဖြစ်တာတွေကို စုပေါင်းပြီး ခံစားရလိမ့်မယ်။

အသည်းအလုပ်ပျက်ရင်
Spider angiomata or spider nevi အရေပြားပေါ်မှာ သွေးကြောလေးတွေက ပင့်ကူးအိမ်လိုဖြစ်တာ၊ Palmar erythema အီစထိုဂျင်ဟော်မုန်း များလာလို့ လက်ဝါးမှာ နီမြန်းနေတာနဲ့ ရင်သား ကြီးလာတာ၊ Hypogonadism လိင်ပိုင်းဆိုင်ရာ ဟော်မုန်းတွေနည်းလာတာ၊ ပန်းသေ-ပန်းညှိုး၊ လိင်စိတ်နည်း၊ ကျားအစေ့သေးငယ်၊ အသည်းအရွယ်အစား ကြီးနိုင် သေးနိုင်တယ်။ အသည်းခြောက်ရာကနေ ရေဖျင်းဖြစ်လာမယ်။ လူကအရင်ကလို သက်တောင့်သက်သာ မနေနိုင်တော့ပါ။ ပိုးဝင်တာလဲ သူများထက်ခံရနိုင်တယ်။ Fetor hepaticus အသက်ရှူထုတ်တာမှာ dimethyl sulfide ဆာလ်ဖိုဒ်နံ့ ထွက်နေမယ်၊ Jaundice အသားအရေ၊ မျက်လုံး၊ ဆီးဝါလာမယ်။ လူမြင်ရတာသာမက ကိုယ်ထဲမှာပါ ဝါနေမယ်ဆိုတာ သတိပြုပါ။ သွေးစစ်လို့ bilirubin 2–3 mg/dL or 30 mmol/L ကျော်တာနဲ့ ဝါတာကို မြင်ရပြီ။

ဘေလုံးကြီးလာမယ်၊ အစာမြိုပြွန်အောက်ဖျားမှာ သွေးပြန်ကြောတွေထုံးနေမယ်။ အဲဒါကနေသွးယိုမယ်။ ရုတ်တရက်ဖြစ်လို့ ဆေးကုချိန် မမီရင် အသက်ဆုံးပါးနိုင်တယ်။ ချက်နားမှာ သွေးပြန်ကြောတွေဖေါင်းလာမယ်၊ နှလုံးကို နားကြပ်နဲ့ နားထောင်ရင် ရင်ခေါင်းနေရာမှာအသံတမျိုးကြားရမယ်။ လက်သည်းခြေသည်းတွေ ပြောင်းမယ်။ Terry's nails ဆိုတာ လက်သည်း အဖျားပိုင်း ၃ ပုံ ၁ ပုံက ဖြူနေတာကို ခေါ်တယ်။ လက်သည်းကို ဘေးတိုက်ရော ထိပ်ကနေပါကြည့်ရင် အလယ်မှာခုံးနေမယ်။ အရိုးအရှည်စားတွေ ရောင်ပြီး နာမယ်။ လက်ဝါး ကွေးထားသလို ကောက်နေမယ်။ အားယုတ်မယ်၊ အစားပျက်မယ်၊ ကိုယ်အလေးချိန်ကျလာမယ်။

ရောဂါရှေ့တိုးလာရင် သွေးခြည်ဥတွေထွက်မယ်၊ သွေးယိုတာတွေဖြစ်မယ်။ ဦးနှောက်ကိုထိခိုက်ပြီး အသိစိတ် ရှုတ်ထွေးတာနဲ့ သတိလစ်တာဆက်ဖြစ်လာမယ်။ ရောဂါတခုခုဝင်လို့ ပေးရမဲ့ဆေးတွေကို သတိနဲ့ဆင်ခြင်ရပါတော့မယ်။

ဘာလို့ဖြစ်သလဲ
၃ဝ% ဟာ (ဘီ) ပိုး၊ ၂၇% ဟာ (စီ) ပိုးကနေဆက်ဖြစ်တယ်။ ၂ဝ% ဟာ အရက်ကနေဆက်ဖြစ်တယ်။ အရက် အသည်းရောဂါဟာ အရက်သောက်များသူ၊ ကြာသူတွေထဲက ၁ဝ-၂ဝ% မှာဖြစ်တယ်။ အရက်နဲ့မဆိုင်ဘဲ ဖြစ်တာလဲရှိတယ်။ အဆီတွေစုလာလို့ပါ။ အဝလွန်သူတွေ ၄ဝ% မှာဖြစ်တယ်။ ဆီးချိုရှိသူ၊ နှလုံးသွေးကြောရောဂါရှိသူတွေမှာလဲ ဖြစ်နိုင်တယ်။ အရက်မသောက်တဲ့ အမျိုးသမီးတွေမှာဖြစ်ရတာ ဒါမျိုးပါ။

ဓါတ်ခွဲခန်းစစ်ဆေးချက်များ
• Thrombocytopenia သွေးမှုံနည်း၊
• AST နဲ့ ALT တွေက အသင့်အတင့်များခြင်း။
• Alkaline phosphatase အနည်းငယ်များခြင်း။
• Gamma-glutamyl transferase များခြင်း၊
• Bilirubin အစောပိုင်းမှာ ပုံမှန်ပေမဲ့ ကြာရင် များလာမယ်။
• Albumin နည်းခြင်း၊
• Prothrombin time များခြင်း၊
• Globulins များခြင်း၊
• Serum sodium နည်းခြင်း၊
• Leukopenia and neutropenia နည်းခြင်း၊
• တခြားစစ်ဆေးနည်းတွေလုပ်နိုင်တယ်။ Serology for hepatitis viruses, autoantibodies, Ferritin and transferrin saturation, Immunoglobulin levels (IgG, IgM, IgA), Cholesterol and glucose, Alpha 1-antitrypsin, CT of the abdomen, Ultrasound, Endoscopy, Gastroscopy

ဘယ်လိုလုပ်နိုင်သလဲ
အားမနာတမ်းပြောရရင် အသည်းပျက်စီးပြီးသား ရင်းစားပြန်မရတော့ပါ။ ဆက်မတိုးအောင်သာလုပ်ပေးနိုင်ပါတယ်။ နောက်ဆက်တွဲဖြစ်စရာတွေကို ကာကွယ်ပေးနိုင်ပါတယ်။ ပိုးဝင်နေရင်ပိုးသေဆေးပေးမယ်။ ယားနေရင်၊ ဝမ်းချုပ်နေရင် ဆိုင်တဲ့ဆေးပေးမယ်။ အရက်ကြောင့်ဖြစ်ရသူက လုံးဝအရက်ဖြတ်လိုက်ပါ။ (ဘီ) ပိုး၊ (စီ) ပိုရှိသူက ဆိုင်ရာဆေးကုနည်း လုပ်ရပါမယ်။ Corticosteroids ဆေးကို Autoimmune hepatitis အတွက်ပေးမယ်။ Wilson's disease ဆိုရင် Chelation therapy (Penicillamine) ဆေးနဲ့ copper ကောပါးတွေကို သက်သာစေမယ်။ ကိုယ်ရောင်၊ ဖျင်းစွဲနေသူ အငန်ရှောင်ပါ။ ဆီးသွားစေတဲ့ဆေးသုံးတယ်။ Aldosterone antagonists (Apironolactone) နဲ့ Loop diuretics ဆေးတွေသုံးတယ်။ လိုအပ်သူကို ဗိုက်ထဲကအရည်ကို ဖေါက်ထုတ်ပေးရတယ်။ အစာမျိုလမ်းသွေးယိုရင် အရေးပေါ်ကုသရမယ်။ ဦးနှောက် ထိခိုက်တာကို ပရိုတင်းလျှော့စားစေရတယ်။

တခြားဆိုးတဲ့ရောဂါမရှိသူတွေက နောက်ဆုံးမှာ အသည်းအစားထိုးကုသရတော့ပါမယ်။ အမေရိကားမှာ တနှစ်ကို လူပေါင်း ၂၇ဝဝဝ သေဆုံးနေရတယ်။ ရောဂါနောက်ပိုင်းရောက်နေသူတွေထဲက ၁ဝ နှစ်နေရင် ၃၄-၆၆% သေဆုံးရတယ်။

မြန်မာနိုင်ငံသားတွေ ဘယ်မှာနေနေ အသည်းကောင်းကြပါစေ။

Cirrhosis အသည်းခြောက်ရောဂါ https://doctortintswe.blogspot.com/2014/11/cirrhosis.html
Cirrhosis Diet အသည်းခြောက် အစားအသောက် https://doctortintswe.blogspot.com/2014/12/cirrhosis-diet.html
Primary biliary cirrhosis အသည်းခြောက်ရောဂါ (၂) https://doctortintswe.blogspot.com/2017/08/primary-biliary-cirrhosis.html

ဒေါက်တာတင့်ဆွေ

Comments

Popular posts from this blog

Vaginal itching မိန်းမကိုယ် ယားခြင်း

(ကန်တော့ပါ)

၁။ ဆရာမင်္ဂလာအပေါင်းနဲ့ ပြည့်စုံပါစေရှင့်။ ကျွန်မကို တခုလောက်မေးခွင့်ပြုပါ။ ကျွန်မအသက် ၂၈ ထဲမှာပါဆရာ။ သမီးလေးတယောက် ရှိပါတယ်။ လွန်ခဲ့တဲ့ ၅ လလောက်ကစပြီး ကန်တော့ပါဆရာ မိန်းမကိုယ် တအားယားလို့ ဆေးတောင့်ဝယ်ပြီးထည့်ပါတယ်ဆရာ။ ထည့်တုန်းတော့သက်သာပြီး ရာသီပေါ်ခါနီးရင် ပြန်ယားပါတယ်ဆရာ။ ရာသီပြီးသွားရင်လဲ သွေးဆက်မဆင်းတော့ပေမယ့် အဖြူဆင်းသလိုမျိုး အညိုရာင်ဆင်းပြီး အရမ်းယားပါတယ်။ အခုနောက်ပိုင်းအနံ့ကပါ တော်တော်နံလာပါတယ်။ မရိုသေစကားပါ။ အခုဆိုနေ့တိုင်း daily pad သုံးပြီးခဏခဏ လဲပေးနေရပါတယ်။ မဟုတ်ရင် အနံ့ထွက်မှာစိုးလို့ပါ။ ကျွန်မဘာလုပ်သင့်ပါသလဲဆရာ။ စိတ်ပူတာတခုက သားအိမ်ကင်ဆာလက္ခဏာက အဲလိုမျိုးလားဆရာ။ ရန်ကုန်မှာဆရာဝန်တခါပြဖို့ကလဲ တိုကင်နံပါတ်ရာနဲ့ချီစောင့်ရတော့ ကလေးတဖက်နဲ့ ဘယ်လိုမှကိုမဖြစ်နိုင်လို့ လတွေတလပြီးတလ ကြာနေတာ တော်တော်ဆိုးနေပါပြီ။ ကျွန်မစာကို ပြန်ဖြေကြားပေးပါဆရ။ာ ကျေးဇူးတင်ပါတယ်။

၂။ ဆရာ မင်္ဂလာပါရှင့်။ ကျွန်မနာမည့့် ပါဆရာ။ အသက်က ၂၀ပါဆရာ။ အိမ်ထောင်သည်ပါ။ အိမ်ထောင်ကျတာ ၇ လရှိပါပြီဆရာ။ ဒီ ၃ရက်နေ့မှာ မိန်းမကိုယ်ယားယံလို့ဆေးခန်းပြခဲ့ပါတယ်။ Gynomix နဲ့သောက်ဆေးပေးလိုက်ပါတယ်။ သက်သာသွားပြီး အခုပြန…

Cervicitis သားအိမ်ဝ ရောင်ခြင်း

(ကန်တော့ပါ)

ဆရာရှင့် ကျမအသက် ၂၄ နှစ်ပါ။ အိမ်ထောင်ကျတာ ၄ နှစ်ပါ။ သားအိမ်ခေါင်ကင်ဆာ ရှိမရှိ စစ်ထားတာ အဖြေလွှာကို OG နဲ့ တပတ်နေမှပြရပါမယ်ရှင်။ သားအိမ်ခေါင်ကင်ဆာ ရှိမရှိ အရမ်းသိချင်နေလို့ တရိုတမေး မြန်းပါတယ်ဆရာရှင့်။
ကျေးဇူးပြုပြီး ပြန်လည်ဖြေကြားပေးပါနော်။ အဝေးနယ်က ကိုယ်ဝန်ကြီးနဲ့မို့ပါဆရာ။ (သားအိမ်ဝကင်ဆာစစ်ဆေး = ရောင်ရမ်းဖြစ်စဉ်ရှိ။ ကင်ဆာမရှိ။ ဆေးကုရင် ရက်ပိုင်းနဲ့ ပျောက်မယ်။ သားအိမ်ဝရောင်ခြင်းစာ ဘလော့မှာ ဖတ်နိုင်။)

၂။ ကျွန်မ ဆရာဆေးအကြောင်းတွေပတ်သက်ပြီး တင်တာလေးတွေ တွေ့လို့ အကူညီတောင်းမိတာပါ။ OG ကတော့ ပြောဘူးပါတယ်။ သားအိမ်ခေါင်းနဲနဲရောင်နေတယ်လို့ ကျွန်မ ဆိုးရိမ်မိတာက ခုလိုမျိုးပြည်တွေလိုဆင်းရင် သားအိမ်ကင်စာဖြစ်တတ်တယ်လို့ပြောကြိလို့ပါဆရာ။ (စိုးရိမ်မိတာလို့ရေးရတယ်။ သားအိမ်ကင်ဆာလို့ရေးရတယ်။)

၃။ သမီး ဒုတိယအကြိမ် Pap smear test မှာတော့ ကင်ဆာဖြစ်စေတဲ့ ဆဲလ်တော့မတွေ့ပါဘူး။ သားအိမ်ဝတော့ နည်းနည်းရောင်နေသေးတယ်လို့ပြောပါတယ်။ ဒါပေမဲ့ ဆီးစပ်နဲ့ခါးအောက်ပိုင်းတော့ကိုက်နေပါသေးတယ်။ ဆရာဝန်ကတော့ ပိုးသတ်ဆေးထပ်မပေးတော့ပါဘူး ဒါမျိုးက အချိန်ကြာကြာ ရောဂါအမြစ်မပြတ်ဘဲ ကိုက်ခဲမှုတွေ ဖြစ်တက်ပါသလားရှင့် သမီးသိချ…

To Get Pregnant သားသမီးလိုချင်သူများ၏ မေးခွန်းများ

(ကန်တော့ပါ)

ကိုယ်ဝန်မရသေးရင် ဇနီးရော ခင်ပွန်းကိုပါကြည့်ရတယ်။ အမျိုးသမီးက ရာသီလ မှန်နေရမယ်။ လစဉ်မျိုးဥထွက်နေရမယ်။ သားအိမ်နဲ့ မျိုးဥအိမ်တွေမှာ ရောဂါ (အလုံး-အကျိတ်-အိတ်) မရှိရ။ သားအိမ်ပြွန် ပွင့်နေရမယ်။ ကိုယ်အလေးချိန် များနေရင် လျှော့ပေးမယ်။ လည်ပင်းကြီးဟော်မုန်း လိုအပ်သူ စစ်ရမယ်။ လိုအပ်ရင် ယောက်ျားသုက်ရည်စစ်ရမယ်။

မျိုးဥထွက်ဆေးနေ့တိုင်းမေးကြတယ်။ မျိုးဥထွက်မနေသူတွေမှာလိုပါတယ်။ တချို့က ကလေးတယောက်မှမရသေးဘဲ အမွာလိုချင်လို့မေးကြတယ်။ ကိုယ်ဝန် ဘာကြောင့်မရသေးသလဲကို စစ်ဆေးကုသရမှာကအရင်ဖြစ်တယ်။

ကိုယ်ဝန်ရှိနေသူတွေက အထဲကကလေးကို ယောက်ျားလေးဖြစ်ချင်လို့ မိန်းကလေးဖြစ်စေချင်လို့ မေးကြတယ်။ သန္ဓေတည်ကတည်းက အထီး-မ ပြဋ္ဌာန်ပြီးသားဖြစ်ပါတယ်။

သားအိမ်ပြွန်ပိတ်နေရင် ကိုယ်ဝန်မရနိုင်ပါ။ သားအိမ်ပြွန်ပိတ်စေတဲ့ အကြောင်းရင်းတွေကတော့ Endometriosis သားအိမ်ရောဂါ၊ တင်ပါးဆုံတွင်းအင်္ဂါတွေရောင်ခြင်း၊ သားအိမ်အကျိတ်၊ သားအိမ်ပြင်ပသန္ဓေတည်ခြင်း၊ ဗိုက်ခွဲခြင်း၊ ဗိုက်ခွဲကလေးမွေးခြင်း၊ မျိုးပွါးလမ်း တီဘီဖြစ်ခြင်း။

မျိုးဥအိမ်မှာရောဂါရှိနေရင် ကိုယ်ဝန်ရဘို့ ခက်ခဲတယ်။ သားအိမ်မှာ အလုံးအကျိတ်ရှိနေရင်လည်း ကိုယ်ဝန်ရဘို့ခက်နိုင်တယ်။

တချို့က ဖေါလစ်…