Rail track ရထားလမ်း
မြန်မာပြည်မှာနေစဉ်က မုံရွာ-မန္တလေး မီးရထား ခဏခဏစီးခဲ့ရတယ်။ ၃ ကျပ် ပြား ၆ဝ ပေးရတယ်။ မန္တလေး-ရန်ကုန်လည်း မီးရထားနဲ့သာ သွားရတာများတယ်။ ရထားလက်မှတ်က အတော်ကိုခက်တယ်။ ရန်ကုန်မြို့ပတ်ရထားလည်း စီးခဲ့တယ်။ မြန်မာပြည်ကရထားလမ်းတွေက လမ်းကျဉ်းအမျိုးအစား။
အိန္ဒိယရောက်တော့ လမ်းကျယ်ရထားတွေစီးရတယ်။ ဒေလီနဲ့ နယ်စပ် ရထားနဲ့သာသွားရတာများတယ်။ အကြမ်းပြောရရင် ၂ ညအိပ်ခရီး။ ရထားလက်မှတ် ခက်တတ်တယ်။ အဆင်ပြေတာများပါတယ်။ သက်တောင့်သက်သာ ရှိတဲ့အခါရှိ။ ခက်ခဲပင်ပန်းတဲ့အခါလည်းရှိတယ်။ အိန္ဒိယမှာ ရထားလမ်းဘေးက ညစ်ပတ်တာများတယ်။
ယူအက်စ်အေမှာ ရထားနဲ့ခရီးသွားကြာတာ အတော်ကိုနည်းတယ်။ ကုန်တွေပဲပို့တယ်။ ရထားလမ်းကလည်းကျယ်၊ ကုန်တွဲတွေကလည်း ကြီးတယ်ထင်တယ်။ တခါတခါ ရှည်လိုက်တဲ့ တွဲတွေ။ ကုန်အပြည့်နဲ့ နေ့တိုင်းသွားလာနေတာ သူတို့တိုင်းပြည်စီးပွါးရေးကို မှန်းကြည့်လို့ရတယ်။ ရထားလမ်းပေါ် လမ်းမလျှောက်ရပါ။ လမ်းဘေးလည်းမလျှာက်ရ။ ညစ်ပတ်တာတွေမရှိပါ။
မီးရထားတခုတည်းနဲ့ တိုင်းပြည်တွေအဆင့်အတန်း အကြမ်းဖျဉ်းမှန်းလို့ရတယ်။ မြန်မာပြည်မှာတော့ နေပြည်တော်သွား ကားလမ်းသာကျယ်တယ်တဲ့။ ရထားလမ်းကျယ်ခေတ်ကို စောင့်နေမိတယ်။ ရထားလမ်းဘေး သန့်ရှင်းတဲ့ခေတ်ကိုလည်း မျှော်နေမိတယ်။ ကြိုးစားကြရမယ်။ တိုင်းပြည်စီးပွါးရေးပါပဲ။
ဒေါက်တာတင့်ဆွေ
၂၁-၇-၂ဝ၁၅
၂၁-၇-၂ဝ၁၇
Comments
Post a Comment