Sigmoiditis အူမကြီးရောင်ခြင်းတမျိုး

အသက် ၂၉ပါ အိမ်ထောင်ရှိပါတယ် အသားစစစ်တဲ့အဖြေကရောဆရာ ကင်ဆာအဖြစ်ပြောင်းလာနိုင်လား ထပ်ပွားလာနိုင်လားဆရာ အူမကြီးမှန်ပြောင်းကြည့်ပြီး အသားစအဖြေပါဆရာ ကျမဖြစ်တဲ့အသားပိုက ကင်ဆာအဖြစ် ပြောင်းနိုင်တဲ့ အမျိုးအစားလား နောက်ထပ် ပွားလာနိုင်တဲ့ အမျိုးအစားလားဆရာ ကျေးဇူးပြုပြီးဖြေပေးပါဆရာ

အရင်ကတယောက်မေးလို့ ရေးထားတာရှိတယ်။

• ဆရာရှင့် အသက် ၂၈။ အိမ်ထောင်ရှိအမျိုးသမီးပါ။ ဝမ်းသွားပြီးလည်း ကျန်သလိုခံစားရပါတယ်။ ၃ ရက်ရှိပါပြီ။  ဒီနေ့ဝမ်းလျှောသလိုဖြစ်ပြီး အကြည်ရောင်အချွဲနဲ့ သွေးမျှင်လေးတွေနဲနဲပါလာပါတယ်။ ဝမ်းကိုက်တာပါလားသိချင်ပါတယ်။

• မသိနိုင်သေး။ ၀မ်းကိုက်ရင် အကြိမ်များမယ် ဗိုက်နာမယ်။ သွေးနဲ့ အချွဲ ပါမယ်။

• အဖြေလေးသိချင်ပါတယ်

• အူမကြီး ရောင်နေ။

• နာတာရှည်လားရိုးရိုးလားဆရာမသိလို့ပါ

• နာတာရှည်။ ဆောရီး။

• ဆရာရှင့် နာတာရှည်အူမကြီးရောင်တာက ကြာရင်ကင်ဆာဖြစ်သွားတတ်ပါသလား

• ဖြစ်နေတာကို ကုသသလား မသိ။ ကင်ဆာဆိုတာ စစ်မှသာသိနိုင်။

• ဆရာရှင့် ဆရာဝန်ညွှန်လို့ biofibre နဲ့ air x သောက်နေပါတယ်။ ဝမ်းကိုက်တာမျိုးမဟုတ်ပဲ ဝမ်းခဏခဏ သွားချင်ပါတယ်။ သွားတိုင်လဲ ပုံမှန်ဝမ်းပါဘဲ ဆေးကြောင့်လားသိချင်ပါတယ်။

• အရင်စာထဲပါ ရောဂါကြောင့်ဖြစ်နိုင်။

• နာတာရှည်အူမကြီးရောင်ရောဂါလာဆရာ

အူမကြီးဆိုတာ အထက်ကိုသွားတဲ့အပိုင်း၊ ကန့်လန့်သွားအပိုင်းနဲ့ အောက်ကိုဆင်းတဲ့အပိုင်းလို့ရှိတယ်။ အခုရောဂါက အဆုံးပိုင်းမှာရောင်တာ။ ဆစ်ဂမွိုက်ဒိုက်တစ်လို့ခေါ်တယ်။ အစပိုင်းမှာ အူအတက်ရှိတယ်။

ရက်တိုရောင်တာနဲ့ နာတာရှည်ရောင်တာလို့ရှိတယ်။ အမျိုးအစား မတူတာတွေရှိတယ်။ catarrhal or erosive sigmoiditis, ulcerative sigmoiditis, spasmodic sigmoiditis, paralytic sigmoiditis လို့ရှိတယ်။

တချို့မှာ နာမယ်။ ဗိုက် ဘယ်ဖက် အောက်နားမှာ။ ကျော်နဲ့ ခြေထောက်အထိနာတာခံစားရနိုင်တယ်။ ဝမ်းပျက်မယ်။ တချို့မှာ ဝမ်းချုပ်တယ်။ လူအနေအထားအပြောင်းမှာ ဝမ်းသွားချင်စိတ်ဖြစ်တတ်တယ်။ ဝမ်းထဲမှာ အချွဲနဲ့ သွေးပါနိုင်တယ်။ လူက အားကုန်နေမယ်။

ရက်တိုဖြစ်တာ ရုတ်တရက်ဖြစ်တယ်။ ဝမ်းအရည်သွားမယ်။ အချွဲနဲ့ သွေးပါမယ်။ ဗိုက်ရစ်နာမယ်။ ပျို့ချင်မယ်။ အန်မယ်။ ကိုယ်ပူနိုင်တယ်။

ဖြစ်စေတဲ့အကြောင်းရင်းက အစာလမ်းပိုးဝင်ရာကနေစတယ်။ ဝမ်းကိုက်ပိုးလည်းပါတယ်။ Crohn’s disease ခရုမ်းရောဂါ၊ ulcerative nonspecific colitis အူမကြီးအနာကနေဆက်ဖြစ်တာလည်းရှိတယ်။ အစာလမ်းသွေးမဝလို့လည်းဖြစ်တယ်။

ကုသရာမှာ ဘာကနေဖြစ်သလဲအပေါ်မူတည်တယ်။ အာဟာရနည်းနေတာကိုတော့ ဖြည့်ရမယ်။ antibacterial ပိုးသေဆေးတွေ၊ antispasmodic အနာသက်သာဆေးတွေနဲ့ astringent agents ဆေးတွေပေးတယ်။

Proctosigmoiditis အူမကြီးရောင်ခြင်းဆိုတာ ulcerative colitis ခေါ် အူမကြီးမှာအနာဖြစ်တာတမျိုးဖြစ်တယ်။ sigmoid colon အစိတ်အပိုင်းမှာဖြစ်တယ်။ အူမကြီးအဆုံးပိုင်းဖြစ်ပြီး အောက်မှာ အစာဟောင်းအိမ်ရှိတဲ့နေရာ။ ulcerative proctitis လို့လည်းခေါ်တယ်။ ulcerative colitis ထဲက ၅ဝ% ဟာ proctosigmoiditis ဖြစ်တယ်။

ဘာလို့ဖြစ်ရသလဲ သေချာ မသိသေးပါ။ မိသားစုထဲမှာ တယောက်မကတွေ့တတ်တယ်။ မြင့်တဲ့အရပ်ဒေသမှာနေသူတွေက ပိုဖြစ်ကြတယ်။ ဖွံ့ဖြိုးမှု မနိမ့်တဲ့ဒေသမှာနေသူတွေမှာ ပိုဖြစ်တယ်။ Salmonella နဲ့ Campylobacter ပိုးတွေ ကူးစက်ခံရဖူးသူတွေမှာ ပိုဖြစ်တယ်။

မကြာခဏ ဝမ်းလျှောမယ်။ တနေ့ ၄ ကြိမ်ကသွားမယ်။ တခါတလေ သွေးပါမယ်။ ဝမ်းသွားချင်စိတ်ဖြစ်နေမယ်။ ဗိုက်အောင့်မယ်။ ကိုယ်ပူနိုင်တယ်။ ကိုယ်အလေးချိန်ကျမယ်။ တခါတလေ ဝမ်းချုပ်မယ်။

Colonoscopy ကရိယာနဲ့စစ်ဆေးရင် တွေ့မယ်။

5-aminosalicylic acid (5-ASA) ဆေးပေးတယ်။

Mesalamine ခေါ် အရောင်ကျဆေးသုံးနိုင်တယ်။ Lialda ဆေး၊ Asacol ဆေး၊ Pentasa ဆေး၊ Apriso ဆေး၊ Delzicol အမည်တွေနဲ့လာတယ်။

Corticosteroids စတီရွိုက်စားဆေးလည်း သုံးတတ်တယ်။  infliximab (Remicade) ဆေးလည်းသုံးတယ်။

ဆိုးတဲ့လူနာကို ဆေးရုံတင်ကုသရတယ်။ တချို့ကို ခွဲစိတ်ပေးမယ်။

Ulcerative colitis ဆိုရင် တချိန်မှာ Colorectal cancer အူမကြီးကင်ဆာဖြစ်လာနိုင်တယ်။ Proctosigmoiditis အူမကြီး အောက်ပိုင်းရောင်တာကနေတော့ ကင်ဆာမဖြစ်ပါ။ Proctosigmoiditis ရောင်နေသူတွေကို ပျောက်အောင်အထိ ကုသလို့ မရနိုင်သေးပါ။ ဆောရီး။

ဒေါက်တာတင့်ဆွေ

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး