Monday, November 19, 2018

Healing Day တန်ဆောင်မုန်းလပြည့်နေ့

တန်ဆောင်မုန်းလပြည့် နီးလာပြီ။ လှူကထိန်သင်္ကန်းနှင့်၊ မဂ်လမ်းတဲ့ဆုပန်ရွယ် ရာသီပွဲတော်အဆုံးမှာ တန်ဆောင်မုန်းလ ပြည့်ပါတယ်။ ကောင်းကင်မှာ မိုးသားကင်းစင်ပြီး နက္ခအပေါင်းစုံတဲ့အခါသမယပါ။ ဆီးနှင်းတပြိုက် မိုးတလိုက်ဆိုပေမယ့် ဆီးနှင်းကလဲ ထူထဲခြင်းမရှိ၊ မိုးကလဲသည်းထန်ခြင်းမရှိလှပါ။ ခြေခင်းလက်ခင်း သာယာလှတဲ့ လွန်ခဲ့တဲ့ တန်ဆောင်မုန်း လပြည့်ဝန်းကျင်မှာ ပုဂံ၊ ညောင်ဦး ဘုရားဖူးသွားခဲ့ဘူးတာ ၁၉၈ဝ မတိုင်ခင်ကလို့ ပြန်တွက်ယူရတယ်။

 ခဝဲပွင့်တုန်း တန်ဆောင်မုန်းလို့စာဆိုရှိပါတယ်။ ဒီလထဲမှာပဲ ကြာ၊ ပြည်ပန်းညို၊ မယ်ဇလီနဲ့ နှင်းပန်းတွေလဲ ပွင့်ကြတယ်။ လူငယ်တွေက ကျီးမနိုးပွဲနဲ့ ပျော်ကြမယ်။ စေတနာထက်သန်သူတို့က ပံသုကူအလှူလဲလုပ်ကြမယ်။ နောက်ထုတ် သတ်ပုံစာအုပ်တွေမှာ ပံ့သကူ၊ ပံ့သကူပစ်လို့ပေါင်းတယ်။ အရင်ထုတ်စာအုပ်ထဲမှာ ပံသုကူသင်္ကန်း၊ ပံသုကူစွန့်သည်လို့ ပေါင်းတယ်။

ပံသုကူအလှူလုပ်ကြတာကို ငယ်ငယ်က မုံရွာမှာ အလွန်ပျော်တယ်။ မန္တလေး အလေ့အထကတော့ ဆီးဖြူသီးနဲ့ ငါးပိကြော်ဝေတယ်။ အလွန်နှစ်ခြိုက်တယ်။ စစ်ကိုင်းတောင်မှာ ညလုံးပေါက်ဖဲဝိုင်းတွေရှိတယ်။ ဖရောင်းတိုင်လေးတွေနဲ့ မှောင်မှောင်မည်းမည်း ဘုရားတွေထဲမှာ တက်ကြဆင်းကြတယ်။ တခါတိတိသွားဖူးတယ်။

မြတ်စွာဘုရား သက်ရှိထင်ရှားရှိစဉ်ကာလက တန်ဆောင်မုန်းလပြည့်နေ့မှာ သာမညဖလသုတ်ဟောခဲ့ရတဲ့ကြောင်းက အဇာတသတ်မင်းသားပါ။ သူ့မှာ ကံကြီးထိုက်ပြီး အိပ်မပျော်တဲ့ဝေဒနာ စွဲကပ်နေပါတယ်။ သမားတော်ကြီး ဇီဝက လှူထားတဲ့ ရာဇဂြိုဟ်မြို့အပြင် သရက်ဥယျာဉ်မှာပဲ ရဟန်းပြုခြင်းအကျိုးကို မြတ်စွာဘုးရားက ဟောကြားတော်မူခဲ့ပါတယ်။

ဇီဝကလိုတော်လှတဲ့သမားတော်က ကုမရတဲ့ ရောဂါကိုတရားတော်နဲ့ ပျောက်ကင်းစေခဲ့တယ်။ ကမ္မဌာန်းရိပ်သာတွေ ကမ္ဘာအနှံ့တည်ထောင်ခဲ့တဲ့ ဦးဂိုအင်ဂါလဲ ဆရာဝန်တွေက ပျောက်အောင်မလုပ်နိုင်တဲ့ဝေဒနာကို ဝိပဿနာရှုနည်းနဲ့  ကုစားနိုင်ခဲ့တယ်။

ကနေ့ခေတ်မှာ ကုမရတဲ့၊ အကုရခက်တဲ့ ရောဂါတွေများလှတယ်။ ကုထုံးနည်းနာတွေရှိပေမဲ့လဲ ကုန်ကျစရိတ်က များလွန်းတာတွေရှိတယ်။ ဆိုးဝါးပြင်းထန်တဲ့ရောဂါတွေအကြောင်းမေးသူတိုင်းကို စိတ်ကိုအပြုသဘောထား၊ ကံတရားလည်း အားကိုးပါလို့ အဖြေအဆုံးမှာ ရေးပေးပါတယ်။

တန်ဆောင်မုန်းလပြည့်နေ့ဟာ ဆေးပေါင်းခတဲ့နေ့ဖြစ်လို့ ဒီလမှာပွင့်တဲ့ မယ်ဇလီဖူး၊ မယ်ဇလီပွင့်တွေကို သုပ်စားရင် ရောဂါမျိုး (၉၆) ပါးကင်းတယ်လို့ယူဆကြသည်။ ယုံကြည်စိတ်ကနေ ရောဂါဝေဒနာသက်သာရေးမှာ အထောက်အကူပြုမှာ အမှန်ပါ။

ကျွန်တော့်မိသားစု ဒေလီရောက်ကာစနှစ်က တန်ဆောင်မုန်းလပြည့်မှာ မယ်ဇလီဖူးသုပ်တယ်။ အသိ မြန်မာပြည်ပြန် အိန္ဒိယမိသားတစုအိမ်ကိုပါ သွားပေးတယ်။ နောက်နေ့တွေ့တော့ စားကောင်းရဲ့လားမေးတော့ ကောင်းတယ်။ ချတ်တနီနဲ့ ရောစားလိုက်တယ်တဲ့။ ဟာ့့

မယ်ဇလီကို Senna siamea လို့ခေါ်တယ်။ Siamese cassia လို့လည်းခေါ်တယ်။ အပင်ကို kassod tree, cassod tree နဲ့ cassia tree လို့ခေါ်တယ်။

အခုရောက်နေတဲ့အရပ်မှာတော့ မယ်ဇလီအပင်၊ အပွင့်၊ အဖူး၊ မူးလို့တောင်ရှူစရာမရှိပါ။ ဒီနှစ်မှာ ဗူးနဲ့လာတဲ့ မယ်ဇလီဖူးသုပ်နဲ့ ညားမညား မသိပါ။ မြန်မာပြည်သားတွေ ဘယ်မှာနေနေ ဆေးပါင်းခတဲ့ညကစပြီး ဝေဒနာတွေ ကင်းစင်ကြပါစေ။

ဒေါက်တာတင့်ဆွေ
၁၉-၁၁-၂၀၁၈

No comments:

Post a Comment

Note: Only a member of this blog may post a comment.

အရွက် နှင့် အပွင့်

အရွက်တွေသာ ရှိစဉ်က အတူတူ အစိမ်းရောင်သာ။ ပွင့်လာတော့ အရောင်အမျိုးမျိုး။ အဲလိုပါပဲ။ ကိုယ့်သားသမီးတွေ၊ ကိုယ်စာသင်ပေးလိုက်တဲ့ ကျောင်းသူကျောင...