Pineapple and Pregnancy နာနတ်သီးကို ဖြီးဖြန်းရေးနေကြခြင်း
(စ) ကိုယ်ဝန်ဆောင်ချိန်အတွင်း နာနာသီးကို လွန်ကျွံစွာ စားသုံးခြင်းက မိခင်ကိုယ်ခံအားအတွက် အနှောင့်အယှက် ဖြစ်စေပါတယ်။ နာနတ်သီးမှာ bromelain ဓါတ်တွေများစွာ ကြွယ်ဝပြီး သားအိမ်ခေါင်းကို ပျော့စေကာ ကလေး စောစီးစွာ မွေးဖွားနိုင်ပါတယ်။ တော်သင့်ရုံ စားသုံးခြင်းက ကလေးမွေးဖွားမှုအတွက် အကျိုးသက်ရောက်မှု မရှိသော်လည်း အလွန်အကျွံစားလျှင်တော့ မကောင်းပါဘူး။ အမျိုးသမီး အများစုဟာ နာနတ်သီးဖျော်ရည် များများသောက်သုံးခြင်းက မွေးဖွားရာတွင် လွယ်ကူစေတယ်လို့ ယူဆကြပါတယ်။ လုံးဝမှားပါတယ်။ ဒီလိုတွေ အလွန်အကဲ သောက်သုံးခြင်း၊ စားသုံးခြင်းက မိခင်အတွက်ရော ကလေးအတွက်ပါ မကောင်းတာကြောင့် ဒီလိုပြုမူမှုတွေကို ရပ်သင့်ပါပြီ။ မဖြစ်မနေစားချင်လျှင်တောင် အနည်းငယ်လေးမျှသာ စားသုံးပါလို့ တိုက်တွန်းလိုက်ပါတယ်။ (ဆုံး)
ဘယ်သူကရေးသလဲ မသိ။ Bromelain ဘရိုမလိန်းဆိုတာ အင်ဇိုင်းတမျိုးဖြစ်တယ်။ နာနတ်သီးထဲမှာပါတာ ဟုတ်တယ်။ ဆေးအဖြစ်သုံးတာရှိတယ်။ ရောင်ရမ်းဖြစ်စဉ်ကိုသက်သာစေတယ်။ အထူးသဖြင့် နှာခေါင်းရောင်တာ၊ ဆိုင်နပ်စ်၊ ခွဲစိတ်ပြီး၊ ထိခိုက်ဒဏ်ရာတွေနဲ့ ကြွက်သားနာခြင်းအတွက် သုံးတယ်လို့ WebMD မှာရေးထားတယ်။ ကလေးမွေးတာမပါ။
အသည်းရောင်ဘီပိုးဟာ သွေးကနေကူးစက်တယ်။ ဘီပိုးရှိမိခင်ကနေ မွေးလာတဲ့ကလေးကို မွေးဖွါးဖြစ်စဉ်အတွင်းမှာ ကူးစက်နိုင်တယ်။ ဆေးထိုးအပ်ကနေလည်း ကူးတယ်။ တက်တူးထိုးတာ၊ ကွင်းတပ်တာ၊ မူးယစ်ဆေး ထိုးတာတွေကနေ ကူးတယ်။ တံတွေး၊ ရာသီသွေး၊ ဗဂျိုင်းနာအရည်၊ သုက်ရည်တွေထဲမှာ ပိုးတွေပါနေတယ်။ လိင်ကတဆင့် ကူးတယ်။
ဆေးရုံ၊ ဆေးခန်း၊ ဓါတ်ခွဲခန်းမှာ အလုပ်လုပ်နေသူတွေ သွေးကတဆင့် ကူးစက်နိုင်တယ်။ နာနတ်သီးသည်ဆီကနေ ကူးတယ်လို့ မတွေ့ပါ။
ကိုယ်ဝန်နဲ့ သဘောင်္သီး မေးကြတယ်။ နာနတ်သီးစားရင် ကိုယ်ဝန်ပျက်သလား၊ စောမွေးသလား မေးတယ်။ အဲလိုပြောတာ ရှေးကမိန်မကြီးတွေပြောတဲ့ ယုံတမ်းစကားဖြစ်တယ်လို့ အင်္ဂလိပ်လို ရေးထားတယ်။ ဖေ့စ်ဘွတ်မှာ အဲလိုရေးကြတာ ခေတ်အမျိုးသမီးတွေသာဖြစ်မယ်။
လူတယောက်စားတဲ့ နာနတ်သီးထဲမှာပါတဲ့ Bromelain ဓါတ်ဟာ ပရိုတင်းဓါတ်ကိုဘရိတ်ဒေါင်းလုပ်နိုင်လောက်အောင် မများပါ။ သုတေသနလုပ်ပြီးမှ အဲလိုပြောတာပါ။
ကျန်းမာရေးအသိပေးသူတွေ စေတနာသာမက ပညာအသိရှိသင့်တယ်။ အမှားတွေလိုက်ဝေနေတာ ပညာမဟုတ်။ စေတနာယုတ်။ ဂျာနယ်ရောင်းရအောင်၊ ကိုယ့်ဂရုလူကြည့်များအောင်နဲ့တော့ မဟုတ်တန်းတရားတွေ မရေးသင့်ကြပါ။
သင်္ဘောသီးနဲ့ ကိုယ်ဝန် မေးခွန်း http://doctortintswe.blogspot.com/2017/06/blog-post_88.html
ဒေါက်တာတင့်ဆွေ
၂၁-၆-၂ဝ၁၇
၂၄-၁၁-၂၀၁၈
Comments
Post a Comment