Female Orge စန္ဒမုခီ
မန္တလေးတောင် စောင်းတန်းလှေခါး ရေတွက် ပြေးတက်ခဲ့ရတာ ခုနစ်တန်းကျောင်းသားဘဝမှာ။ အခေါက်ခေါက်အခါခါ ကျန်စစ်သားခြေဖဝါး အနားသွားတိုင်းမှာ ဝါးလုံးထောက်ခုန်ချင်ခဲ့မိပါ။ ဘိလပ်ရေနဲ့ ရွှေရင်အေး ပိုက်ဆံပေးမသောက်ရတာ ၂၇ နှစ်ကြာ။ မြွေကြီးနှစ်ကောင်အရောက် အမောဖြေ လေရှူခဲ့ရတာ မမေ့ပါ။ ဆေးစိမ်းသုတ်ထားတဲ့ ဘီလူးမရုပ် လက်နဲ့ မပုတ်ရဲခဲ့ပါ။
ရှင်အာနန္ဒာ ဒေသစာရီကြွချီတော်မူစဉ်က စန္ဒမုခီဘီလူးမဟာ ကြည်ညိုသဒ္ဓါပွါးပြီး သူ့ရဲ့ရင်သားအစုံကို ဖြတ်လှူခဲ့တယ်။ ရှင်အာနန္ဒာက မန္တလေးတောင်ပေါ်ကနေ လက်ညှိုးညွှန်ပြီးသကာလ ဒီအရပ်မှာ နောင်တချိန်မှာ သာသနာ့ဒါယိကာမင်းနဲ့ သာသနာတော် စည်ပင်ထွန်းကားလိမ့်မယ်လို့ ဗျာဒိတ်တော်ထားခဲ့တယ်။
မြန်မာပြည်ထဲမှာနေရစဉ်က ဆရာဝန်ဘဝ ရင်သားကင်ဆာလူနာတွေကို ခွဲစိတ်ဖြတ်တောက်ပေးတိုင်းမှာ စန္ဒမုခီဇာတ်လမ်းကို သတိရခဲ့ပါတယ်။ အလည်ပြန်တော့ ဓါတ်ပုံရိုက်ခဲ့သေးတာ အလွယ်နဲ့ပြန်ရှာမရလို့။ ရင်သားကင်ဆာ ကျဆုံးပါစေ။
ဒေါက်တာတင့်ဆွေ
၁၉-၁၁-၂ဝ၁၇
၁၉-၁၁-၂ဝ၁၈
Comments
Post a Comment