Pregnancy and Rubella ကိုယ်ဝန် နှင့် ဂျာမန်ဝက်သက်

၁။ ဆရာ ကျွန်မ့့ မှာနေတာပါ အသက်က ၃၂နှစ်။ ကလေးတယောက်ရှိပါတယ်။ ဟိုနေ့က သွေးစစ်လိုက်တာ သွေးထဲမှာ ဓါတ်တစ်ခုကနည်းနေတယ်ပြောတယ် ဆေးထိုးရမယ်တဲ့။ အဲ့ဆေးထိုးပြီးရင် ၃လအတွင်း ကိုယ်ဝန်ဆောင်လို့လဲ မရဘူးတဲ့။ ထိုးတဲ့ဆေးက MMR လို့တော့ရေးထားတယ်။ တရုတ်လိုလဲသိပ်မတတ်တော့ ဘာဖြစ်တာလဲ နားမလည်ဘူးဆရာ။ ဆေးစစ်ထားတဲ့ result နဲ့ ထိုးရတဲ့ဆေးကို ပုံရိုက်ပြီး attachment နဲ့ပို့လိုက်ပါတယ်။ ဆရာရှင်းပြပေးပါနော် ကျေးဇူးတင်ပါတယ်။

၂။ ကျွန်မသူငယ်ချင်း ကိုယ်ဝန် ၃ လပါ၊ မနေ့က ဆေးရုံရက်ချိန်းသွားပြတာ ချိုက်သိုးဖြစ်နေတယ်ပြောပြီး သောက်ဆေးပေးလိုက်ပါတယ်။ ချိုက်သိုးဆိုတာ ဘယ်လိုရောဂါ၊ ဘာကြောင့်ဖြစ်တယ်၊ ဆောင်ရန်ရှောင်ရန်တွေကို ညွှန်ကြားပေးစေချင်ပါတယ် ဆရာ။ ကျွန်မတို့အဝေးမှာ ဘာသာစကား အခက်အခဲရှိလို့ပါဆရာ။

၃။ ဆရာရှင့် မနေ့က ကိုယ်ဝန်သွားအပ်ပါတယ်။ အွန်လိုင်းမှာအဖြေဝင်ကြည့်တာနားမလည်ပါ။ သူတို့ကတော့ နောက် တခေါက်မှ ပြောပြလိမ့်မယ်လို့ထင်ပါတယ်။ ပုံပို့လိုက်ပါတယ်ဆရာ။ ဘာရေးထားလဲမသိပါ။

၎။ မင်္ဂလာပါဆရာ ကျွန်မ ယခင်တပတ်က ဆရာကို morning sickness အကြောင်း မေးခဲ့ပါတယ်။ အသက်က ၃၁ နှစ် ကိုယ်ဝန်က ၇ ပတ်ပြည့်ခါနီးပါပြီ။ ပထမဆုံးကိုယ်ဝန်ပါဆရာ။ Rubella (German measles) တွေ့တယ်လို့ပြောပါတယ်။ ကျွန်မတခါမှ Rubella symptoms မျိုး မခံစားခဲ့ဘူးသလို ဖြစ်လဲမဖြစ်ခဲ့ဘူးပါ။ GP ကတော့ ကလေးမွေးပြီးမှ ကျွန်မကို ဆေးထိုးလို့ရမယ်လို့ ပြောပါတယ်။ ကိုယ်ဝန်ဆောင် ကာလအတွင်းမှာ ကလေးကို တစုံတရာ ထိခိုက်နိုင်ပါသလားဆရာ။ ဘာတွေကိုရှောင်ရမလဲဆရာ။ အရမ်းစိုးရိမ်လို့ပါ။

၅။ ဒေါက်တာရှင့် Low Rubella Immunity ဆိုတာ ဘာဖြစ်တာလည်း၊ ဘာဆိုးကျိုးတွေ ဖြစ်နိုင်ပါသလဲရှင်။ ကျမ ကိုယ်ဝန် ၈ ပတ်ဆေးစစ်တော့ Low Rubella Immunity ၂၃ ပဲ ရှိပါတယ်။ ဆရာဝန်ကတော့ ကလေး မီးဖွားပြီးမှ အဲ့ဒါ နည်းတာကို ဆေးထိုးပေးမယ် ပြောပါတယ်။ ဘာတွေလုပ်ရမလဲ သိပါရစေ။

Rubella ရူဘဲလားကို ဂျိုက်သိုးလို့လည်းခေါ်တယ်။ ခပ်နီနီဆိုတဲ့ လက်တင်စကားကနေလာတာပါ။ ဂျာမန်ဆရာဝန်ကနေ တွေ့လို့ German measles ဂျာမန်ဝက်သက်ရောဂါလို့ခေါ်တယ်။ Three-day measles သုံးရက်ဝက်သက်လို့လဲ ခေါ်သေးပါတယ်။ ရူဘဲလားဗိုင်းရပ်စ်ကနေဖြစ်စေတယ်။ သိပ်မဆိုးဘဲ တချို့ဆို မသိလိုက်ဘဲ ပျောက်သွားတယ်။ ၃ ရက်မကြာတတ်ပါ။

ကိုယ်ဝန်အပ်တဲ့အခါ Rubella immunity test စမ်းသပ်ရမယ်။ စမ်းလို့ မိခင်မှာ ရောဂါပြီးတာ မတွေ့ရရင် တခါထဲတော့ ကာကွယ်ဆေး မထိုးဘူး။ ဒီကာကွယ်ဆေးက ရောဂါပိုးအရှင်နဲ့ ဖေါ်စပ်ထားလို့ ကလေးဆီ ရောက်သွားမှာ စိုးလို့ပါ။ ရှားတော့ ရှားသွားပါပြီ။

ရူဘဲလားဆိုတာ နှာချေ၊ ချောင်းဆိုးကနေ ကူးစက်တယ်။ ရောဂါလက္ခဏာတွေ သိပ်တော့ မဆိုးပါ။ ကိုယ်ပူ၊ ခေါင်းကိုက်၊ အဆစ်နာ၊ လည်ချောင်းနာမယ်။ လည်ပင်းတဝှိုက် တက်စေ့တွေ ရောင်ရင် အနီစက်တွေ ပေါ်မယ်။ ကိုယ်ဝန်ဆောင် (၄) လအောက်မှာ ဂျာမန်ဝက်သက်ရောဂါရရင် ကလေးအတွက် မကောင်းဘူး။ ကိုယ်ဝန်ပျက်တတ်တယ်၊ ကလေးရဲ့ ကိုယ်အင်္ဂါတွေကိုပါ ထိခိုက်စေတတ်တယ်။ နားမကောင်းတာ၊ ဦးနှောက်ချို့ယွင်းတာ၊ နှလုံးမကောင်းတာ၊ မျက်စိတိမ်ဖြစ်တာတွေပါတယ်။ မအေကနေ ကလေးကို အချင်းကတဆင့် ကူးသွားလို့ ဖြစ်ရတာပါ။

ကိုယ်ဝန် ပဌမ ၃ လအတွင်း ရောဂါရရင် အထဲကကလေးကို ၉ဝ% ကူးစေနိုင်တယ်။ ကိုယ်ဝန်ရင့်လာလေလေ ကလေးကိုကူးမှာ စိုးရိမ်ရတာ နည်းလေလေဖြစ်တယ်။ ကိုယ်ဝန်ရှိနေပြီ၊ ကိုယ့်မှာ ရောဂါလည်း မပြီးသေးဘူးဆိုရင် အနေအထိုင်၊ အသွားအလာ ဆင်ခြင်ပါ။ ရောဂါရှိသူတွေနဲ့ ဝေးဝေးနေပါ။ အမျိုးသမီးတိုင်း အိမ်ထောင်မပြုခင် Blood tests for rubella immunity လုပ်သင့်ကြတယ်။ ရောဂါမပြီးသူတိုင်း ကိုယ်ဝန်မယူခင် ၃ လစောပြီး ကာကွယ်ဆေးထိုးပါ။ ကာကွယ်ဆေး ထိုးပြီး တလအတွင်းမှာ ကိုယ်ဝန်မဆောင်သေးတာ ကောင်းတယ်။ စိတ်ချရအောင် ၃ လ စောင့်ပါ။

သွေးစစ်နည်းက ရူဘဲလားဗိုင်းရပ်စ်ကြောင့်ရနေတဲ့ အင်တီဘော်ဒီကိုစစ်တာဖြစ်တယ်။ ရှိနေသူတိုင်းမှာ စိုးရိမ်စရာမရှိပါ။ ကိုယ်ဝန်မှာစမ်းတွေ့ရင်တော့ အထဲကကလေးဆီရောဂါကူးစက်နိုင်တယ်။ Congenital rubella syndrome ခေါ် မွေးရာပါချို့ယွင်းချက်နဲ့ကလေးမွေးနိုင်တယ်။ မျက်စိတိမ်၊ တခြားမျက်စိရောဂါ၊ နားရောဂါနဲ့ နှလုံးရောဂါဖြစ်နိုင်တယ်။ ကိုယ်ဝန်ပျက်ကျနိုင်တယ်။ အသေမွေးနိုင်တယ်။ ကာကွယ်ဆေးထိုးရမယ်။ ကာကွယ်ဆေးထိုးထားရင်လည်း တွေ့မယ်။

ကိုယ်ဝန်မဆောင်မီကတည်းကစစ်သင့်တယ်။ Rubella blood test Positive ဆိုတာ 10 IU/mL IgG antibodies ထက် များတာကိုခေါ်တယ်။ 0.9 IgM antibodies ထက်နည်းရင် ရောဂါခုခံအာမရှိသေသူဖြစ်တယ်။ 1.1 IU/mL IgM antibodies ကျော်သူဟာ လတ်တလောကူးစက်ခံထားရသူဖြစ်မယ်။ တချို့ဓါတ်ခွဲခန်းတွေက 9.99 ဆိုရင် မရှိတာ၊ 10.0 ကနေ 14.9 ဆိုရင် နည်းနည်းအပေါင်းပြတာနဲ့ 15.0 ဆိုရင် အပေါင်းလို့သတ်မှတ်တယ်။

ကလေးတွေကို MMR (Measles, Mumps, and Rubella) ဆိုတဲ့ ကာကွယ်ဆေး ထိုးပေးရတယ်။ ဝက်သက်၊ ပသိရောင် နဲ့ ဂျာမန်ဝက်သက်ရောဂါ သုံးမျိုးကို ပြီးစေတဲ့ ကာကွယ်ဆေးဖြစ်တယ်။ ၁ နှစ်သား (၁၂-၁၅ လ) မှာထိုးရမယ်။ ကျောင်းနေတော့မဲ့ ၄-၆ နှစ်သားမှာ တခါထပ်ထိုးတယ်။ တခါတလေ ပဌမတခါနဲ့ တလခြားပြီး ဒုတိယတလုံး ထိုးတယ်။ ဒီကာကွယ်ဆေးက အန္တရာယ်လဲကင်း အတော်လဲ စိတ်ချရပါတယ်။ ဝက်သက်ကို ၉၅-၉၈%၊ ပသိရောင်ကို ၉၇% နဲ့ ရူဘဲလားကို ၉၅% အကာကွယ်ပေးနိုင်တယ်။

- Pregnancy and Rubella ကိုယ်ဝန် နှင့် ဂျာမန်-ဝက်သက် http://doctortintswe.blogspot.com/2014/11/pregnancy-and-rubella.html
- Vaccines and Pregnancy ကိုယ်ဝန်နဲ့ ကာကွယ်ဆေးများ http://doctortintswe.blogspot.com/2014/11/vaccines-and-pregnancy.html
- Rubella (ရူဘဲလား) http://doctortintswe.blogspot.com/2014/12/rubella.html ကိုတွဲဖတ်နိုင်ပါတယ်။

Dr. တင့်ဆွေ