နတ်တော်လဆန်း ၁၃ ရက်နေ့ဟာ မြန်မာပြည်ရဲ့အကြီးကျယ်ဆုံး စာရေးဆရာ၊ ကဗျာဆရာ၊ ကျေးဇူးရှင် လယ်တီဆရာတော်ဘုရားကြီး မွေးနေ့လို့ ငယ်မိတ်ဆွေတယောက်က ရေးလိုက်တယ်။ တမြန်နှစ်က ဒီနေ့မှာပါ။
ကျွန်တော် ၅ တန်းကတည်းက မုံရွာမြို့၊ ရတနာပုံရပ်ကွက်၊ အရှေ့လယ်တီအရှေ့ဖက်မှာရှိတဲ့ အိမ်ကနေ အနောက်လယ်တီကိုဖြတ်ပြီး မုံရွာ-ဘုတလင်ရထားလမ်းကိုကျော်တော့ အထက (၂) ကိုသွားရတယ်။ နေ့လယ် ကျောင်းနားချိန်ဆိုရင် လယ်တီကျောက်စာတိုက်ထဲသွားပြီး သူငယ်ချင်းတွေနဲ့ ဆေ့ာကစားကြတယ်။ အဲဒီတုန်းက ကျောက်စာတွေကို မွမ်းမံနေချိန်မို့ ကျောက်ချပ်တွေကို ဆောက်ကလေးနဲ့ ထွင်းရေးနေတာကို ရပ်ကြည့်လေ့ရှိတယ်။ ဒုတိယအစမ်းစာမေးပွဲအပြီးချိန်မှာတော့ လယ်တီဆရာတော်မွေးနေ့ဖြစ်လို့ ပွဲကြည့်ရတယ်။
လယ်တီဆရာတော် ရေးသားစီရင်ခဲ့တဲ့စာတချို့ကို အခုထိအလွတ်ရတယ်။
- ခွင့်သာခိုက်မှ မလိုက်ချင်လျှင် အမိုက်နင့်ပြင် ရှိသေးလေလိမ့်မလား၊
- ခွင့်သာဆဲမှ မခဲချင်လျှင် အလွဲနင့်ပြင် ရှိသေးလေလိမ့်မလား၊
- ခွင့်သာတုန်းမှ မရုန်းချင်လျှင် အရှုံးနင့်ပြင် ရှိသေးလေလိမ့်မလား။
ပြီးခဲ့တဲ့နွေမှာ အလည်ပြန်တော့ လယ်တီဆရာတော်ရုပ်တုကို ဦးချခဲ့တယ်။ ကျောက်စာချပ်တွေကိုလည်း တတ်နိုင်သလောက် ဖတ်ခဲ့တယ်။
ဒေါက်တာတင့်ဆွေ
၂၄-၁၂-၂ဝ၁၅
၂၄-၁၂-၂ဝ၁၈
Comments
Post a Comment