PID အမျိုးသမီးတင်ပါးဆုံတွင်းရောင်ခြင်း

(ကန်တော့ပါ)

၁။ အမည့့်။ နေရပ့့်။ အသက် ၃၁ နှစ်ပါ။ ကလေးနှစ်ယောက်ရှိပါတယ်ဆရာ။ အမျိုးသမီးရောဂါဖြစ်နေတာ အတော်ကိုကြာခဲ့ပါပြီ။ ခုထိဆေးထည့် ဆေးသောက် ဆေးသွင်း မသက်သာပါသဖြင့် ဆရာရဲ့ အမြင်နှင့် အဖြေကို သိလိုပါတယ်ရှင့်။ ၂ဝ၁၁ မှ ယနေ့ထိ ဆေးကုသမှုမှတ်တမ်းပါရှင့်။ ကာကွယ်ဆေး သုံးကြိမ်ပါရှင့်။ အသားစအဖြေပါရှင့်။ အခုနောက်ဆုံးရိုက်ခဲ့တဲ့ အဖြေပါရှင့်။ ရောဂါကတော့ လစဉ်ရာသီတပါတ်ပေါ်ပါတယ်ရှင့် အရမ်းကို များပါတယ် ရာသီပေါ်ပြီး တရက်နှစ်ရက်နေရင် အဖြူဆင်းပါတယ်ရှင့်။ အဖြူဆင်းတာနဲ မိန်းမကိုယ်ရောင်တယ် ယားတယ်။ သားအိမ်ထဲက အောင့်တယ်။ ခါးတွေအရမ်းကိုက်ပါတယ်ရှင့်။ ဆရာဖတ်ရှူလို့ရအောင် ဆေးမှက်တမ်းတွေပို့ပေးရခြင်းပါ။ စိတ်အနှောက်ယှက်ဖြစ်ခဲ့ရင် တောင်းပန်းပါတယ်ရှင့်။ ခံစားနေရတဲ့ဝေဒနာတွေကို နှုတ်မှစုံလင်အောင် မပြောပြတတ်လို့ပါ ကျေးဇူးတင်ပါတယ်။ (ဖက်ရှူ့နဲ့  မပြောပြတက်လို့ပါ သတ်ပုံတွေကို ပြင်လိုက်ပါတယ်။)

၂။ အသက်က ၂၂ပါဆရာ။ ခါးနဲ့တင်ပုဆုံတွေကိုက်နေတာ ၁လလောက်ရှိပါပြီ။ ဆရာဝန်ပြပြီး ultrasound ရိုက်ကြည့်တော့ သားအိမ်မှာရေအိတ်ရှိတယ်ပြောပါတယ်ဆရာ။ အိမ်ထောင်မရှိပါဘူး အပျိုပါ။ ရာသီကတော့ ပုံမှန်ဆင်းပါတယ်။ ခါးနာတာ သားအိမ်ရေအိတ်နဲ့ဆိုင်ပါသလားဆရာ။ ဆရာဝန်ကခါးနာတာမပျောက်ရင် ရေအိတ်ကို ခွဲထုတ်ရမယ်ပြောပါတယ်ဆရာ။ (မေးခွန်း မပါ။ PID လည်းရှိ။ ရရစ်မပါတဲ့ ပတွေပြင်လိုက်တယ်။ ရိုက်ကျိကို ပြင်လိုက်တယ်။ ရေအိပ်ကိုပြင်လိုက်တယ်)။

၃။ ဆရာ ကျွန်မအသက် ၃၃နှစ်ပါဆရာ။ အိမ်ထောင်သည်ပါ။ အိမ်ထောင်ကျတာ ၂နှစ်ကျော်ပေမယ့် အမျိုးသားနဲ့ အတူနေချိန်နည်းပါတယ်။ အဝေးမှာတာဝန်ကျလို့ပါဆရာ။ ကျွန်မရာသီစက်ဝန်းက တခါလာ ၆ရက်ပါဆရာ။ ၆ ရက် လာပြီးလို့နောက် ၂-၃ ရက်ကြာရင် တခါပြန်လာပါတယ်။ ရာသီလာတိုင်း ကိုက်ခဲနာကျင်ရလို့ ဒီလ၁၁ရက်နေ့က အိုဂျီမမနဲ့ သွားပြပါတယ်။ အာထရာဆောင်းရိုက်တော့ PID လို့ပြောပါတယ်ဆရာ။ မမအိုဂျီကနောက်နေ့ချိန်းထားပေမယ့် ကျွန်မတာဝန်ကျရာဆီ ပြန်ရလို့ မပြခဲ့ရပါဘူးဆရာ။

၎။ ဆရာရှင့် ကျွန်မအသက်က ၂၉ နှစ်ပါ။ အိမ်ထောင်ကျတာ ၁ နှစ် ၉ လရှိပါပြီ။ ကလေးမရသေးပါဘူးရှင်။ လွန်ခဲ့တဲ့လက ဗိုက်ဆီးစပ်နားကအောက်လို့ ဆေးခန်းပြီး ultrasound ရိုက်ကြည့်တော့ ရေအိတ်တည်တယ်ပြောပါတယ်။ ပြီးတော့ PID မျိုးပွားအဂါင်္ရောင်ရမ်းတဲ့ရောဂါဖြစ်နိုင်တယ်လို့လည်း ပြောပါတယ်ရှင့်။ ပိုးသတ်ဆေးတွေလည်း သောက်ရပါတယ်ဆရာ။ ကလေးရဖို့လွယ်ကူပါ့မလားသိချင်ပါတယ်ရှင့်။

၅။ ကျွန်မ ဒီနေ့အိုဂျီနဲ့ သားအိမ်စစ်တာ PID ovaries ဖြစ်နေတာ သိရပါတယ်ရှင့်။ တပတ်စာ စားဆေးပေးပါတယ်။ ကျမသိချင်တာက တကယ်လို့ရောဂါပျောက်သွားရင် ကျမကလေးရနိုင်ပါအုံးမလားရှင့်။ အရမ်းစိတ်ဆင်းရဲနေရပါတယ်။

၆။ သမီးအသက်က ၃ဝ ပြည့်ပြီး တလကျော်သွာပြီ။ ကလေးနှစ်ခါပျက်ဖူးပါတယ်ဆရာ။ ပြီးတော့ သာအိမ်ပြင်ပမှာ သန္ဓေတည်တယ်ဆိုပြီး ဗိုက်လည်းခွဲဖူးပါတယ်ဆရာ။ အခုဗိုက်ကဘယ်ဘက်ခြမ်းနဲ့ ခါးဘယ်ဘက်ခြမ်းက အရမ်းနာနေတာ တော်တော်ကြာပြီဆရာ။ အဖြူတွေလည်းဆင်းတယ်။ OG ကိုလည်းပြထားပါတယ်ဆရာ။ ဆေးစစ်ထားတယ်။ သွေးလည်း စစ်ပါတယ်။ သွေးကအဖြေကောင်းပါတယ်။ ဆီးထဲမှာတော့ပြည်ပါနေတယ်လို့ OG က ပြောတယ်ဆရာ။ ပိုးသတ်ဆေး နှစ်ပတ်ပေးသောက်တယ်။ ဆေးသောက်တာ တစ်ပတ်ပြည့်နေပြီး အောင့်နေတဲ့နေရာက ဒီအတိုင်းပဲဆရာ။ ဆီးထဲမှာ ပြည်ပါရင် အန္တရာယ်ရှိလားဆရာ။ ဘယ်ဘက်ခါးနဲ့ ဗိုက်ကအောင့်လည်းအောင့် နာလည်းနားတယ်။ ပိုက်ဆံဘည်းကုန် ရောဂါလည်းမပျောက်ဘူးဖြစ်နေပါတယ်ဆရာ။ အာလ်ထရာဆောင်းလည်း ရိုက်ထားတယ်ဆရာ။ သာအိမ်လည်း ရောင်နေတယ်လို့ ပြောပါတယ်ဆရာ။

မျိုးပွါးနိုင်တဲ့အရွယ် အမျိုးသမီးတွေမှာ အများဆုံးဖြစ်တဲ့ လိင်ကတဆင့် ကူးစက်ရောဂါတခုဖြစ်တယ်။ ပေါ့သေးသေးကနေ ဆိုးဆိုးဝါးဝါးအထိရှိတယ်။ ဂနိုရီးယားနဲ့ ကယ်လ်မီဒီယား ပိုး ၂ မျိုးကနေ အများဆုံးကူးစက်စေတယ်။ ၃ဝ-၄ဝ% က ပိုးတမျိုးမကကြောင့်ဖြစ်တယ်။ ဗက်တီးရီးယားတွေဟာ မွေးလမ်းအဝနဲ့ အောက်ပိုင်းကနေ အထက်ကို တက်တယ်။ သာမန်ဆိုရင် ဘာပိုးမှရှိမနေတဲ့ သားအိမ်အတွင်းနဲ့ အနီးတဝှိုက်ကိုရောက်လာနိုင်တယ်။ ကူးစက်ရောဂါတခုခု ရှိနေသူတွေ၊ လိင်ဆက်ဆံဘက် အဖေါ်များသူတွေ၊ အပျိုဘော်ဝင်စအရွယ်တွေ၊ မူးယစ်ဆေးသုံးသူတွေ၊ IUCD ကိုယ်ဝန်တားပစ္စည်း ထည့်ထားသူတွေနဲ့ Douching ဗဂျိုင်းနားကို ခဏခဏဆေးရည်နဲ့ ဆေးကြောတတ်သူတွေမှာ ပိုအဖြစ်များတယ်။ ကိုယ်ဝန်ဆောင်ရင် အဖြစ်နည်းလာတာတွေ့ရပေမဲ့ ကိုယ်ဝန် ပထမ ၃ လအတွင်းမှာလာဖြစ်ရင် အထဲကကလေးကို ထိခိုက်နိုင်တယ်။

တင်ပါးဆုံတွင်းရောင်ရမ်းခြင်း ဖြစ်စေတဲ့ပိုးတွေ
- လိင်ကတဆင့်ကူးစက်တဲ့ ဂနိုးရီးယားနဲ့ ကလာမိုင်ဒီးယားတွေကနေအများဆုံးဖြစ်စေတယ်။ ဗဂျိုင်းနားထဲမှ ရှိနေပြီး ဖြစ်တဲ့ပိုးတွေကနေလည်း အထက်တက်ပြီး ရောင်ရမ်းစေနိုင်တယ်။
- လေကြိုက်ပိုးတွေ = Non-hemolytic streptococcus, E. coli, Group-B streptococcus & staphylococcus ပိုးတွေ၊
- လေမကြိုက်ပိုးတွေ = Bacteroides species- fragilis & bivius, Peptostrepococcus & peptococcus ပိုးတွေ၊
- တခြားပိုးတွေ = Mycoplasma hominis Gardnerella vaginalis Actinomyces Ureaplasma Mycobacterium tuberculosis ပိုးတွေ။

ဘယ်နည်းနဲ့ပိုးတွေရောက်လာသလဲ
အောက်ဖက်ကနေ အထက်တက်လာနည်းနဲ့သားအိမ်အဝကနေ သားအိမ်၊ သားအိမ်ပြွန်၊ မျိုးဥအိမ် စတာတွေဆီ ရောက်တယ်။ အတူနေလို့ထွက်တဲ့သုက်ရည်နဲ့ ရာသီသွေးအထက်ဆန်တာကနေလည်း အောက်ကနေ အထက် တက်လာနိုင်သေးတယ်။

ရောဂါလက္ခဏာများ
- ဗိုက် ဘယ်-ညာ အောက်ပိုင်းနာခြင်း၊ ဂိုနိုးရီးယားဆိုရင် ပိုးဝင်ပြီးနောက် ၃ ရက်အကြာမှာဖြစ်၊ ကလာမိုင်ဒီးယားဆိုရင် ၅-၇ ရက်အကြာမှာဖြစ်။
- ကိုယ်ပူဖျား (> 38.3˚C/101F)၊ အားယုတ်၊ ခေါင်းကိုက်၊ မွေးလမ်းကတခုခုဆင်း၊ ရာသီဆင်းမမှန်ဖြစ်၊ အဆင်းများ၊ ဆီးအောင့်၊ ပျို့-အန်၊ အတူနေရင်နာခြင်း။ နှလုံးခုန်မြန်၊ ရေဓါတ်နည်း၊ လျှာအဖြူဖတ်ဖြစ်။ ဗိုက်ကိုဖိရင်နာ၊ အသည်းနေရာဖိရင်လည်းနာ။
- မွေးလမ်းကြောင်းစမ်းသပ်ရင် အဖြူစတာဆင်းနေတာတွေ့။ ဆီးလမ်းအဝရောင်နေတာတွေ့။ ဘာသိုလင်ပြွန်ဝကနေ ဖိလိုက်ရင် ပြည်ထွက်လာတာတွေ့။ သားအိမ်ဝကိုဖိရင်နာ။ ဘေးအနားလည်းဖိရင်နာ။ အူအတက်ရောင်ခြင်းနဲ့ခွဲခြားရမယ်။

နောက်ဆက်တွဲဖြစ်ခြင်းများ
အမြန်ဖြစ်ခြင်း
- Pelvic peritonitis တင်ပါးဆုံတွင်း အတွင်းဖုံလွှာရောင်ခြင်း၊
- Septicemia သွေးထဲပိုးရောက်ခြင်း၊
- Arthritis အဆစ်ရောင်ခြင်း၊
- Myocarditis နှလုံးရောင်ခြင်း။

နောက်ပိုင်းဖြစ်ခြင်းများ
- အတူနေရင်မနာသင့်ပဲနာခြင်း၊
- သားသမီးမရဖြစ်ခြင်း၊ သားအိမ်ပြွန်ပိတ်လို့  (၁) ကြိမ်ဖြစ်သူ = ၁၂%၊ (၂) ကြိမ်ဖြစ်သူ = ၂၅%၊ (၃) ကြိမ်ဖြစ်သူ = ၅ဝ%။
- သားအိမ်ပြင်ပသန္ခေတည်ခြင်း တခြားအမျိုးသမီးတွေထက် ၆-၁ဝ% ဖြစ်နိုင်ခြေပိုများတယ်။
- အတွင်းအင်္ဂါတွေတွယ်ကပ်ခြင်း။
- နာတာရှည် တင်ပါးဆုံတွင်းရောင်ရမ်းခြင်း၊ ပြည်တည်စေတဲ့ပိုးတွေနဲ့ တီဘီပိုးကနေဖြစ်စေနိုင်တယ်။
- နာတာရှည် တင်းပါဆုံမှာနာနေခြင်းနဲ့ လူကနေမကောင်းဖြစ်နေခြင်း။

အထဲမှာဘာတွေဖြစ်မလဲ
- Acute salpingitis သားအိမ်ပြွန်တွေရောင်ခြင်း။ ရောင်-နီ-အရည်ထွက်-အနာဖြစ်။
- Pelvic pus အတွင်းပိုင်းပြည်တည်ခြင်း။
- Tubovarian abcess သားအိမ်ပြွန် + မျိုးဥအိမ် ပြည်တည်နာဖြစ်ခြင်း။
- Retort shaped ထိခိုက်နေရာတွေ သွေးမဝဖြစ်၊ ပုံပန်းပြောင်းလဲ။
- Peritonitis, paralytic ileus, subdiaphragmatic and perinephric abcess အထက်ဆက်တက်ပြီး ဗိုက်အတွင်းဖုံးလွှာ ရောင်ခြင်း၊ ဗိုက်ထဲပြည်တည်ခြင်း။

ဘယ်လိုကုသမလဲ
နာတာသက်သက်အတွက် Ibuprofen တခါသောက် ၁ ပြား၊ တနေ့ ၂-၃ ခါ၊ အစာနဲနီးနီး သောက်နိုင်တယ်။ ဆေးကြောင့် အစာအိမ်နာဖြစ်တာကာကွယ်ဘို့ လေနာဆေးတွေနဲ့တွဲသောက်သင့်တယ်။ Cimetidine (Tagamet, Parenteral) 300 mg တနေ့ ၂ ကြိမ်၊ 400 mg အိပ်ယာဝင်။ Ranitidine 150 mg အိပ်ယာဝင်။ Omeprazole 40 mg တနေ့ ၁ ကြိမ် အစာမစားမီ၊ ၄-၈ ပါတ်။ Pantoprazole 40 mg တနေ့ ၁ ကြိမ် ၄-၈ ပါတ်။ PID ကိုကုသရတာမှာ ဆေးကိုညှာလို့မရပါ။ ပိုးအများကိုနိုင်တာပေးရမယ်။ ရေရှည်အတွက်လည်းကြည့်ရတယ်။

အပြင်လူနာနည်း (၁)
Ceftriaxone 250 mg IM တလုံးတည်းထိုး + Doxycycline 100 mg တနေ့ ၂ ကြိမ်၊ ၁၄ ရက်။ Metronidazole 500 mg တနေ့ ၂ ကြိမ်၊ ၁၄ ရက်ကို ပေးသင့်သူကိုပေးမယ်။

အပြင်လူနာနည်း (၂)
Cefoxitin 2 g IM တလုံးထဲထိုး + Probenecid 1 g စားဆေးတွဲပေး + Doxycycline 100 mg တနေ့ ၂ ကြိမ်၊ ၁၄ ရက်။
Metronidazole 500 mg တနေ့ ၂ ကြိမ်၊ ၁၄ ရက်ကို ပေးသင့်သူကိုပေးမယ်။

အပြင်လူနာနည်း (၃)
Cefotaxime ထိုးဆေး (သို့) Cefotaxime 0.5 g IM တကြိမ်ထိုး + Doxycycline 100 mg တနေ့ ၂ ကြိမ်၊ ၁၄ ရက်။
Metronidazole 500 mg တနေ့ ၂ ကြိမ်၊ ၁၄ ရက်ကို ပေးသင့်သူကိုပေးမယ်။

စားဆေးပေးတာ ၇၂ နာရီအတွင်း တိုးတက်လာရမယ်။ မရရင် ဆေးရုံတင်ကုသရမယ်။ လိုရင် ဗှိုက်ထဲကိရိယာထည့် စစ်ဆေးတာ လုပ်ရမယ်။ လိင်အတူနေဖက်ကိုလည်း စစ်ဆေးပြီး ဆေးကုရမယ်။ ကိုယ်ဝန်ရှိနေသူဆိုရင် ကလေး စောမွေးတတ်တယ်။ ဆေးထိုးကုသပေးရမယ်။

ဆေးရုံတက်လူနာပေးနည်း (၁)
Cefotetan 2 g IV ၁၂ နာရီတခါ။ (သို့) Cefoxitin 2 g IV ၆ နာရီတခါ + Doxycycline 100 mg ၁၂ နာရီတခါ။ ထိုးဆေးကို ၂၄ နာရီပေးပြီးနောက် စားဆေးဆက်ရတယ်။ Doxycycline 100 mg တနေ့ ၂ ကြိမ် ၁၄ ရက်။ ပြည်တည်နေရင် Clindamycin (သို့) Metronidazole + Doxycycline ပေးရမယ်။

ဆေးရုံတက်လူနာပေးနည်း (၂)
Clindamycin 900 mg IV ၈ နာရီတခါ။ + Gentamicin IV or IM (2 mg/kg) စပေးပြီး၊ (1.5 mg/kg) ၈ နာရီ တကြိမ်။ (သို့) (3–5 mg/kg) တကြိမ်တည်းပေး။ ထိုးဆေးကို ၂၄ နာရီပေးပြီးနောက် စားဆေးဆက်ရတယ်။ Doxycycline 100 mg တနေ့ ၂ ကြိမ် ၁၄ ရက်။ (သို့)  Clindamycin 450 mg တနေ့ ၄ ကြိမ်၊ ၁၄ ရက်။ ပြည်တည်နေရင် Clindamycin ဆက်ပေးရမယ်။

ဆေးရုံတက်လူနာပေးနည်း (၃)
Ampicillin/Sulbactam 3 g IV ၆ နာရီတခါ + Doxycycline 100 mg ၁၂ နာရီတခါ။

ဒေါက်တာတင့်ဆွေ