Healthy Babies Consortium ကိုယ့်ပေါင်ကို လှန်ထောင်းရခြင်း (၂)
Indianapolis Healthy Babies Consortium
Indianapolis Healthy Start and Marion County Public Health Department
Kiwanis International Auditorium: 3636 Woodview Trace, Indianapolis
ဒီကိုရောက်နေတဲ့ ချင်းကိုယ်ဝန်ဆောင်နဲ့ကလေးတွေအကြောင်းတော့ ဒီကပညာရှင်တွေနဲ့ ချင်းကွန်မြူနတီ ခေါင်းဆောင်တွေက ပြောကြပါတယ်။ သူနာပြု ချင်းအမျိုးသမီးနှစ်ယောက်၊ ကျန်းမာရေးဝန်ထမ်း ချင်းအမျိုးသမီး တယောက်နဲ့ ရခိုင်အမျိုးသားတယောက်တို့လည်းပါတယ်။ ကိုယ်ဝန်ဆောင်စောင့်ရှောက်မှု၊ မီးဖွါးခြင်းနဲ့ ကလေးသေဆုံးမှု၊ အလေးချိန်နည်းမွေးတာ၊ စောမွေးတာနဲ့ မိခင်နို့တိုက်တာတွေကို ကိန်းဂဏန်းတွေနဲ့ပြတယ်။ ကလေးကိုမိခင်တွေက နို့တိုက်နှုန်းကလွဲရင် တခြားလူမျိုးကိုယ်ဝန်တွေထက် နိမ့်ကျနေတာတွေ့ရတယ်။
ကျွန်တော်ကတော့ ပြည်တွင်းဆရာဝန်လုပ်ရတုံးကနဲ့ ပြည်ပမှာမြန်မာဒုက္ခသည်တွေရဲ့ ကျန်းမာရေးအတွေ့အကြုံတွေကို ပြောတာပါ။ ပြည်တွင်းက မြန်မာကိုယ်ဝန်ဆောင်တွေနဲ့ ပြည်ပမှာ ချင်းကိုယ်ဝန်ဆောင်တွေ မမွေးခင်၊ မွေးစဉ်နဲ့ မွေးပြီး ကြုံတွေ့ရတာတွေကို နှိုင်းယှဉ်ပြီးပြောပါတယ်။ ပြည်တွင်းမြန်မာတွေကို ကိုယ်ဝန်စောင့်ရှောက်ရတာနဲ့ ချင်းအမျိုးသမီးတွေကို ကိုယ်ဝန်စောင့်ရှောက်ရတာမတူပါ။ ဒါ့ပြင် နိုင်ငံတကာဆေးသုတေသနတွေထဲမှာ ပါတာတွေနဲ့လည်း ကွဲပြားတယ်။
သုတေသနလုပ်ချိန်နဲ့ လုပ်စရာလိုအပ်ချက်တွေ မပြည့်စုံပေမယ့် သိသာတဲ့ခြားနားမှုတွေရှိတာကို ပြောပါတယ်။ မြန်မာ အမျိုးသမီးတွေက ကလေးမွေးပြီး နို့နာပေါက်တာများပြီး ချင်းအမျိုးသမီးတွေကနည်းတယ်။ မြန်မာလူမျိုးတွေထဲမှာ (ဟာနီယာ) အူကျတာနဲ့ (ဟိက်ဒရိုဆီးလ်) မုတ်ရောဂါများသလောက် ချင်းကလေးတွေမှာ မများပါ။ ဒါပေမယ့် မွေးကာစ ချင်းကလေးတွေမှ (ဖိုင်မိုးဆစ်) ပန်းငုံတာနဲ့ (အင်ပါဖိုရိတ် ဟိုင်မင်) အပျိုမှေး လုံးဝပိတ်တာပိုများတယ်။
ဒေလီမှာ ရိုးရိုးမွေးပေးနိုင်တာများတယ်လို့ပြောတော့ ဆွေးနွေးပွဲတက်တဲ့ အမေရိကန်သားဖွါးအထူးကုဆရာဝန်တဦး (သူက မြန်မာပြည်ကို တခေါက်ရောက်ဖူးတယ်) ကမေးလို့ ဘာကြောင့် ခွဲမွေးနည်းသလည်းကို ရှင်းပြရသေးတယ်။ ဆရာဝန်က စိတ်ရှည်၊ သီးခံပြီး၊ အချိန်ပိုပေးရတယ်။ စိုးရိမ်စရာတွေကိုသိပေမယ့် တာဝန်ယူလုပ်ပေးရတယ်။ အထောက်အကူနည်းတွေ လုပ်ပေးရတယ်။ လူနာတွေကိုယ်တိုင်ကလည်း စိတ်ရှည်သီးခံပြီး၊ ဆရာဝန်ဆုံးဖြတ်ချက်ကို အားကိုးကြတယ်လို့ဖြေခဲ့ပါတယ်။
ဒေါက်တာတင့်ဆွေ
၃၁-၇-၂ဝ၁၅
Comments
Post a Comment