Strawberry စထောဘယ်ရီကို ဘယ်လိုရေးမလဲ
မကြာမကြာရေးပါတယ်။ တခြားဘာသာစကားကနေ ယူသုံးတာတိုင်းမှာ အနီးစပ်ဆုံး အသံထွက်ကိုသာယူရကြောင်း။
အသံထွက်ရာမှာ ဟိုအရင်က စည်းစနစ်ထားခဲ့တာရှိတယ်။ တော၊ ထော၊ တော်၊ ထော် မတူပါ။ အာရ် ပါရင် ထသံ ထွက်လေ့ရှိတယ်။ ဥပမာ တက်ထရာဆိုက်ကလင်း ဆေး။
စထောဘယ်ရီစာလုံးအစနဲ့ ကောက်ရိုးစာလုံး တူတယ်။ အင်္ဂလိပ်စာလုံး ကောက်ရိုးကို ဘယ်လိုထွက်သလဲ။ စတော်လို့ ထွက်ရင် ဆိုင်စာလုံးလား မှားနိုင်တယ်။ စထော ထွက်ကြတယ်။ အရည်တခုခုကို စုပ်သောက်တဲ့ ပိုက်တံလေးကိုလည်း အဲလိုပဲ အသံထွက်ကြတယ်။
ဘာသာစကားမတူတာကို အသံထွက်ရတာ အတိအကျ မရတာက များတယ်။ အစဉ်အဆက် လွဲခဲ့တာတွေလည်း ရှိတယ်။ မှန်အောင်ပြင်ရင် လူရယ်ခံရမယ်။ ဇွန်၊ ဇူလိုင်ကို ဂငယ်နဲ့ရေးရင် မှားတယ်ပြောကြမယ်။ လူအမည် ဂျွန်ကိုတော့ ကိုဇွန် ဦးဇွန်လို့ မပြောကြပြန်။
ကိုယ့်အရပ်နဲ့ ကိုယ့်ဇာတ် ပရိသတ်တော့ ပေါပါတယ်။
ဒေါက်တာတင့်ဆွေ
၂၂-၅-၂၀၂၀
Comments
Post a Comment