OG အိုဂျီ
အင်္ဂလိပ်လိုအတိုကောက်ကို မဖြေခင် မြန်မာလိုရေးတာ ပြောချင်တယ်။ မီးယက်လို့ရေးတာ မှားနေတယ်။
မေးခွန်းတခုမှာလည်း အဲလိုမှားရေးတယ်။ အဲတာတွေက လူနာတွေကနေ ရေးကြတာ။ အထူးကုဆရာဝန်တဦးရဲ့ ဆိုင်းဘုတ်ပါ မှားနေတာတွေ့တယ်။ ဆရာဝန့်လက်ရေး ဖတ်မရလို့ ပြောစမှတ်ရှိတယ်။ ဆရာဝန်ဆိုင်းဘုတ် ဟုတ်ရဲ့လား မေးချင်တယ်။ မီးကို လျှာနဲ့ယက် (လျက်) ခိုင်းထားတယ်။
နောက်တမျိုး မှားသေးတယ်။ သမီးတခုလောက်မေးချင်လို့ပါ ကန်တောပါဆရာ သမီး မီးရပ် ဒီလ ၉ရက်နေ့မှတခါလာပြီး အခုဒီနေ့ မီးရပ်ပြန်နေပြီဆရာ အဲဒါစိုးရိမ်ရပါလားတဲ့။ မီးရပ် မှားတယ်။ မီးမလာလို့ ပိတ်သွားတာသဘော ဖြစ်နေတယ်။
ရာသီစာလုံး မသိတဲ့အမျိုးသမီးတွေလည်း ခဏခဏတွေ့ရတယ်။ သွေးဆင်း၊ လစဉ်၊ ရာသီ၊ ဓမ္မတာ။ တခြားဘယ်လိုတွေ ခေါ်ကြသေးလည်း မသိ။ အမေရိကန်တွေက ဖူးလ်စတော့ ကို Period တဲ့။ မြန်မာပြည်မှာတော့ လစဉ်သွေးဆင်းတာကို အဲလိုခေါ်ကြတယ်။
OG = Obstetrics and Obstetrician = သားဖွါးနှင့် မီးယပ်ပညာ။
OG = Gynecology and Gynecologist = သားဖွါးနှင့် မီးယပ်ပညာ အထူးကုဆရာဝန်။
ယူအက်စ်အေမှာတော့ OB/GYN လို့ရေးကြတယ်။ အမေရိကန်တွေက အတော်ဂွကျတယ်။
ဒေါက်တာတင့်ဆွေ
၂၀-၄-၂၀၂၀
Comments
Post a Comment