Nodular goiter လည်ပင်းကြီးရောဂါ

မ။ အသက်-၃၇နှစ်။ ရောဂါအခြေအနေ လည်ပင်းမှာအလုံးရှိ။ ရောဂါဖြစ်တာ ၁ နှစ် ၈ လ ခွဲရမယ် ဆရာဝန်ကပြော။ ကျွန်မကလေး သွေးစစ်အဖြေ။ ကျေးဇူးတင်ပါတယ်ဆရာ။

Nodula goitre စာဖတ်နိုင်။

အားနာပါတယ်ဆရာ English လိုမဖတ်တတ်လုိ့ပါ။

Goiter ဂွိုက်တာ ခေါ် လည်ပင်းကြီးခြင်းဆိုတာ Iodine deficiency အိုင်အိုဒင်းဓါတ်ဆားနည်းလို့ဖြစ်တာနဲ့ လည်ပင်းကြီးရောဂါတခုခုကြောင့် ဖြစ်နိုင်တယ်။ Multinodular goiter လည်ပင်းကြီးရောဂါမှာ ပုံမှန်အားဖြင့် မမြင်ရ စမ်းမရတဲ့ လည်ပင်းကြီးအိတ်ထဲမှာ သိသိသာသာအကျိတ်၊ အကျိတ်တွေဖြစ်လာတာကိုခေါ်တယ်။ တခါတခါ ဘာလို့ဖြစ်သလဲ မရှင်းပါ။

Thyroid adenomas ဆိုတာ Autonomous ဒါမှမဟုတ် Hyperfunctioning thyroid nodules အကျိတ်လုံးလေးတွေ့ အလုပ်ပိုတွေလုပ်ဖြင်းဖြစ်တယ်။ ဟော်မုန်းတွေ ပိုထုတ်ပေးနေမယ်။ Hyperthyroidism ခေါ် လည်ပင်းကြီး ဟော်မုန်းများရောဂါဖြစ်စေတယ်။

Thyroid cyst ဆိုတာ အရည်အိတ်လေးတွေဖြစ်နေတာ။ အရည်သာမက အစိုင်အခဲလိုလည်းရှိတတ်တယ်။ ကင်ဆာလား စစ်ဆေးရမယ်။

Thyroiditis ဆိုတာ နာတာရှည်ရောင်ရမ်းခြင်းဖြစ်တယ်။ Hashimoto's disease လည်းပါတယ်။ Hypothyroidism ခေါ် ဟော်မုန်းနည်းတာနဲ့တွဲနေတာများတယ်။

Thyroid cancer လည်ပင်းကြီးကင်ဆာ။ လည်ပင်းကြီးနေသူတွေထဲက နည်းနည်းလေးသာ ကင်ဆာဖြစ်တယ်။

နောက်ဆက်တွဲဖြစ်နိုင်တာတွေရှိတယ်။ အသက်ရှူခက်ခြင်း။ ဟော်မုန်းများခြင်း။ ဟော်မုန်းများနေရာက နှလုံးခုန်မမှန်ခြင်း။ Osteoporosis အရိုးအားနည်းခြင်း။ Thyrotoxic crisis အရေးပေါ်ဖြစ်ခြင်း။

ဒေါက်တာတင့်ဆွေ
၃ဝ-၇-၂ဝ၁၇

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး